سيادتك الناس مش مفروسه ولا حاجه . الحكايه و ما فيها دي اراء حياديه . انا رحت اشتري اللوجان مسؤول المبيعات بسخافه بيقوللي تحجز و تستلم بعد 3 شهور و ثمن الهاف اوبشن ب 65000 الف جنيه حسسني اني احنا رجعنا للاشتراكيه و زمن طوابير الجمعيه!!!! قولتلوا بس انا مستعجل و عايزها بسرعه قاللي انا ممكن اديك اسماء معارض بنتعامل معاها بس دي بقه بتبقى اغلى 5 الاف جنيه!!!!! يعني 70000 الف جنيه لسياره هاف اوبشن لو عاوز تدفع و تستلم!!! اتفرجت على العربيه و رأيي بصراحه كالتالي. العربيه اللي شوفتها كانت الفل اوبشن. العربيه عاليه عن الارض, الشنطه واسعه بالنسبه لفئتها و بس على كده!!!! خامات التابلوه رخيصه و الفرش فعلا خامته رديئه, مستوى التشطيب مش وحش بس والله طلعت شوية ملاحظات وريتها لموظف المبيعات معلقش, سيبت المعرض و انا زعلان علشان انا كنت عايز عربيه اوروبي بس طبعا مش ديه! المهم روحت معرض سيارات جنبيهم لقيت العربيه البروتون الساجا اللي سمعت عنها نازله جديد . فل اوبشن و اوتوماتيك كمان و تسليم فوري ب 68 الف!!!!! مانيوال ب 63 الف!!!!!! فيها سينسور بارك و انذار كمان!!!!! جنوط سبووووووور!!!! يعني من الاخر حتشتريها مش حتعرف تصرف عليها لأن فيها كل حاجه!!!! التابلوه اشيك ميت مره و الصالون واسع فعلا خامات افضل من اللوجان و المحرك على الرغم من انه 1300 بس 16 صباب بيولد قوه مقاربه لل 1600 القديم بتاع اللوجان! فايه رأيكوا؟؟ واللا الفيرنا؟ بصراحه انا مش عايز اقول ان اللوجان ثوبها 55 الف علشان الناس تشتريها!مش 70 الف!!!!! دا انتا تكمل و تجيب جيتز احسن بمراحل و فئه اعلى
المفضلات