انا قريت ان في ناس كتير بتقول باخد المنحني علي سرعات عاليه
زي ال 140 او 160 الكلام دا صحيح؟ وعامل ازاي المنحني ده؟
عرض للطباعة
انا قريت ان في ناس كتير بتقول باخد المنحني علي سرعات عاليه
زي ال 140 او 160 الكلام دا صحيح؟ وعامل ازاي المنحني ده؟
دى علامته .
http://www.moiegypt.gov.eg/NR/rdonly...0/alarm_17.gif
و ده شكله :
http://www.cepolina.com/photo/1853.1...95.1959.bg.jpg
و اللى ياخد منحنى بالسرعات الجنونية دى لازم يتاكد مليون % من توازن عربيته ..
ملوك المنحنيات السريعة هى العربيات الالمانى لثقل الوزن وتكنولوجيا العفشة بتسعدها انها تلف الدركسيون على السرعة العلية
ملف على سرعة عالية = انتحار و تعريض حياتك و حياة راكبي السيارات المحيطة للخطر
ما تضمنش
نقطة مية
نقطة زيت
الخ
و فيه موضوع في الاجتماعي عن باسات وقعت من كوبري اكتوبر .....
احنا كلنا راكبين اقفاص حديد ماشية على شوية هوا محبوس في شوية كاوتش و ماشيين بستر ربنا
الماني او اوروبي او ياباني او موزمبيقي .....
قوانين الفيزياء في الاخر هي اللي كل مرة بتكسب ...... 1 للفيزياء - صفر للانسان
وبعدين في مصر مش محددين الملفات في اليفط هل هي واسعة ولا ضيقة فممكن تلبس في ملف ضيق تتقلب بيك الربية
معظم اللي بيعملوا كدة بيبقي مش تعبان في فلوس العربيه يعني لو الركسيون فلت منه او حصل للعربيه هياخد فلوس من بابا علشان يصلحها ( هو مش عيب انه ياخد فلوس من بابا العيب انه بيستسهل لانه مش تعبان بيها )
و بالنسبة للعربيات الالماني هو مش كل الالماني طبعا لان في امريكي و ياباني احسن من عربيات كتير الماني هو فيه انواع عربيات مش بلاد منشأ
يعنى اية ملوك المنحنيات
يعنى كل ملك لازم يجيب كرسى و يعد فى المنحنة علشان يشم شوية هواء لولا كدا مايبقاش ملك
فابقوا هم ملوك المنحنيات
يا جماعه ..
بالراحه بس ..
انا مش هقول انا باخد منحنيات بسرعه ولا لا..
مش هتكلم عن نفسى يعنى ..
المهم ...
المنحنى زى ما درش وضح صورته كده ...
فعلا اكتر عربيات بتاخد المنحنيات بسهوله و ثبات هى العربيات الالمانى ...
زى مرسيدس و بى ام و اوبل و فولكس و سكودا (محدش يقولى دى تشيكى ..دى المانى تقفيل تشيكى)..
العربيات دى قبل كل شىء ..
الشركه بتهتم بالثبات ..
و لان صاجها دايما تقيل ...
بتلاقى وزن العربيه عموما تقيل ..
و ده بيديها ثبات و رسوخ على الارض ...
و بالتالى ثبات جامد جدا ..
برده عفشه العربيات الالمانى عموما ناشفه ..
ده بيديها تماسك قوى على الطريق عموما ...
و كمان التعليق الخلفى فى معظمها منفصل ....
ده بيخلى العجل الى ورا ياخد مساحه كبيره من الطريق ..
زى ما بنقول بالبلدى (عجلها بيفتح لما تمشى)...
كل دى اسباب بتخلى العربيات الالمانى "من اثبت" العربيات سواء على الطرق المستقيمه او المنحنيات ....
و طبعا سهل برده انها تعوم فى منحنى ...
بلاش زلطه او زيت او اى حاجه ..
لو راكبها واحد مش سواق مظبوط ..هتعوم منه و هيضيع ...
