الموضوع: كيا نيو سيراتو sat nav

المشاركة الأصلية كتبت بواسطة smax

انا جبت واحد للبريليانس FRV من شركة صيني , الشركة بتعمل اجهزة لحوالي 120 عربية و منها السيراتو.
انا ركبت الجهاز من اسبوعين و هو فية dvd, GPS, camera, bluetooth, radio, TV, mp3, (usb, ipod & aux cable) و touchscreen و رائي انة جهاز ممتاز و استجابتة سريعة جدا و نفس خامات التابلوة تحس ان العربية نازلة كدة و جة بوصلة علشان متقصش في اسلاك العربية المشكلة الوحيدة انة مفيهوش loud في بس بيلت ان اكولايزر و ضبط bass, treble

أولا احب أشكرك على المعلومة ونورت كيا يا smax بس عاوزك تكمل جملك كده وتعملنا تقرير كده ظريف عن تجربتك مع الGPS أنت وشوية تفاصيل كده عن

• نوعه
  
• جبته منين
  
• بكام
  
• هل عليه ضمن ولا لأ
  
• هل استخدمت el-GPS ؟ يستاهل ولا لأ (عشان هو لو مجرد DVD بلاير يبقى بصراحة مايلزمنيش :D)
• خطوات التركيب عشان الضمان للي معاهم عربية وكيل زي حالاتي

وطبعا اهم حاجة لو عرف الصور عشان كله يتفرج قصدي يستفيد :) شكرا ياباشا واسف على الإطالة والف مبروووووووووووك

المشاركة الأصلية كتبت بواسطة Ahmed Anwer

طب أيه رأيكم تجيبوا ده أحلي ،،





سعره في الموقع 125 دولار ،، ده بس الشاسية الفيبر بتاع الشاشة

و عندهم كل الاضافات للسيارات الكورية

Korean Auto Imports

شكرا على مرورك يا أحمد باشا بس بعد كده المفروض بصراحة نخلي كيا و هيونداي نفس المنتدى عشان خلاص زيتنا بقى في دقيقنا :)
هو فعلا حلو من ناحية الفكرة وانا كنت بدور عليه بس عيبه زي ما أنت شيف إن الframe لوحده من غير شحنه $125 يعني استهبال بصراحة وكمان التاني اللي أنا عرضه شكله أحلى خصوصا إن مفيش توفير لو حد جاب ده

شكرا على معلومة ونورت ياابوحميد :)

المشاركة الأصلية كتبت بواسطة smax

العفوا ياباشا.
نوعة haulingan
انا جبتة عن طريق الانترنت و شحنتة علي عنوان واحد صحبي برة مصر.
الجهاز ب 265$ و الكاميرا ب 25$ و كارت ميموري 2 جيجا علشان الخرائط ب10$ و الشحن ب 95$.
ضمان سنة بس لاو حصل حاجة لازم تبعتهلهم يعني هتدفع 95$ مرتين!!!
هو الجهاز كلة ممتاز و موضع ال GPS انا شايف انة يساتهل :
هو باختصار استجابتة سريعة جدا و تقدر تشغل ال GPS وMP3 او راديو في نفس الوقت و لاو عامل route هتلاقي الاغاني تقف و صوت ال GPS يظهر و بعدين يرجع تاني (علي فكرة نفس الحكاية مع الbluetooth لما يجيلك تليفون او انت تطلب يفصل الاغاني و بعد ما تخلص تليفون يرجع) و نازل علية برنامج Igo و خريطة مصر كلها بالمحافظات و شكلها خريطة جديدة, بس مشكلتة بالنسبالي لسة حاسس ان التعامل معاة صعب و كمان مفيش POI نازلة مع الخريطة. بس طبعا مع الوقت هتعود علي البرنامج و اكيد هينزل خرائط احدث فيها اسماء الاماكن.
معلش انا مصورتوش بس هصورة و هحط الصور بكرة

تسلم يا باشا بجد ومستني الصور بس أنا كنت بدور على نفس النوع بتاعك لقيت واحد حسيته منتشر أكتر منه شوية اسمه WITSON وليه فيديوهات كتير قوي وهوا راكب في عربية ودخلت على الوب سيت بتعهم وبعتلهم اسالهم على كام حاجة كده ومستني ردهم وفي لينك كمان للفيديو وشكله جامد بصراحة قوي

YouTube - WITSON Mitsubishi Lancer

بس فيه مشكلة بقى إني برده بعد كل الكلام الجميل ده لقيت كام فيديو كده عن ناس مصورة نفس الجهاز وهوا جايب blue screen وحاجات كده بس مش عارف بقى ياترى ده فعلا عشان كل دي حاجات صيني ولا إيه

أول مايجلي الرد منهم حقولك يا باشا

المشاركة الأصلية كتبت بواسطة Beeso

بس فيه مشكلة بقى إني برده بعد كل الكلام الجميل ده لقيت كام فيديو كده عن ناس مصورة نفس الجهاز وهوا جايب blue screen وحاجات كده بس مش عارف بقى ياترى ده فعلا عشان كل دي حاجات صيني ولا إيه

أول مايجلي الرد منهم حقولك يا باشا

ده عشان شغال windows, هما ميكروسوفت كده, مبيستروش في اي حاجة حتى لو windows ce.

ربنا يكرمك يا باشا على مجهودك.

مش ممكن المرور يعمل مشكلة على ده؟ حيقولك مركب شاشة على الطابلوه و مش عارف ايخ, انت عارف الحس الامني العالي اللي في مصر, والشاشات اللي على الطابلوه بتمثل خطر على الامن القومي.