sunny or optra??

**ldsaklf** · 18-03-2010 12:52 PM

ربنا يوفقك في اختيارك الناس جابتلك الخلاصة

**KSA2011** · 18-03-2010 09:50 PM

optra is better

**galalology** · 21-03-2010 04:59 PM

المشاركة الأصلية كتبت بواسطة Hosam_Optrawy

اوبتـــــــــــرا

كورى 100 %

اوسع

اريح

بدون مشاكل تقفيل

عفشتها قويه

نظام تعليق خلفى منفصل

فرامل خلفيه ديسكات

عاليه عن الأرض انسى انها تحك فى اى مطب

تكييف ممتاز وقوى جدا

عزل ممتاز بعكس الصنى

ثبات ممتاز

عربيه حققت مبيعات كبيره خلال السنوات الأخيره

قطع غيارها متوفره داخل وخارج التوكيل

عيوب العربيه

صاج السقف والكبوت طرى جدا وبيتأثر بسهوله

بالتوفيق ان شاء الله

العرض اتمد لحد 15 مارس

**galalology** · 21-03-2010 05:00 PM

sunny تقفيل مصري
optra تقفيل كوري 100%

**mm_kotb** · 23-03-2010 03:28 AM

اضافة صغيرة
موتور الصني الموجودة بمصر من فئه q16 و هو يتميز بقوة118 حصان و عزم 161 نيوتن

**Hosam_Optrawy** · 23-03-2010 03:59 AM

المشاركة الأصلية كتبت بواسطة mm_kotb

اضافة صغيرة
موتور الصني الموجودة بمصر من فئه q16 و هو يتميز بقوة118 حصان و عزم 161 نيوتن

العزم 143 نيوتن مش 161

**amir** · 24-03-2010 02:53 AM

المشاركة الأصلية كتبت بواسطة Hosam_Optrawy

بالعكس دا صوت موتور الصنى اعلى , وكمان من مميزات ال CVVT انه بيوفر بنزين لكن دا مبيحصلش فى الصنى

ابو حسام يا كبير
اغيب شويه عن قسم المقارنات الاقيك ماليه كلام كتير و كبير و خطير عن الصني؟!!

يا راجل حرام و الله كده ازعل

بص كده علي الموضوعين دول و قوللي بعدها رأيك عن النيسان صني:
http://www.nilemotors.net/Nile/97769-a.html
http://www.nilemotors.net/Nile/62667-a.html

**Hosam_Optrawy** · 24-03-2010 05:28 AM

المشاركة الأصلية كتبت بواسطة amir

ابو حسام يا كبير
اغيب شويه عن قسم المقارنات الاقيك ماليه كلام كتير و كبير و خطير عن الصني؟!!

يا راجل حرام و الله كده ازعل

بص كده علي الموضوعين دول و قوللي بعدها رأيك عن النيسان صني:
http://www.nilemotors.net/Nile/97769-a.html
http://www.nilemotors.net/Nile/62667-a.html

دكتور امير ازيك

فينك مختفى بقالك فتره حمد الله على السلامه :)

انا اكيد مش هاقدر اقيم الصنى زيك او زى استاذنا الكبير سبعاوى او زى ملاكها

استهلاك البنزين مسأله نسبيه بتختلف من سواق للتانى حسب طريقة سواقته وحالة العربيه

وفى الموضوع بتاعك فى ناس بتشتكى وناس استهلاكها طبيعى اللى هو متوسط 200 كم فى الصفيحه ولو طريق فاضى وسرعه مش عاليه تعمل 240 فى الصفيحه مثلا

ودا نفس استهلاك الاوبترا تقريبا وممكن الاوبترا تعمل استهلاك افضل شويه

ماعلينا

اللى اقصده انى لما كنت باتناقش مع الاستاذ kapci وكان بيكلمنى عن موتور الصنى وتكنولوجيا CVVT

