اقتباس المشاركة الأصلية كتبت بواسطة elassar2010 مشاهدة المشاركة
انا محامى تحت التمرين يعنى ممكن يكون كلامى غير دقيق
الى انا اعرفة ان القانون بيجيز ان القاضى يعطى للمحرض نفس عقوبة الفاعل ودى سلطة تقديرية طبعا (ودة انا سمعتة من بهاء ابو شقة نفسة ومن محامين كتير) بس الى بيحصل فى الغالب او عملا فى المحاكم المصرية ان القضاة مش بيدوا الانتين نفس العقوبة
انما المحمدى قنصوة معروف عنة ان بيدى الحد الاقصى فى الادانة
لان المشرع لما بيحط عقوبة بيكون ليها حد ادنى وحد اقصى والقاضى بدماغة يخنار الى يتناسب مع قناعتة الشخصية وملابسات الحادث والورق

بالنسبة للنقض دة شىء عادى ان حكم يتنقض وينزل وياخد حكم مخفف
فى المكتب الى انا فية كان فية واحدة فلاحة يعنى غلبانة قتلت جوزها وخدت اعدام من اول جلسة
اتعملها نقض فى الحكم ومحكمة النقض خدت بالنقض
ولما نزلت القضية تانى قدام محكمة الجنايات بدائرة تانية غير الاولانية
خدت 10 او15 سنة مش متذكر بالظبط
يعنى ان الحكم يتنقض مافهوش اى مجاملة لهشام خالص
ياريت اكون قدرت افيد حضرتك
شكراا على الافاده يا باشا, و انا مش ضد الحكم أصلا, بالعكس انا مقتنع جداا بيه