الموضوع: لو عندك مشكله فى موبايلك قولها وهقولك الحل .

اكيد مش هسكت عشان كده بسألكم حد يشور عليا اعمل ايه؟؟؟

المشاركة الأصلية كتبت بواسطة Mohamed Elsheikh

انا عندي موبايل سامسونج اتكسر من عند المفصل
و كنت بتعامل بيه لغاية ما اثر على الشاشه
فهل تكلفة اصلاحه معقولة و فين و شكرامقدما

Samsung E490 - Full phone specifications

ما حدش ردعليه

المشاركة الأصلية كتبت بواسطة brown-eyes

بص ماضيقش نفسك من الجهاز انت حتي لسا ماستخدمتوش واعتبر نفسك انك جايبه من غير ضمان لانك جايبه من بره مصر فا حتي لو كان حصل فيه مشكلة كان هيبقي من الصعب انك ترجعه السعودية يتعمل ويجي
وحتي لو كان بضمان اتخيل نفسك كده لما توديه التوكيل عشان اي مشكلة مهما ان كانت اول كلمة بتتقال سوء استخدام او الجهاز وقع في ميه كان هيبقي احساسك ايه وانت بيتنصب عليك عيني عينك
بص عموما ان شاء الله هيتعمل وهيبقي تمام
بس قولي هو السريال اللي علي الضهر هو اللي مختلف عن سريال العلبة ولا سريال اللي علي السوفت وير لما تدوس *#06#
ولو حبيت تعمل فورمات للجهاز عشان الايرور اللي بيطلع ده هقولك الطريقة بس اي حاجة علي الجهاز هتتمسح حتي العربي بس عادي ممكن يكون موجود علي السوفت وير وولو مش موجود ممكن ينزل
ودي طريقة الفورمات

1. Turn OFF the phone;
2. Press VolumeUp and Lock buttons (do not release);
3. Press Call/Green and then HangUp/Red (do not release all buttons);
4. Phone should Vibrate and turn on;
5. Count to 3 and release all buttons;
You will have a choice to FORMAT or CANCEL the operation.
وقولي عملت ايه وجرب بردو بعد الفورمات ربما يكون الجهاز عليه لوك كود مش سيم لوك كود

والله مش عارف اقولك ايه ..انا مصدوم
طول عمري بشيل نوكيا وعمره ما عمل معايا الحركات دي
والموضوع مش موضوع ضمان ده موضوع اني اتنصب عليا وممكن يكون لبسني جهاز مستعمل او فيه مشكله
انا كلمت صاحبي وقالي ان الراجل شايل اللزق بتاع المصنع قدامه وعلى العموم هو هيكلمه بكره ونشوف الحوار هيمشي ازاي
السيريال تحت البطاريه هو هو بتاع *#06# بس غير العلبه والفاتوره !

وموضوع الفورمات ده هأجله برضو لحد ما اشوف الموضوع هيمشي ازاي ويا ريت تقولي عنوان الراجل بتاع شارع عبد العزيز
ويا ريت لو حد يعرف موقع اعرف منه الضمان فيه كام شهر بالسيريال
ومعلش تعبتك معايا ....

المشاركة الأصلية كتبت بواسطة shnory

بص يا باشا
ممكن تكون الكرتونه اتبدلت
بس ضمان الجهاز مش في الكرتونه ولا ورقه الضمان
الضمان بيكون في سيريال الجهاز اللي متسجل عندهم
وحصلت مره ان واحد صاحبي ودي جهازه التوكيل هنا في مصر من غير شهاده ضمان
وكشفوا علي السيريال بتاعه لقيوا انه لسه داخل الضمان واتصلح عادي داخل الضمان
=================
لو جهازك نوكيا اكتبلي السيريال بتاعه هنا
وانا اعرف واحد كان معاه اكسيس علي موقع نوكيا بيكشف عليهم
بس معرفش لسه الاكونت بتاع الموقع شغاله معاه ولا لاء
بس حنجرب لما تبعتلي الرقم

يا باشا الجهاز سامسونج اومنيا 2
ورحت التوكيل هنا عشان احل المشكله بتاعت السيم كارد قالولي احنا منعرفش حاجه في البتاع ده!!
العلبه بتاعت الموبايل بيبقى عليها سيل (استيكر) وصاحبي اللي اشتراه قال ان الراجل قاطعه قدامه ،بس لما جيت ابص على العلبه اكتشفت ان عليها استيكر ملزوق فوق الاصلي !!!
يعني فتح العلبه وحط موبايل تاني وقفلها ولزق عليها استيكر تاني ،دلوقتي الموبايل بيعمل كل حاجه ما عدا انه يتصل ويستقبل !
وانا بدور على اي حد رايح السعوديه (جده) ابعته معاه عشان يديه لابو صاحبي ويرجعلهم مع اني اشك ان ممكن يبقى في بني آدم نصاب للدرجه دي ويرضى يرجعه لان الفاتوره والعلبه بسيريال غير الموبايل!!!