...
و لاحظو انى متكلمتش عن نفسى ..عشان محدش يهاجمنى ...
اه ممكن تسرع السرعه بس حسب العربيه وثباتها
هو ليه دايما بنربط بين الألمانى و الثبات ؟؟؟
و ليه كمان بنربط بين الوزن و الثبات ؟؟؟
الثبات (اللى بيبان اكتر حاجة فى الملفات ) بيرتبط بحجات كتيييير اخرها الوزن ......... زى مثلا : عفشة العربية (ناشفة ولا لأ) - ارتفاع أو انخفاض العربية عن الأرض - و ارتفاع أو انخفاض البودى بتاع العربية نفسه - قواعد العجل قدام و ورا - حجم الجنط و بعدين عرض الكاوتش و نقشته كمان ......
و غير كل ده تكنولوجيا العفشة نفسها من نظم بتساعد على ثبات العربية , أو بمعنى تانى بتساعد على سهولة تحكم السواق فى العربية أثناء المناورة على سرعات عالية....
على فكرة كمان العربيات الأيطالى من أثبت العربيات و كمان فيه يابانى كتير ثابت و طبعا امريكانى مش بس الألمانى ولا ايه ؟؟؟
انا مقلتش ان الالمانى هو الثبات ,,
و لاحظ انى قلت "من اثبت" و مقلتش اثبت ..
تانى حاجه انا عارف ان الوزن مش هو السبب الرئيسى فى الثبات ..
ما الليبرتى تقيله جدا و مش ثابته ..
النص نقل تقيله و مش ثابته ...
بس "غالبا"العربيات التقيله ثابته ...
و كل العوامل الى حضرتك قلتها ..
تعتبر صفات اساسيه فى العربيات الالمانى ...
طبعا مش كلها بس غالبيتها كده ....
عشان كده بنقول ان الالمانى مشهور بالثبات ..
و غالبا اثبت عربيه فى كل فئه بتكون هى العربيه الالمانى ..
خلود عايز اقارن معاك و ندخل فى مناقشات .
بس للاسف هتبقي ليلــــــــــــة كبيرة و انصار الالمانى بقي و اليابانى و مش هنخلص :khd:
ثانيا , مش عايزين نغير مسار الموضوع للرجل .
بس نصيحة امشي على مهلك و بلاش مخاطرة , لسه فى الاجتماعى زى ما قال ابو كمال جيتا اتقلبت من على كوبرى و هى يتاخد ملف .
كل ما تجرى على الطريق افتكر ان فى ناس منتظرة رجوعك و ربنا يستر طريق الجميع .
استاذ khaled ayman
انا مش مختلف معاك فى ان الألمانى من اثبت السيارات بس احيانا فيه انواع تانية بتتفوق على الألمانى و فى نفس الفئة .... زى مثلا السوبارو امبريزا ..... عن تجربة الهاتشباك بتاعتها أثبت من الجولف مثلا أو من الأسترا (ده رأيى الشخصى ).....و فيه انواع تانية مش هقول انها بتتفوق بس على الأقل مش بتقل عن الألمانى زى مثلا المازدا3 او الهوندا سيفيك....
و فعلا بلاش نغير مجرى الموضوع لصاحبه .....
أهم حاجة علشان تاخد المنحنى بسرعة هو توزيع الثقل
طبعا لو هاتدوس فرامل يبقى ألف سلامةلأنك هاترمى الوزن قدام و العربية تخف من ورا و ألف الف سلامة
أحسن العربيات في الملفات هي اللي فيها الأتي
: 1 - نظام الثبات الإليكتروني esp
2 - توزيع الوزن 50:50 (بي أم -أودي - سوبارو - مرسيدس)
3 - معدلات الدوران القليلة ودي منتشرة في الأوروبي كله تقريبا
بس الكلام ده على منحنى منتظم أو معمول صح
مافيهوش مفاجأت ولا تريللات ولا نقر ولا مطبات
لأن في بعد كده
ترب ..مقابر ..مدافن ..مستشفيات ...عمليات ..مراكز علاج طبيعي ...كراسي بعجل ...كراسي هزاز و جرانين و بلكونة
أعتقد مالوش لازمة
مشكله المنحنيات مع السرعه هي المغامره و بتحس العربيه بتجيب معاك الموضوع طبعا غلط 100 في ال100 بس هو الواحد بيضعف و هو سايق
ههههههههههه
متخفش ,,,
انا مش من انصار حاجه على حاجه ...
