الموضوع: ما هي اضرار الكيك داون ؟

ياريت توضيح الاضرار بصورة اكبر

اعتقد ملهوش اضرار جامدة طالما العربية بتعملها اوتوماتيك يعني مش هتضر نفسها
وفي اراء محترمة بتقول انها بتضر الموتور
ومن شرح معناها ممكن نعرف اذا كان ليها اضرار ولا لا

اسف للتطفل و لكن ما معنى هذا المصطلح "كيك داون"

لا تطفل ولا حاجة يا باشا
الكيك داون خاصية في السيارات الاوتوماتيك
وبتحصل معايا بالطريقة دي
اطلع بالعربية وادوس بنزين جامد يعني اخلي دواسة البنزين توصل للاخر .. تفضل العربية تسحب شويو شوية والاربي ام يعلى لغاية تقريبا خمسة ولما توصل السرعة ل 90 كم س بحس ان العربية صرخت زي صوت طالع من الفتيس كده وفجأة الاقي العربية نطت او قفزت اوشبت للامام بسرعة وفتحت من 90 الى الاعلى بسرعة شديدة مرعبة واساسا صوت الصرخة ترعب

سواقين المانيوال بيقولوا انهم ممكن يعملوها يدوي بانه تقريبا يحرق على الغيار الثالث مثلا ويوصل لاقصي سرعة على الثالث اللي هي تقريبا 90 كم س برضو لغاية ما العربية تصرخ من علو الاربي ام وفي هذه المرحلة يديها الرابع هيلاقيها قفزت

وكمعني اصطلاحي
فان الفعل kick down من الافعال غير الشائعة في اللغة الانجليزية
ومعناه يفتح بقوة او بفتح بشكل صارخ
زي ما تضرب الباب برجلك جامد علشان تفتحو