الموضوع: هى المواضيع الدينية مالها كدا

أعتقد لأن المنتدى مش منتدى ديني ..
و أنا لو عاوز رأي ديني أو فتوى دينية مش هاجي أدور عليها في نايل موتورز ..
و بصراحة عادة المناقشات الدينية بتتسم بالحدة و الجمود في طرح وجهات النظر و غالبا بتنتهي بتدخل الإدارة و توقيع عقوبات ..

المشاركة الأصلية كتبت بواسطة نور القمر

لان غالبا بنقرأ ونحاول نستفيد من المعلومة وافصى رد ممكن نكتبه جزاك الله خير

+1
وده غير اننا منتدى سيارات مش منتدى اسلامى ولو عاوز اى موقع او منتدى اسلامى بتكه زرار حجيب الى انا عاوزه
لكن الى داخل هنا اغلبهم بيدور على موضوع جديد عن اى حاجه فى السيارات او حت داخل يصوف اصحابه واصدقائه فى المنتدى ويشاركهم رأيه
فمش حندخل موضوع اسلامى واقول ازيك يا فلان والموضوع ده حصل معايا والكلام ده
بندخل نستفيد من الكلام المكتوب فى الموضوع الاسلامى واقصى رد حنكتبه جزاك الله خيرا

المشاركة الأصلية كتبت بواسطة nokiaxxx

العلمانية هي الحل

لا يا شيخ ...بجد والله.

المشاركة الأصلية كتبت بواسطة terrible_darsh

مش المواضيع الدينية فى المنتدى بس .

لا ده عموما اصلا الناس نسيت دينها , مبقوش يعرفوا منه غير لا اله الا الله و كده تمام ..

انا مش عايز اقول حاجات بشوفها و بسمعها يوميا لان مش ناقص حرقة دم , ده لما بقيت اقول لحد اتقى الله او بطل حاجة وحشة بتعملها , اسمع بقي التعليقات الحلوة .

انت هتعملنا عم الشيخ :) انت عايز تجيبلنا اكتئاب :) انت خنيق :) و ألـــــخ .

مفيش حد مبيعملش ذنوب مهما كان , لكن اللى بيقلل منها او يبطلها و يتقى ربنا فى كل حاجة فى حياته هيتحسن بلا شك .

القيامة قربت و زى ما معروف لن تقوم القيامة الا على شرار الخلق و العياذ بالله فبالتالى الناس لازم سلوكها يوم عن يوم يبقي للاسوء , ربنا يحفظنا .

ربنا يبارك فيك انا بردوا مع رايك فعلا بقت النصيحة دلوقتى تقابل بشئ من التريقة او التهرب

المشاركة الأصلية كتبت بواسطة elassar2010

هى الفكرة انا هنا منتدى مش دينى
والاعضاء الى هنا اعضاء مش متخصصين فى الدين والعلوم الدينية ومش دارسينها واغلب الى هنا دراسين فى كليات تابعة للتعليم العالى وليس الازهر
لما بيكون فى موضوع دينى وبيكون منقول النقل دة بيحتمل ان يكون الموضوع صح وبيحتمل ان يكون الموضوع مختلق
زى الاحاديث النبوية ليها درجات اسناد وفى ناس بتنقل احاديث ضعيفة على اساس انها صحيحية وهى مش عارفة وفى نفس الوقت فى اعضاء كتير برضة مش عارفين هل الحديث دة صحيح ولا ضعيف
فعلشان الموضوع ميكونش اقتاء من غير علم ودة جزاءة جهنم فالناس بتعد عن الموضيع الدينية
راى شخصى وانا بتعامل بية

راى بردو واحترمة تمام الاحترام
بس حتى لو مش دارس فى الازهر
ممكن تبقى تقرأ وتتحق
مش شرط دراسة الازهر رغم انها مطلوبة
ولكن ممكن حضرتك تقرأ بعضا من الكتب وتدور وتشوف كدة
والله المستعان

المشاركة الأصلية كتبت بواسطة ahmed4000

لا الاسوا ان بقى فى اتجاه منتشر (وللاسف موجود فى بعض الاعضاء هنا) اول متفتح بقك بكلمة بسيطة عن راى الدين فى موضوع اقتصادى او سياسى تلاقيهم اتفتحوا فيك واللى يقولك اهو حنبدا بقى مبررات دينية (كانها شتمة) واللى يقولك (نفسي اناقش حد من غير ميدخل الدين فى الموضوع علشان يسكتنا)

كان الدين خلاص بقى مكانه الجامع فقط (مليش دعوة ان فى مجموعة متخلفين لا فاهمين دين ولا عارفين حاجة فى الحياة وبيحاولوا يفرضوا علينا ارائهم...مليش دعوة ان فى جهلاء تانين حافظين ومش فاهمين ...مليش دعوة ان الخطاب الدينى متاخر ...مليش دعوة ان البعض بيستخدم الدين لاغراض اخرى...)

اه والله عندك حق دا بقا شئ يغيظ يا جماعة الدين كل حاجة فى الحياة مينفعش الفصل

الاسلام شريعة الى قيام الساعة جاء بها كل شئ

والجديد من الامور كالتدخين وغيرة فان هناك علماء

وائمة يقوموا بالبحث والحمد لله على نعمة الاسلام

المشاركة الأصلية كتبت بواسطة tlrsiap

مش عارف اقول ايه
ربنا يلهمنا الصواب جميعا

اللهم امين

المشاركة الأصلية كتبت بواسطة حماده المصري

ربنا يلهمنا الصواب جميعا

يارب اغفر للمسلمين والمسلمات الاحياء منهم والاموات

اللهم امين

المشاركة الأصلية كتبت بواسطة khaledelsharif

والله عندك حق

نورت الموضوع يا باشا وربنا يجازيك كل خير

المشاركة الأصلية كتبت بواسطة a7med_pharma

أنا هقولك ليه

أنا ليا طبع ..طالما معنديش جديد أشارك بيه ..مش بشارك
يعني
مش بحب أكتب الكلمات الفراغية المعروفة
مشكوووووووور
موضوع هايل


والكلام ده ...

والله أعلم

انا احترم رايك

بس الفكرة مثلا اذا رديت بشئ من الشكر هيسعد صاحب الموضوع

وكمان زى ما قولت فى الاول رفع الموضوع الدينى اذا كان طيبا فلك ثواب واجر على هذا الرفع

المشاركة الأصلية كتبت بواسطة نور القمر

لان غالبا بنقرأ ونحاول نستفيد من المعلومة وافصى رد ممكن نكتبه جزاك الله خير

بردو وجهة نظر وشكرا لدخولك فى الموضوع

بس الرد هيرفع الموضوع والناس بردوا هتستفاد من المعلومة

المشاركة الأصلية كتبت بواسطة tyler_durden

أعتقد لأن المنتدى مش منتدى ديني ..
و أنا لو عاوز رأي ديني أو فتوى دينية مش هاجي أدور عليها في نايل موتورز ..
و بصراحة عادة المناقشات الدينية بتتسم بالحدة و الجمود في طرح وجهات النظر و غالبا بتنتهي بتدخل الإدارة و توقيع عقوبات ..

تمام ان المنتدى مش دينى

بس الدعوة اللى الله ملهاش مكان محدد
الناس بتحاول تقفل دماغنا على ان الدين هو الجامع
الدين حياة
اذا مشيت كدة صدقنى هترتاح
وموضوع الحدة دا بصراحة عندك حق فية

المشاركة الأصلية كتبت بواسطة nokiaxxx

العلمانية هي الحل

لاحول ولا قوة إلا بالله

اتق الله
اتق الله
اتق الله

المشاركة الأصلية كتبت بواسطة ابو الوليد المصرى

لا يا شيخ ...بجد والله.

استاذ ابو الوليد كنت اتمنى من حضرتك مشاركة لينا

نستفيد بها من راى حضرتك وعلى العموم بارك الله فيك

هقولك السبب ..

أولا لأن المنتدى منتدي سيارات و ليس منتدى دينى ..

ثانيا المنتدى غير مقتصر على المسلمين بس .. فى أخوة مسيحين موجودين معانا بردوا ..

ثالثا معظم المواضيع الدينية فى المنتدي سطحية و غير مفيدة و 99% منها بدون مصدر موثوق منه ...