و انا والله ما بتكلم على حاجع غير لما اكون جربتها ..
و ى الاخر وجهات نظر يا درش ..
ها مش هتقارن بقى معايا و تبقى ملحمه فى الموضوع هنا ههههه
منا معاك فى الكلام ده ..
و فعلا زى ما انت قلت ...
فى عربيات غير الالمانى بتتفوق على الالمانى ..
لانها ببساطه مش قاعده ان الالمانى عهو اثبت حاجه ...
و فعلا بلاش نغير مجرى الموضوع :44:
العلم نور يا دوك ..
يا جماعة الموضوع ابسط من اى شىء انا مسلا كنت نازل الصبح بدى 6 الصبح كنت رايح شبرا وطالع كوبرى اكتوبر صلاح سالم وكنت نايم ولا مش عارف اة قلى حصلى لقنى باخد المنحنة بدون اى قصد 90 وطبعا كلنا نعرف دة مش منحنة دة مصيبة وشفت حوادث يامة بسببة عند بداية تشغيل كوبرى اكتوبر طبعا انا لفيت الدركسيون ببص فى العداد وجالى خوف فعلا العربية صوت تخميسة خلفى والعربية عامت لكن بسهولة رجعت مكنهاء وكانا شىء لم يحدث طبعا ربنا واقف معانا لانى كنت هدخل بجنب العربية فى السور لو فعلا عربية عادية كانت راحت فى شربة مية بالرغم من انى بكرة العربية فى التجميع البطىء لكن الثبات خرافى
ومرة تنية كنت راجع من مقبلة شغل فى القرية الذكية وخت طريق الدائرى وكنت ماشى 80 مكنتش مذود عشان البنزين كان قوليل واذا بعربية نقل محملة ردم بتسقط وهى مشية لك ان تتخيل خت طبعا حجر كبير جدا الجنط فى اقل من جزء من الثنية بقا كفتة والعربية بقت مشية بثلاثة عجلات لولا ثقل العربية على الارض بلاء مبلغة كنت رحت فيها والسبب اهمال سائق لدرجة مرعبة ادى يا سيدى ميزة من موميزات العربيات الالمانى
طبعا الموضوع نسبى حسب قدرات كل عربيه وقدرات السائق الشخصيه
يعنى انا باسوق فيرنا وبروتون برسونا
فى ملف فى طريقى اللى عند اكاديمية الشرطه طريق التجمع الاول
بالفيرنا باخده على 80 بالبروتون على 130
وطبعا السرعات دى لازم بتيجى بالتجربه تدريجيا
يعنى مره تجرب على 80 طبعت سهله جدا
اللى بعديها 100 طلعت سهله
اللى بعدها على 120 طلعت عاديه
اللى بعديها 140 طلعت صعبه واحساسك بخطوره موجود
يبئا تاخدها على 120 او 130
ونفس الكلام بالفيرنا بالتجربه
المهم ماوصلش نفسى لدرجة الخطوره ومش اول مره ابئا ماشى فى طريق اجرب فيه لانى فعلا مش ضامن نوع الاسفلت او وجود مطبات هوا او رمل
ولازم ابئا حافظ عربيتى كويس واكون باسوق كويس
وابئا ماشى اقل مانا متوقع برضو بعد كل ده
وده مايمنعش ان واحد صاحبى بسيفيك بياخد نفس الملف على 160 فعلا وانا راكب جنبه من غيرر مانحس باى خطوره
لي إضافة بسيطة اللى يخش على منحنيات بسرعة كبيرة لازم يحرك الدركسيون حركات خفيفة عكس إتجاه المنحنى عشان يقلل مقاومة زاويه العجل مع الأرض على سبيل المثال لو المنحنى شمال طبعاً هايحرك الدركسيون شمال ويحاول يرجعة سنه بسيطه يمين وهكذا طول المنحنى بس الموضوع ده عايز مهارة جامده جداً وتعود
لا ألمانى و لا إيطالى ولا فرنساوى و لا سويدى و لا إنجليزى يا باشا ...
