الموضوع: مقارنة بين سيراتو / لوجان / 128 (مع اعتذارى الشديد لملاك السيراتو)

المشاركة الأصلية كتبت بواسطة bob12345

والله يا جماعة اللوجان دي عربية كويسة بالنسبة لفئة السيارات الاقطصادية يعني لما افكر في عربية اقطصادية افكر فيها ....... اقرنها بفيرنا بلانوس كدة يعني وبردة ليها عيوب زي لماليها مزايا مش معني انها عليها علامة رينو يبقي انها تميزيت علي الفئة دي ومفيش منافسة لكن نطلع برة حدود فئتها ونقول انها احسن لمجرد انها رخيصة وتكاليف تشغليها رخصية يبقي كدة بقي الماروتي افضل عربية زيرو

111111111111111111++++++++++

المشاركة الأصلية كتبت بواسطة zkralla

الكلام ده ملوش أى اساس من الصحه ( سيب المشاركتين الى فوق هتلاقيه لأنى مستخسر بصراحه اعملوا اقتباس )
عليه العوض فى قسم المقارنات

أنا هصلح الكلاه عشان لو حد ميعرفش حاجه ميضللش بكلام زى ده

لوجان بتتصنع فى 6 مصانع وبتزل بره مصر باسماء كتير - مش اسم داشيا بس زى ما الاخ بيقول - بتنزل باسم رينو مصر وروسيا وماهيندرا فى الهند ونيسان ابريو فى المكسيك
يعنى بتتصنع فى مصنع رومانيا وروسيا والغرب والهند واسبانيا
الرينو بينزل بموصفات داشيا لكن طبعا حضرتك متعرفش اصلا أن مصنع داشيا بيع بالكامل الى رينو وأن الانتاج المغربى بيروح فرنسا وروسيا والمانيا
ومعرفش أيه البلاد الاوربيه الى زرتها عشان تعرف معلومه أن داشيا من اردء الماركات الاوربيه واضح أن الكلام ده منتشر فى اكتر من مكان فى شبرا والقلعه( باقصد رينو داشيا لاستحواذ رينو على المصنع بالكامل )
الماتور بيتاع اللوجان هو ماتور ميجان 1 يعنى رينو مش مستخسره ولا حاجه أذا اصلا كان ينفع نقول أن شركه مستخسره تحط ماتور فى عربيه لأن الحايه مش استخسار ديه اعتبارات اقتصاديه وفنيه

فعلا كل الناس الى كانوا هيشتروا لوجان وغيروا رأيهم لازم يعرفوا أنهم خدوا ثواب كبير
خدموا ناس تانيه منتظره شهور كانوا هيزحموا عليهم
ثواب الصبر على الابتلاء الى غالبا ربنا بلاهم بيه بعد تغيير القرار ههههههههههه

انا عملت اقتباس و مش مستخسر اعمل اقتباس ولا حاجه علشان انت راجل زي العسل و سكر و شربات. انا شفت اللوجان في تركيا و كانت شغاله تاكسي هناك بس ولا شفتها في المانيا ولا المجر ولا القلعه ولا شبرا :b4_388: عموما يا سيدي انا بأقول الحمدلله اني مشترتهاش و لو حاخد ثواب علشان انا حطيت القرش في مكانه و مرميتش فلوسي في الارض. انا كل اللي بأقوله اللوجان على كل ما فيها متستاهلش اكتر من 55 الف جنيه لأنها مصنعه من خامات رخيصه و تكنولوجيا رخيصه و جودة تصنيع متوسطه (مقلتش رديئه) و الكلام ده اغلب المشاركين قالوه انها سياره رخيصه ( أو المفترض انها رخيصه لولا التوكيل المحترم بتاعها ) و كون ان الشباب اللي اشتروها عجبتهم او بيشكروا فيها ده بيدل انهم مركبوش عربيه احسن منها قبل كده فربنا يباركلهم فيها و يسعد بخيت ببخيته. للعلم انا سألت مهندس صديق شغال في توكيل رينو و الله شهيد على ما اقول قاللي هي ميزتها انها رخيصه!!!!!!! بس فيها بعض العيوب في الفتيس و الكهرباء بس بتتصلح علطول و عموما الضمان بيغطيها! بس برضه ازاي اكون جايب عربيه جديده زيرووووو ىو بعد اسبوع اروح للورشه اضبط ده و اصلح ده و اغير ده!!!!! هي مستعمله!!! ده بيدل على جودة تصنيعها و خاماتها.
و ثم السعر فعلا انا مستخسره عليها ازااااااااي الرينو الكليو كانت زيرو ب 72 او 73 الف و اللوجان دي ب 69 الف (لو استلمت بعد صبر 3 اشهر او 5 اشهر زي مابيقول الاخ) و لو عايز لوجان كاش يبقى ب 72 الف واللا 73؟!! اكيد حتقول ان الداتشيا احلى من الرينو نفسها علشان رينو بتحب داتشيا اكتر من نفسها. الخلاصه اللوجان اخرها علشان تناسب خاماتها 55 الف و ده والله العظيم سعرها الحقيقي اللي التوكيل المفروض ينزلوا بيها بدون النهب اللي بيعملوا!!! انا كاتب تعليق سابق في حسبه بسيطه للسياره و ياريت تراجعها و ترد بموضوعيه و بدون تريقه و شخصنه. انا لحد دلوقتي بتكلم عن السياره و التوكيل مش عنك او اي مالك ليها. وربنا يبارك للجميع في عربياتهم !!

