ماهى ارخص سيارة فى اسعار قطع الغيار

**A_H_M_A_D** · 27-02-2010 08:30 PM

زود 3 تلاف جنيه و هات فيرنا فيفا , و قطع غيارها منتشرة جدا و رخيصة

**mohamedkandel** · 01-03-2010 01:31 AM

هيونداى i10

**hon** · 01-03-2010 01:35 AM

مفيش غير لانوس ملكة قطع الغيار جديد أو أستيراد
يعنى بعشرة جنية تمشيها و بألف جنية تمشيها

**mohmdomar** · 01-03-2010 03:17 AM

لوجان اقل فئة متهيئلي ب 56 ودي احسن حاجة

**shouk_1987** · 01-03-2010 05:43 PM

المشاركة الأصلية كتبت بواسطة mohmdomar

لوجان اقل فئة متهيئلي ب 56 ودي احسن حاجة

طب و قطه الغيا رخيصة ؟؟؟

وكمان حرام عليك يبقى فى 2010 و دافع فوق ال50 ألف ومفيش فى العربية و لا تكييف و لا باور

**HAMZAWY** · 01-03-2010 10:30 PM

المشاركة الأصلية كتبت بواسطة shouk_1987

طب و قطه الغيا رخيصة ؟؟؟

وكمان حرام عليك يبقى فى 2010 و دافع فوق ال50 ألف ومفيش فى العربية و لا تكييف و لا باور

بالظبط كده
وبعدين اللانوس تمنها معدى الـ 60

**mohmdomar** · 02-03-2010 05:15 PM

اللوجان قطع غيارها متوسطة مش غالية قوي بس احسن سبع تلاف مرة من اللانوس والاهم ان فطع غيارها معمرة يعني ركبها وانساها

**a7madramadan** · 04-03-2010 02:05 AM

توكل على الله و هات لادا 2107 روسي اينجيكشن و ظبطها كماليات بكام الف و عيـــــــش و قطع غيارها زي مابيقولو عند البقال انا لسه شاري واحده من شهرين حقيقي عربية محترمة و مظلومة في اوساط كتييييير

انسى اللوجان هتقعدلها سنتين و هتختفي ممكن تستنى موديل Dacia Logan بتاع المغرب هيبقى احلى شوية على كلام الناس بس اللادا اقوى و اكثر اعتمادية..و بعدين احنا في مصر حقيقي محتاج عربية بعد ما تدفع فلوسك تعيييييييش علشان موش كل سنتين هتكسر 50 الف من مدخراتك في عربية جديدة :D و معظم العربيات الي في السوق الي في رينج ال 50-60 الف جنيه عربيات ضعيفة كموتور و كجسم فعلا اللادا افضل....... و بعديها البيكانتو لو تقدر تتحمل تكاليفها علشان انت حتجيب اقل فئة بحوالي 59 الف جنيه ده اخر سعر انا فاكره و ماتقدرش تقول ان قطع غيارها "رخيصة" و لا تقارن بقطع غيار اللادا و سوق تداولها ابدا ....

..... خش على قسم اللادا و عبش فيييه شوية و لو عندك استفسارات او نصائح قبل الشراء وانت عاقد العزم على اللادا انا في الخدمة و أنا من الاسكندرية ده لو هتشتري العربية من هناك عشان انا موش عارف حضرتك ساكن فين

-تعديل-
و بالنسبة لموضوع الباور اللادا لو حافظت على عفشتها و صيانتها موش هتحس انك محتاج باور ستيرينج غير في الركنات بص و بصراحة هيه بتزهق شوية في اول يومين لما تشتريها :)

وبالنسبة للتكييف في التوكيل بيركبولها تكييف يـــــاني كويس تقريبا ب2800 جنيه

**3ateef** · 07-03-2010 07:11 PM

المشاركة الأصلية كتبت بواسطة hamzawy

العربيات اللى لاقيتها اقل من 60 الف هى

ماروتى بس للاسف مافيهاش تكييف
التو
سلاريو
هيونداى اتوس
هيونداى i10
شيفروليه سبارك
سبرانزا a113
لادا 2107
بيكانتو هاف اوبشن

ايه رايكو

سبارك,,,,عربية فيها كل حاجه
:)

**tawfic** · 07-03-2010 11:19 PM

طب انا عندى اقراح
ايه رائيك فى السايبا برايد
عربيه ب52000 كامله بالتكيف والباور والسنتر وزجاج كهرباء امامى وقطع غيار رخيصه جدا واى ميكانيكى يفهم فيها ونفس قطع غيار البرايد
من الاخر شوف اللينك ده واحكم
http://www.nilemotors.net/Nile/54953-a.html

انا راكبها بقالى 15 شهر واكتر من ممتازه معايا
روح شوفها فى اى معرض او توكيل ومش هاتخسر حاجه