اقتباس المشاركة الأصلية كتبت بواسطة الصيداح مشاهدة المشاركة
سلام الله عليكم

هذه بعض من الأسئلة التي دائما ما تدور في عقلي....
انا هقول بعض الاجابات اللي اعرفها واللي معرفهاش هسيبها للمختصين ( انا مستخدم عادي ولست متخصص)

1 : ما هو الشاسيه وما وظيفته؟
انا عارفه بس مش عارف اوصفه بس ببساطه يعني هو الجزء المعدني الداخلي للسياره بمعنى ان ده الجزء اللي راكب عليه الرفارف والاكصدامات والابواب والكبوات واللي متركب عليه الكراسي والتابلوه والمحرك والعفشه

2 : ما هي قواعد المحرك ((الموتور)) وما وظيفتها؟
بصراحه معرفهاش

3 : ما هو حوض الموتور؟
لما حضرتك تفتح الكبوت وتبص بصه سريعه على الحاجات اللي راكبه موتور وخراطيم وخلافه كل جه متركب في الحوض يبقى الحوض هو الجزء اللي بيتركب الحاجات دي فيه والله اعلم

4 : هل دائما في سيارات السحب الأمامي يكون الموتور بالعرض؟
مش عارف

5 : ما هو الإسبراتير وما وظيفته؟
مش عارف

6 : حينما أقول الشكمان فماذا أقصد بذلك هل كل الماسورة من أول الفرن إلى الحلية الخلفية أم ماذا؟
تقريبا اه

7 : حينما أريد تربيط العفشة فما المقصود بذلك ومتى أحتاج إليها؟
المسامير اللي رابطه بين العفشه والجنط المفروض يتقرط عليها كل فتره ولتكن 10 الالف كم او 5 الالف علشان مع الهبد والترزيح والحفر والمطبات والاماكن الغير مستويه المسامير دي بيتأكد عليها علشان ممكن تتفك حاجه بسيطه غير مؤثره بس لو اهملتها هتلاقي العربيه بتلعب

8 : ما هي الضفيرة الكهربائية الموجودة في السيارات وما وظيفتها؟
الضفيره هي عباره عن مجموعه من الاسلاك مجمعه حوالي السياره وبيخرك من توصيلات للفوانيس والولاعه وكل جزء بيحتاج يشتغل بالكهرباء والله اعلم

9 : إذا كان فرق جهد البطارية هو فقط 12 فولت فأي من أجزاء السيارة هو المسؤول عن إنتاج فرق الجهد الكافي لتسيير السيارة؟
تقريبا البطاريه

10 : كم من الوقت يحتاجها المولد ((الدينامو)) ليقوم بشحن بطارية فارغة؟
معرفش
11 : هل دورة التبريد يجب ألا تحتوي على هواء وماذا إن فرغت القربة والسيارة تسير ألن يتخلل الهواء للدورة؟
معرفش

12 : عندي لما أسير بالسيارة لمسافة بسيطة وأحس الموتور بيدي أشعر بأنه ساخن جدا بالرغم أني لم أسير المسافة التي تجعله هكذا ذهبت للميكانيكي فقال لي هذا الطبيعي لأي موتور سيارة فهل هذا صحيح علما بأن السخونة ليست عالية للدرجة لكنى لا أتحمل أن أضع يدي ؟
هو موتور السياره بيسخن جامد اوي بس جوه الكابينه انت مش بتحس بيه ولو فتحت الكبوت هتلاقيه سخن وهتحس بسخونه عاليه حاول تشوف عربيه تانيه من نفس نوع عربيتك ولاحظ فرق السخونه بس الطبيعي انه بيسخن ودرجة الحراه منتظمه الا لو سخن اوي بقى ومؤشر الحراره زاد فوق الطبيعي هنا يبقى في مشكله

13 : ماذا تعني عمرة الموتور؟
تغيير الاجزاء الداخليه للموتور يعني بعد ما الموتور يتهلك خالص والاجزاء الداخليه بيكون عمرها الافتراضي انتهى بيركب اجزاء جديده بدالها علشان الموتور يشتغل تاني وبالتالي تتحرك السياره

14 : تابلوه السيارات أحس بأنه مركب بطريقة لا يمكن فكها فهل هو قابل للفك بسهولة؟
هو قابل للفك لكن مش بسهوله لانك متعرفش فين المسامير بتاتعه اللي ربطاه بجسم السياره
لكن عموما هو قابل للفك بسهوله لكن لما تفكه هتلاقي تحتيه حاجات عجيبه بقى
سلوك يمين وشمال بتاعت الكهرباء وخراطيم للتكييف وفيش وعمود الدركسيون الداخلي ده الى اخره

15 : يكفي هذا الكم من الأسئلة وجزاكم الله عنا كل خير


محدش يضرب لو جاوبت حاجه غلط انا قلت اللي اعرفه واللي شاكك فيه واللي معرفوش مقللتوش:b4_611: