دعوة للنقاش لملاك الكورولا الحاليين والجدد.ايه رأيك في دعاوي التعويض ضد تويوتا.

**ashrafE51** · 04-03-2010 09:31 AM

المشاركة الأصلية كتبت بواسطة wwaeel

يا جماعه قبل ما تتكلمو علي توكيل تويوتا بصو بره اتعمل كام ري كول من سنه 92 حتي الان وتم تصليح كام عيب نازل في عربيات تويوتا وده مش معناه ان تويوتا وحشه بس الي اقصده احنا بقي هنا في مصر متعملش ولا ري كول واحد واول ري كول اتعمل بتاع 6500 عربيه ال mmt وبعد الشكوي وتصعيد الامور وده معناه ان تويوتا ميهمهاش حياه المستهلك المصري وبيعتبرونا صفر علي الشمال شركه تويوتا نزلت العربيات دي وهي فيها عيوب وعارفه بي ده لانها سحبتها من اوروبا بعد الشكوي منها للعلم القطع الجديده الي بيقولو هتحل المشكله دي موجوده من سنه 2005 واتركبت في سيارات اوروبا لما اشتكو من البديهي انهم لما نزلوها مصر سنه 2008 ينزلوها بالقطع المطوره مش ينزلوها بعيبها وكل ما حد يحصل معاه مشكله يفهموه انها مشكله فرديه وينيموه في العسل واضح انهم بيضحكو علينا مفهاش اي شك

انا معك وباذن الله سوف اتصل بك لكي انضم اليكم ---
لان هناك نقط قلتهامن قبل : -
1- يوجد مشكلة لدي تويوتا اييجبت - لابد من حلها . ( اخر مكالة ان المهندس قال ان القطع لم تاتي بعد -- !!!! )
2- ليس من المنطق ان يكون عملاء ( امريكا و أوروبا والصين وكوريا ارواحهم افضل لدي تويوتا - لازم الرجال بتاع تويوتا يجيبي ويبكي ايضا في مصر!!!! لان سيارات تويوتا التي عليها المشكال تباع في مصر ايضا فلابد ان ياتي مصر - الا اذا تويوتا ايجيبت لا تخاف علي ارواح عملائها!!!!!!
3- لم اقتنع بعد بان تغير القطع في السياراة كورلا سوف يغير شي لان السياراة موجوده في اوروبا فكان من الاولي ان يحدث تغير باوربا لان من الواضح الاتي - ان هذه القطع هي موجوده فعلا باوروبا من اليابان ولكن لم تم تصنيها بجنوب افريقيا ادي الي ان الخامات تؤدي الي التاكل وعمرها الافتراضي اقل وبالتالي كانت المشكله !!!! هل صيح ام لا - لان مشكلة ال n موجوده في اوروبا من زمان!!!!!!!!
4- سؤ معاملة التوكيل لعقول العملاء كان من منطلق الخداع وايضا كان تقليل سعر العربية له الاثر علي انهم فعلا اساسها الخداع فقط لان هناك فرق 25000 سعر فقط معنها ان خداع وتربح غير منطقي وان انخفاض سعر السيارات بالتوكيل شي طبيعي ولكن الانخفاض علي اساس مؤشرات السوق وليس علي خداع الوكيل للعملاء ...

**محمد محمد** · 04-03-2010 10:13 AM

انا واحد من الملاك مقدرش اقول ان القطع دي حل مؤقت غير لما اجربها....العربية كويسة والفتيس برده كويس مش وحش لكن مشاكله هي دي اللي اسأت الي سمعته ....ماهو موجود في الأوبل والفيات وعادي خالص.....يعني انا معنديش ضرر من الفتيس ومغيرتش حاجة فيه من ساعة ماجبنا العربية....لكن الأضرار الواقعة عليا هي اضرار معنوية ومادية....معنوية لأن مجرد ما تقول لواحد انا راكب الكورولا اللى بالفتيس الجديد ينظملك قصيدة هجاء معتبر في الفتيس ودي حاجة تغم الواحد وتجيبله احباط....اضرار مادية مش حقول الحرق المتعمد لسعر السيارة فقط ولكن عدم نزولها بالفتيس مرة تانية...بالنسبة الى موضوع ان رئيس تويوتا يجي يعتذر انا شايفها خطوة مالهاش لازمة هو راح اعتذر في الدول اللى فيها مصانع لتويوتا والعربيات بتخرج مكتوب عليها اسم هذا البلد وده اكيد يضر اقتصادها وانا الحقيقة مستغرب من الكلام بتاع حزب شباب مصر كل هدفهم في الدعوي فضح ممارسات تويوتا وفضح مش عارف ايه طب وده هيعود عليا بأيه انا مش فاهم....وفي الأخر التوكيل ميلومش بعد كده الا نفسه.

**elnour_toktok** · 04-03-2010 12:28 PM

الاخوة البيقولو ان المشكلة موجودة فى اوربا من 2005 ممكن يقولو لينا هل تويوتا فى اوربا غيرت الفتيس او بدلت العربيات للعملاء وبعد كدة نشوف احناممكن نعمل اية

**solycar** · 04-03-2010 01:47 PM

المشاركة الأصلية كتبت بواسطة ابو الوليد المصرى

لكن الأضرار الواقعة عليا هي اضرار معنوية ومادية....معنوية لأن مجرد ما تقول لواحد انا راكب الكورولا اللى بالفتيس الجديد ينظملك قصيدة هجاء معتبر في الفتيس ودي حاجة تغم الواحد وتجيبله احباط....اضرار مادية مش حقول الحرق المتعمد لسعر السيارة فقط ولكن عدم نزولها بالفتيس مرة تانية....

انت لو قلت لحد بردو ان معاك بوما هتسمع بردو قصيدة هجاء محترمة

و لو قلت سيراتو يبقى هتسمع مدى الخطر اللى يهدد حياتك

ولو

ولو

مفيش عربية هيتقالك عليها كلام حلو من كل الناس

يمكن دلوقتى انت حاسس بكدة عشان الوضع الراهن المصحوب بالاخبار الخارجية عن المشاكل
كلها برة مفيش حاجة هنا خالص
غير موضوع الفتيس مع حماية المستهلك

اما بالنسبة للاضرار المادية

فى كل انحاء العلم عربية 2009 دلوقتى بسعر التراب على اساس انها مستعملة
يمكن فى مصر الموضوع مختلف و المستعمل عالى شويتين عن برة
بس مش ذنب الشركة ان السوق نزل لعربية ما لان اسعار السوق مرطبطة بالعرض و الطلب و الاخبار و الاشاعات و اللذى منو

احمد ربنا على نعمة عدم المشاكل و ربنا يدمها عليك يارب

**sadany18** · 04-03-2010 02:22 PM

المشاركة الأصلية كتبت بواسطة MOHAMEDHELALELMITWAL

الاخوة البيقولو ان المشكلة موجودة فى اوربا من 2005 ممكن يقولو لينا هل تويوتا فى اوربا غيرت الفتيس او بدلت العربيات للعملاء وبعد كدة نشوف احناممكن نعمل اية

الريكول فعلا اتعمل فى اوروبا ("بس بردو ودي زي عندنا كده") يعني مش هتلاقى حاجه official بالكلام ده وبردو الريكول كان تغير القطع بنفس القطع جديده (ليس بها تغير) و الناس بردو مرتحتش و الكلام ده موجود في منتديات كتير في اوروبا .

الحاجه الغريبه ان الشكاوى فى اوروبا اختفت تقريبا من 2008 ؟؟؟؟؟؟!!!!!
يعني اما تعمل سيرش هتلاقي المشاكل قلت اوي فى اوروبا محدش بيتكلم عن حل ,,الناس سكتتت خالص !!!!
Check MMT Auris

**محمد محمد** · 04-03-2010 02:45 PM

المشاركة الأصلية كتبت بواسطة sadany18

الريكول فعلا اتعمل فى اوروبا ("بس بردو ودي زي عندنا كده") يعني مش هتلاقى حاجه official بالكلام ده وبردو الريكول كان تغير القطع بنفس القطع جديده (ليس بها تغير) و الناس بردو مرتحتش و الكلام ده موجود في منتديات كتير في اوروبا .

الحاجه الغريبه ان الشكاوى فى اوروبا اختفت تقريبا من 2008 ؟؟؟؟؟؟!!!!!
يعني اما تعمل سيرش هتلاقي المشاكل قلت اوي فى اوروبا محدش بيتكلم عن حل ,,الناس سكتتت خالص !!!!
Check MMT Auris

ملاحظة فعلا هامة جدا ان من 2008 الشكاوي في اوروبا اختفت....بس برضه ليه...طب عرفنا انهم كانوا بيشتكوا من nerror طب دلوقتي مبقوش يشتكوا ليه....وكمان لاحظت ان اي حد من مصر بيخش يشتكي الأعضاء يقولوا اذهب الى وكيلك المحلي ودي برضه حاجة غريبة شوية؟؟؟؟؟؟؟؟

**wrefay** · 04-03-2010 03:11 PM

Corolla Verso Mmt Problems - Toyota Owners Club - Toyota Forum

رجاء زيارة الموقع دة لانة هو الموقع الاوربى زى الموقع بتاعنا و هما اخر مشاركة فية كانت فى اواخر 2010 يناير وأنا حاولت ان أعرف اية اللى حصلهم ماحدش رد بس احنا عارفين ان حصل ريكول لل MMT فى اوروبا بدأ من ابريل 2009 و يستمر لمدة 3 سنوات و تم تغيير القطعة الجديدة لهم على ما أظن و كمان فى عمل ريكول فى جنوب افريقيا فى اغسطس 2009 و تم زيادة الضمان سنة او 50000 و وقفوا التعليق فى المنتدى الخاص بتويوتا فى اوروبا و جنوب افريقا من وقتها و جميع السيارات تم ايقاف توريدها لاوروبا سنة 2007 و أيضا وقفت فى جنوب افريقا بس مش متأكد امتى و الكلام اللى احنا بنقولة ان التوكيل كان على علم بالموضوع من الاول و انا لما اتكلمت مع المهندس شمس على موضوح ريكول اوروبا و جنوب افؤقيا و حتى المشاكل اللى هناك فى N نفى انة كان فى ريكول و كمان قاللى ان ما كنش فى اساسا مشكلة فى اوروبا يعنى فى التوهان يا فى التضليل و طبعا أنا عندى نسخ من الريكول كلة و اكتر من 130 ريكول على حاجات كتير فى اوروبا بس و احنا طبعا العربيات اللى عندنا معصومة من الخطأ و مافيهاش مشكلة مش سيارات فراعنة هتغلط مثلا و لا تويوتا شركة مقدسة لا تغلط و للعلم جميع السيارات حتى المرسيدس بتعمل ريكول و تصلح عيوبها و الناس بتحترمها ما عدا فى مصر التوكيلات هنا عربياتها ما بتغلطش و على العموم اللى عاوز يعرف اكتر و اكتر يتصل على الموبيل أو الايميل او الاستاذ وائل WWAEEL و شكر
wrefay@hotmail.com
0101129899

**ashrafE51** · 04-03-2010 03:49 PM

المشاركة الأصلية كتبت بواسطة solycar

اما بالنسبة للاضرار المادية

فى كل انحاء العلم عربية 2009 دلوقتى بسعر التراب على اساس انها مستعملة
يمكن فى مصر الموضوع مختلف و المستعمل عالى شويتين عن برة
بس مش ذنب الشركة ان السوق نزل لعربية ما لان اسعار السوق مرطبطة بالعرض و الطلب و الاخبار و الاشاعات و اللذى منو

احمد ربنا على نعمة عدم المشاكل و ربنا يدمها عليك يارب :m_yes[1]:

بس انا ليه وجة نظر اخري - موضوع ان العربية تتعرض للعرض والطلب ده وارد في اي حاجه غير السيارات ولكن الوضع مختلف - لان الوكيل لما ينزل سعر عربية من 139000 الي 115000 اي بتخفيض حوالي 18 % نسبة عاليه جدا تدل علي وجود شي غير طبيعي , فمثلا لو حضرتك اشتريت سلعه

**solycar** · 04-03-2010 05:50 PM

المشاركة الأصلية كتبت بواسطة ashrafE51

- لان الوكيل لما ينزل سعر عربية من 139000 الي 115000 اي بتخفيض حوالي 18 % نسبة عاليه جدا تدل علي وجود شي غير طبيعي , فمثلا لو حضرتك اشتريت سلعه

ولا غير طبيعى ولا حاجة ياباشا

كل الحكاية ان العربية كانت 2009 و موديلات 2010 نزلت يعنى بقت stock

ولما نزلت السعر العربيات اتخطفت خطف بدليل ان الناس كانت بتسال عنها هنا فى المنتدى و كان فى تجار بتبيعها اوفر برايس

تخيل!!!! اوفر برايس لعربيات stock 2009

دة تفسيره ان التوكيل دة ناجح جدا فى عملية التسويق

**zinc** · 04-03-2010 07:44 PM

اسف علي الاطاله مبدئيا
اولا - الحمد لله انا اصبحت احدي ملاك الكورولا الاوتوماتيك من خمسه ايام و الحمد لله حتي الان راضي جدا عن اختياري ( كنت بقارن بينها و بين سيفيك و جيتا )
مع العلم ان اخي معاه جيتا و انا اكتر من مره سوقتها---

للاسف طبعا الكورولا دلوقتي سمعتها فعلا في الارض - حتي يوم ما اشتريتها و انا مروح كان فيه عساكر كتير (غالبا تشريفه) - ووقفني لواء بيقولي فيه حد يجيب كورولا دلوقتي - مش فيها مشاكل - قام الامين قايله اه يا فندم ال MMS (ايوه MMS و ليس MMT ) بيسخن و العربيه بتقف - اللواء قاله ايوه هوه ده -
و طبعا ده غير زملائي (في كليه هندسه) اللي بيشتموا في العربيه و هما مش عرفين حاجه
لان للاسف احنا كمصريين بنردد اي حاجه نسمعها من غير معرفه مدي صحتها
حتي لو كنا متعلمين او جهله
فمش كل حاجه نسمعها عن العيوب الغريبه اللي بدأت تظهر فجأه من شهر نصدقها

ثانيا - الناس زعلانه قوي ان رئيس تويوتا معبرناش - عنده حق
مين اللي خلاه يروح امريكا - هل توكيل تويوتا بامريكا ام الحكومه الامريكيه
وكمان حتي مفيش وجه مقارنه بين حجم مشكلتنا و مشكلتهم - مشكلتهم فيها ارواح ناس اما احنا اعطال- و علشان ناخد حقنا لازم حمايه المستهلك تقف جنبنا ( ربنا يباركلهم - بصراحه عاملين شغل كويس بقالهم فتره- ان شاء الله الي الامام )

المشاركة الأصلية كتبت بواسطة wwaeel

يا جماعه قبل ما تتكلمو علي توكيل تويوتا بصو بره اتعمل كام ري كول من سنه 92 حتي الان وتم تصليح كام عيب نازل في عربيات تويوتا وده مش معناه ان تويوتا وحشه بس الي اقصده احنا بقي هنا في مصر متعملش ولا ري كول واحد

واللي خلي مفيش اهتمام بمشاكلنا قبل كده هوه تقاعص جهاز حمايه المستهلك سابقا وليس تويوتا
لان لما يلاقو البلد كلها مبتخدش حقها مع اي توكيل هيعملوا زيهم--لان اغلب اداره تويوتا ايجبت مصريه - يعني اكيد بيفكروا كده ( ده اذا كان فعلا فيها مشاكل سابقا و التوكيل محلهاش - لان اللي اعرفه ان توكيل تويوتا ايجيبت دائما محترم )
ثالثا - موضوع انخفاض سعرها فده سببه كميه الاشاعات اللي طلعت علي العربيه بالاضافه لبعض العيوب الحقيقيه في ال mmt ( غالبا عيب اسطوانه الدبرياج فقط) ده اللي خلي التوكيل ينزل سعرها علشان يعرف يبيع
و طبعا انا واحد من الناس لو عربيتي الكورولا ( تمنها المفروض مبينزلش قوي ) نزل هزعل جدا

-
بس ده مش سبب اروح اقاضي التوكيل علشانه-
( مع العلم اني شاريها في وسط الازمه اهوه وعارف ان سعر اعاده بيعها هيتأثر)

كفايه كده

الموضوع: دعوة للنقاش لملاك الكورولا الحاليين والجدد.ايه رأيك في دعاوي التعويض ضد تويوتا.

LinkBack

أدوات الموضوع

عرض

-

-

-

-

-

المواضيع المتشابهه

دعوة للنقاش حول مساعدين الاسبيرانزا

علي بيه مظهر - دعوة للنقاش

دعاوي قضائية وشيكة ضد تويوتا مصر لأستبدال الكورولا وطلب تعويضات

دعوة للنقاش : سكودا مصر

الجنوط : كمالية و شكل ام ثبات حقيقي ؟ ( ادخل و قل رأيك / موضوع للنقاش )

الكلمات الدلالية لهذا الموضوع

المفضلات

المفضلات

ضوابط المشاركة