الموضوع: لو عندك مشكله فى موبايلك قولها وهقولك الحل .

انا لسه جايب سامسونج اومنيا 2 (ويندوز موبايل)
المفاجئه اني لما بحط الخط بيقولي simcard locked وبيطلب بين كود والسيم معليهاش بين وجربت كذا خط ومفيش فايده وجربت كل الارقام 0000 - 1234 - .......
المهم اللي عرفته من على النت ان الحركه دي بتتعمل في اوروبا لما تشتري موبايل من شركة زي فودافون او t-mobile بيعملو لوك على كل الشبكات التانيه عشان متشتريش الموبايل وترمي الخط بتاعهم وتجيب خط من شركة تانيه وعشان تفتح النيتوورك لازم تدفع فلوس عشان يدوك البين
المشكله ان الموبايل من السعوديه وبضمان من التوكيل يعني مش من اوروبا وكمان كلمت فودافون قالولي عمرنا ما سمعنا عن اللي انت بتقوله !!
مش عارف اعمل ايه ؟؟
انا كده كرهت سامسونج ومايكروسوفت والموبايلات كلها

المشاركة الأصلية كتبت بواسطة brown-eyes

باشا الموضوع بسيط انت بس محتاج بس تفك شفرة الموبايل عند اي حد بس يكون ثقة وفاهم هو بيعمل
وفي بردو طريقة تانية انك ممكن تشتري الانلوك كود

ما انا معرفش حد فاهم فيه ولفيت امبارح في مدينة نصر ومش عارفين الاومنيا2 من الجيت !! وكل واحد يمسكه يلعب فيه شويه ويديهوني ويقولي معرفش
وبعدين اشتري الكود ليه ؟؟ مش المفروض انا شاري موبايل من توكيله !!؟
ولو هشتريه هشتريه منين؟
على العموم هو التوكيل اجازه النهارده وهحاول اروحلهم بكره واشوف الموضوع ده لانه كمان بيديني error في ....l32.exe
وشكراً لردك .........

المشاركة الأصلية كتبت بواسطة brown-eyes

هو المفروض بدل مشتري الجهاز من التوكيل مايكونش متشفر الا بقي لو انت مشتريه بخط بيكون نازلة عروض وحاجات كده والاومنيا 2 لسا جديد ومش ناس كتير بيعرفو فيه عموما لو عايز تفكه ممكن تنزل بيه شارع عبد العزيز وهقولك عند مين وتكلفته تقريبا هتكون في حدود اد ايه
وموضوع الارور ده بسيك ممكن يكون الجهاز محتاج يتعمله فورمات ده طبيعي في الويدوز موبيل

اكتشفت مصيبه جديده !!!!! انا اتنصب عليا يا رجاله
انا كنت قايل لواحد صاحبي في السعوديه يجيبه من هناك
وطبعاً انا لما بشتري موبايل بفليه حته حته انما هو جابه وجربه لقاه بيشتغل قام جايبه
الكارثه بقى اني اكتشفت ان السيريال على الجهاز مش هو السيريال على الكرتونه ولا الفاتوره!!!!!!!!!!!!!!!!!!!!!!!!
يبقى كده الضمان بح و2100 ريال في موبايل الله اعلم بحاله!!
اعمل ايه ؟؟ لو حاولت ارجعه السعوديه (ودا صعب) اكيد النصابين دول مش هياخدوه تاني

المشاركة الأصلية كتبت بواسطة brown-eyes

بص ماضيقش نفسك من الجهاز انت حتي لسا ماستخدمتوش واعتبر نفسك انك جايبه من غير ضمان لانك جايبه من بره مصر فا حتي لو كان حصل فيه مشكلة كان هيبقي من الصعب انك ترجعه السعودية يتعمل ويجي
وحتي لو كان بضمان اتخيل نفسك كده لما توديه التوكيل عشان اي مشكلة مهما ان كانت اول كلمة بتتقال سوء استخدام او الجهاز وقع في ميه كان هيبقي احساسك ايه وانت بيتنصب عليك عيني عينك
بص عموما ان شاء الله هيتعمل وهيبقي تمام
بس قولي هو السريال اللي علي الضهر هو اللي مختلف عن سريال العلبة ولا سريال اللي علي السوفت وير لما تدوس *#06#
ولو حبيت تعمل فورمات للجهاز عشان الايرور اللي بيطلع ده هقولك الطريقة بس اي حاجة علي الجهاز هتتمسح حتي العربي بس عادي ممكن يكون موجود علي السوفت وير وولو مش موجود ممكن ينزل
ودي طريقة الفورمات

1. Turn OFF the phone;
2. Press VolumeUp and Lock buttons (do not release);
3. Press Call/Green and then HangUp/Red (do not release all buttons);
4. Phone should Vibrate and turn on;
5. Count to 3 and release all buttons;
You will have a choice to FORMAT or CANCEL the operation.
وقولي عملت ايه وجرب بردو بعد الفورمات ربما يكون الجهاز عليه لوك كود مش سيم لوك كود

والله مش عارف اقولك ايه ..انا مصدوم
طول عمري بشيل نوكيا وعمره ما عمل معايا الحركات دي
والموضوع مش موضوع ضمان ده موضوع اني اتنصب عليا وممكن يكون لبسني جهاز مستعمل او فيه مشكله
انا كلمت صاحبي وقالي ان الراجل شايل اللزق بتاع المصنع قدامه وعلى العموم هو هيكلمه بكره ونشوف الحوار هيمشي ازاي
السيريال تحت البطاريه هو هو بتاع *#06# بس غير العلبه والفاتوره !

وموضوع الفورمات ده هأجله برضو لحد ما اشوف الموضوع هيمشي ازاي ويا ريت تقولي عنوان الراجل بتاع شارع عبد العزيز
ويا ريت لو حد يعرف موقع اعرف منه الضمان فيه كام شهر بالسيريال
ومعلش تعبتك معايا ....