كنت عايز اقول ان موتور الصنى موتور عادى زى اى موتور مش حديث او متميز فى شئ

هل فى رأيك ان موتور الصنى متطور وحديث وموفر فى البنزين ؟ او صوته هادئ ؟ ممكن يعمل 300 كم فى الصفيحه مثلا ؟

لما قولت انه مابيوفرش فى البنزين , كان قصدى انه موتور عادى ماقصدتش انه بيستهلك بنزين اكتر من اللازم

ياريت تكون فهمتنى

وبعدين اشمعنى النقطه دى اللى مسكت فيها :) ماقولتليش ايه رأيك فى بقية كلامى

**amir** · 24-03-2010 10:03 AM

علشان موضوع الصني و كونها الاشكيف او الغول او ام رجل مسلوخه في ما يتعلق باستهلاك البنزين
و هما عربيتين اتنين اللي يعملو الرقم ده 300 كيلو في الصفيحه جوه البلد الهوندا سيتي او التويوتا ياريس
و معلقتش علي اي نقطه اخري في كلامك علشان معظمهم وجهات نظر الا دي اللي حاجه ثابته
اللهم سوي ضيق المسافه بتاعت الارجل اللي ما بين كرسي السواق"لو بيحب يرجع الكرسي للاخر" و الراكب خلفه
و اديني رجعت تاني
و مش عايزين كلام وحش من الاخر علي الصني
و اللي هيتكلم عليها وحش هنخليه يركب الاوبترا بتاعتك , يعني المنتدي كله بالصلاه علي النبي
و لو الموضوع جد بقي
الصني عربيه مفيهاش دلع دلع في الاوبشنز
بس الكماليات الاساسيه موجوده كلها
و صوت الماتور بيبان مع السحب او التسارع القوي و يعزي "بضم الياء" (عربي عربي) الموضوع ده لكون سير كاتينه حضرتها جنزير
يعني العربيه دبابه
العزم شديد و الرزق يزيد
و خلي بالك ان الاعضاء اللي اشتكو من البنزين كانت عربياتهم لسه بتلين
انا كاتب عربيتي عامله كام و في اول الموضوع كاتب حسابات سبعاوي اللي انا اشتريت الصني الاوتوماتك علي اساسها
و تعالي نحسبها زي ما انا حسبتها قبل الشرا
كان معايا فيليشيا 1300 موديل 98 كاربيراتير مانيوال "زلطه كان الاسم الحركي"
استهلاك الفيليشيا كان 200 في الصفيحه
انا وزنتها لقيت ان نفس الاستهلاك بس ابقي راكب 1600 و اوتوماتك يبقي عسل
و ربنا قدرني و اشتريت و لما جبتها و ظبطها لقيت ان استهلاكي بيعمل ارقام احسن باتباع اسلوب هادي في السواقه (اساسا الاوتوماتك بيعلم الرسيان في السواقه غير المانيوال خالص )
رينا يديم المعروف بيننا طبعا و لو مزعلاك الصني قولي و انا
و انا.....
مش هاين عليا اقولها كده
و انا مقدر اللي قصدك عليه من فروق بينها و بين ركوبه الاوبترا
بس اطمن و اللي يقولك انه عايز يشتريها طمنه
بس يعاينها الاول و يشوف لو موضوع ارجاع كرسي السواق هيسببله مشاكل من عدمه
و العربيات كلها مواصفات+ راحه نفسيه= استمتاع بالعربيه

-

الموضوع: sunny or optra??

LinkBack

أدوات الموضوع

عرض

-

-

-

المواضيع المتشابهه

أرجوكم أريد مساعدتكم.. ياترى Sunny Yaris Optra Aveo

Sunny- Elantra- Grande Punto-Optra

optra vs megan2 vs elantra 2006 vs sunny 2006 vs lancer 2006

Cerato vs optra vs sunny

..:: تختار مين فيهم ؟ (Optra:Lancer 1.3:Sunny:Yaris:City)مانيوال وليه ؟! ::..

الكلمات الدلالية لهذا الموضوع

المفضلات

المفضلات

ضوابط المشاركة