المشاركة الأصلية كتبت بواسطة mmffor

انا عملت اقتباس و مش مستخسر اعمل اقتباس ولا حاجه علشان انت راجل زي العسل و سكر و شربات.

أنا بقول مستخسر اعمل قتباس للكلام عشان كلام غلط الموضوع ملوش دعوه بشخصك يعنى أنت كمان ممكن تكون عسل وسكر وشربات زى حلاتى على حد وصفك - واظنك راجل محترم فعلا - ومعملش اقتباس للكلام بتاعك عشان كلام غلط

ثانيا : الكلام أى قولته عن وجهه نظرك الشخصيه فى العربيه ديه حاجه شخصيه أنت حر فيها وأنا مش هانقشها لأن الاولى مناقشه حاجات حضرتك ذكرتها كحقائق زى أن ماتور اللوجان مش رينو الى عملاه وكمان زى أن أن اللوجان بتنزل فى مصر باسم رينو وباستثناء مصر بتنزل باسم داشيا .... الخ الكلام الى حضرتك قولته يا ريت حضرتك ترد على الكلام ده عشان منخشش فى مواضيع تانيه والكلام يتوه مننا

ثالثا : حكايه أن كل الى معاه اللوجان مركبش عربيه احسن أو فى فئه اعلى
أعتقد ده تعميم مرفوض لان حضرتك لو كنت تعرف حد معاه لوجان فأنت أكيد متعرفهمش كلهم ومش متابع تاريخ حياتهم
أنا واحد من ا لناس ركبت عربيات كتير فى فئات سعريه اعلى من اللوجان ولازم لما اجى اقارن اللوجان اقارنها بفئتها مش اعمل نفسى ظريف واستخف دمى واروح اقارنها بالسراتو مثلا

المشاركة الأصلية كتبت بواسطة mmffor

للعلم اللوجان موجوده في مصر بره تحت اسم رينووووووووو في اي مكان تاني نازله تحت اسم داتشيا !!!!!! معروفه الداتشيا انها من اردأ و ارخص السيارات الاوروبيه لأنها مصنعه في رومانيا!! و مصنعه خصيصا كسياره اقتصاديه (رخيصه ) زي دايوو و جنيرال موتورز ده مش معناه ان دايو بتنزل سيارات بمواصفات تصنيع شيفروليه الامريكيه بل بمواصفات كوريه بالكامل!!!
داشيا لوجان بمواصفات داتشيا رومانيا و ليست بمواصفات رينو فرنسا! ده حتى رينو استخسرت تنزل فيها موتور رينو اللي بينزل في عربياتها اللي بتتصنع في فرنسا او تركيا!! لسه بتنزل بموتور داتشا القديم!
تكنولوجيا قديمه احسن؟ طب ما على كده نشتري جراند بونتو 2010 و نسقطلها موتور ال 128 ؟؟؟ ايه رأيك بصراحه؟

+1

المشاركة الأصلية كتبت بواسطة mmffor

111111111111111111++++++++++:s_thum1[1]::s_thum1[1]::s_thum1[1]:

يعنى اكيد صح مش حضرتك بتكره اللوجان وكل ملاكها

مش عارف ليه كل ملاك اللوجان متعصبين..الموضوع كله عن المبالغة في المقارنة لو إنت مش كده فكك !!!..الموضوع ده رسالة ل ناس تانية

لا حول ولا قوة الا بالله ... بجد الناس متغاظة اوى من اللوجان يا هانى
كل دة علشان طلعت عربية بنت ناس ومحترمة ..... اللى يقولك فيها مشاكل فتيس
واللى يقولك فيها مشاكل فى الكهربا ... يا ساتر يا رب ... دة انت قلبك اسود اوى .... يا هانى
.............................................
بمناسبة استكمال هذا الموضوع الشيق وبعد غسيل لوجى امس فى البنزينة وبقت بربرق وتركيب بعض الاستيكرات لزوم الروشنة
قررت اليوم ان اقوم بتركيب اسبويلر نيكل رفيع كدة على شنطة لوجى شكله جامد اوى مع شريط الكروم
......................................
يا ريت يا جماعة تكملوا الموضوع دة خلونى اظبط العربية ... ربنا يخليكوا طلعتوا شوية افكار هايلة فى دماغى لتظبيط لوجى حبيبتى