كله بيتقلب ... و كله بيعمل حوادث .. و كله بيموت ...
إنت بتتكلم عن إن تأخد ملف قاسى شوية بسرعة عالية نسبيا .... فى الظروف العادية ملتزم بحارتك ... غير كده لو حتى راكب مايباخ هتعوم منك و هتتقلب ... فيزياء ...
ثانيا وقت الخطر محدش فينا كلنا هيعرف يتصرف لأنه مش محترف ... مش خبير ... فمش هتعرف تتصرف و ساعتها ربنا يقدرك بقى و يسترها ...
فبلاش حتت بلد المنشأ و الكلام إلى لا يودى ولا يجيب ... كله بيعمل حوادث و بيتقلب و يموت ..
ثالثا ... عندى سؤال ... ما هو معيار تقييم الثبات؟؟
غلبت اقول الكلام ده ان الناس تصدقني ..... مفيش
و اللي مش مصدقني يمشي عالدائري و الصحراوي زي مانا بامشي كل يوم و يشوف ........ حوادث من اول العربية الرمسيس لحد المرسيدس و البي ام .....
واحد من كبار الموظفين عندنا عمل حادثة ب Range Rover و عظم وشه اتكسر ...... على سبيل المثال .....
السواقة مالهاش كبير و احنا طرقنا زفت !!!!
علشان تاخد المنحني صح بأي سرعه
لازم تكون عارف المنحني مسبقا
عدم الضغط علي الفرامل نهائي
التهدئه قبل المنحني ثم تزويد السرعه في المنحني
التحكم الكامل في الطاره
عدم الخروج عن المستوي المحدد (الخط الابيض)
وفي الأول والاخر انت متعرفش هيقابلك ايه في المنحني يعني الله اعلم في ايه
وربنا يسترها علينا جميعا
قالك ملوك المنحنيات....
شوية واحد يطلع لي يقوللي الكوري ملك الإنقلاب ....
حاجة تشجع بصراحة و تفتح النفس
ماهو الواحد بيتعلم
مش كده ؟
أي خدمة يا خلود :)
قصدى زاوية ميل الجسم من محور السيارة الرأسي عند الدوران
اللي البعض بيعبر عنها بالبودي رول بشكل أوضح
وده بيعتمد على عرض العربية و نظام التعليق و الأهم مركز الجاذبية
http://www.ffcobra.com/FAQ/body_roll.jpg
سورى بس كلامك ده مالوش دعوه خالص بالعلم والفيزياء
لان طبعا الموضوع نسبى وفى فرق بين كل عربيه والتانيه سواء نظام التعليق او التصميم او مركز الثقل ..الخ
وكله فعلا بيتقلب
لكن فى عربيه بتتقلب على 100 وعربيه تانيه بتتقلب على 200 (فى نفس الظروف)
وكل واحد لازم يعرف حدود عربيته ويمشى على اساسها ويحاول يمشى اقل من المتوقع والمحسوس
وفى فرق فعلا بين غالبية السيارات الالمانى والكورى (كفئات)
للأسف غالبية العربيات الكوريه بتجرى حلو اوى لكن من غير وجود ثبات مكافئ ولا فرامل مكافئه للسرعه وباعتبرها سيارات مميته فعلا
بعكس غالبية العربيات الالمانيه مثلا (ثبات وامان وفرامل مكافئه للسرعات)
واى حد بيركب عربيات بيفهم الكلام ده وبياخد باله منه
صباح الفل يارجاله