ممكن يا باشا توضح ايه الحوار ده ؟ وبيعمل ازاي وفين وبكام ؟:verygood:
م/ اسلام عامر
معتقدش انها بتحول ل torsion beam خالص
و اصلا يا شهدي باشا ال multi link احسن فالثبات
يا جماعه ممكن حد يفهمني بعد اذنكم..؟؟ طيب هل تقصدوا Strut Bars؟؟ مش Strunt !!!!!!
طيب و لو تقصد الــStrut Bars... ازاي هتحول الـMulti لــ Torsion..!!! دي مش وظيفتهم يا باشا
أصل زي ما قال دكتور المغربي... الطبيعي ان الــMulti-Link Or Arm, أكثر ثبات من الـTorsion..
علشان كده انا سألت يا باشا... هل انت متأكد من الأسم و الوظيفه اللي هي بتحول من مالتي لتورشن؟؟؟
فهتوني يا جماعه؟؟
السلام عليكم ورحمة الله و بركاته
أستاذ غازي كان لي إستفسار بسيط ، إنت كنت قلت انك مش بتفضل عربية سيدان انها تكون بنظام torsion beam فهل يا ترى دة يفرق مع hatchback بمعنى هل الهاتشباك بنظم ال-torsion beam أكثر ثباتاً من السيدان ؟ ،الصراحة أنا حبيت أسألك عشان لاحظت انك مaتبع الموضوع دة كويس و لك جزيل الشكر
أنا هقولك على رأي و وجهة نظري يا باشا....
أنا تحديداً قلت ( ماتلزمنيش) التوليفه دي حتى لو ألماني... (تورشن بيم + عربيه سيدان + مافيش esp)
بالنسبه لسؤالك, فبكل بساطه و في رأي... طبعا يا باشا هتفرق لو في عربيه هاتش باك...
لأن الطبيعي ان العربيه الهاتش باك أحسن من السيدان في الهاندلينج و المناورات و خلافه...
يعني لو في عربيتين, واحده سيدان و التانيه هاتش باك, و الأتنين مجهزين بنظام تعليق تورشن بيم..
الهاتش باك هتكون اكثر ثباتاً من السيدان و بشكل ملحوظ جدااا...
يا رب أكون قدرت اوضحلك وجهة نظري, و اكون قدرت ارد على سؤالك يا باشا...
ايوة يارجالة والله انا عارف ان المالتى اثبت من التورشن يس انا مستعجب من فكرة عمل ال strut bars انها ماسكة كل جزء فى العربية ببعضة يعنى لو نص فلت او عووم فى رملة بيكون ماسك فى النص اللى ثابت و بيخلى العربية متماسكة بطريقة عجيبة فى الملفات و الدريفت ... لما فكرت فى فكرة عملها حسيت انها اقرب من التورشين عن المالتى ! مش فاهم لية ! فى موضوع عملة محمد ممدوح عنها حدور علية و احط اللينك
هو دة الموضوع ياريت لو فى توضيح اكتر
http://www.nilemotors.net/Nile/88893...strut-bar.html
باشا انتا بتتكلم عال front strut bar و دا بيساعد علي ثبات العربية في الملفات و ثبات العربية عامة.... و بيركب قدام
لكن البار الي بيتركب ورا دا معرفش فايدته الصراحة
هو أياً كان السترت بار فرونت ولا رير
هى نفس الوظيفه أنه يربط العربيه وخصوصا المساعدين على المنحنيات
بس صدقنى بقى مش أفكتف أوى
ولو أى حد عايز يعدل فى عربيته يبدأ بالكاوتش نوعه ومقساته
لو عايز هاندلينج و ثبات و سرعه وكله أهم حاجه الكاوتش أكثر بكتير من السترت بار
حاجه كمان عايز أقولها يمكن أول مره أوضحها هنا
فى حاجه أسمها negative camber
مش عارف أذا كنتم عارفنها ولا لأ
النيو سيراتو ال negative camber بتعها كبير أوى نسبيا يمكن بيصل الى 1.5 درجه
ودا كبير على فكره و يخلى الواحد يحترم العربيه دى
فبالتالى ثبات العربيه على المنحنيات بيبقى كويس جدا نظرا لل negative camber الكبير دا
http://www.discounttire.com/images/helpPosNegCamber.gif
حالة حيث الجزء العلوي من الاطارات ويميل إلى الداخل من العجلة في محور عمودي ، كما ينظر اليها من أعلى.
ده الى حضرتك بتقول عليه؟
أنا بيتهيألي إن فعلا نورمال قصده نفس الحاجة اللي اتفضل Unknown ورد علينا بيها عشان فعلا الموضوع ده بيدي ثبات أعلى للعربية عشان كده دايما ملحوظ في البم إنها العجل من ورا قافل شوية وده بيدي ثابت رائع عن تجربا في عربيتي القديمة E30/M40 بس أنا مش عارف هو كان كام بظبط عندي وبرده ياريت تقولي يا نورمال إنت جبت el-1.5 ده منين وشكرا عالمعلومة :S_thum1[1]:
هو ال camber أولا دى الزاويه بين المحور الرأسى للعجله
والمحور العمودى على الارض
فى negative camber وفى Positive camber
ال -ve الى هو التوب بتاع الويل يدخل لجوه ناحيه العربيه
وال +ve الى هو التوب بتاع الويل يميل للخارج بره العربيه
طبعا دى بتبقى موجوده فى سيارات السباق بصوره كبيره وواضحه وممكن تلاحظها بعينك المجرده
وهى بتساعد جدا جدا جدا فى المنحنيات بس برضو لو زادت قوى تبقى مضره لأن لو تلاحظ كل مازادت الزاويه دى فى المنحنيات هتقل مساحه التلامس بين العجله والارض فهيعمل ضرر أكثر من نفعه فى الحاله دى
دا لينك لفوايده و عيوبه لو زاد
Camber
أنا عرفت ان النيو سيراتو زاويتها -1.50 درجه من منتدى أجنبى لكن حاولت أدور عن أرقام رسميه لكن فى الحقيقه كسلت :))
الله ينور عليك يا حاج نورمال :)
أول مرة اعرف النيجاتيف كامبر دة بس الله ينور جامد الحوار دة
بالبلدى كدة العجل فارش ع الارض ذى البى ام الخامسة القديمة اللى قبل الشكل الجديد تلاقى العجل فارش بعبط كدة فى كل العربيات
the strut bars is to reduce the body flex (ya3ny el chassis kolo) moush hat7awel el multi to torsion 7`ales , el negative camber 7elw fi el corners bas beyakol el kawtsh men gowa , wi kalam dah 3an tagroba ba3 arba3 senin golf 2 gti 16v..