الموضوع: عيش فى جلباب ابيك (وجهة نظر برضه)

المشاركة الأصلية كتبت بواسطة KSA2011

والله يا محمد الموضوع كله متوقف على طموح الواحد ونصيبه
يعنى انا بقيت دكتور بالرغم من انى والدى مش دكتور بس والدى كان حاططنى تحت ضغط انه ابقى انا دكتور ووفرلى كل حاجه
هو ما كانش عايزنى اطلع دكتور بس فى الثانويه العامه قالى لو جبت اقل من 98 فى الميه مش هتقعد فى البيت
ولما جبت 99 فى الميه قالى بص انت عملت الى عليك لو عايز تدخل معهد ادخل
كان نفسه انى ادخل صيدله وياريتنى سمعت كلامه بس هو كله نصيب برضه ولما جبت مجموع حلو قلت خساره اضيع الطب
ممكن الواحد يبقى والده دكتور و يطلع دكتور بس يبقى مش موفق برضه
ابن المهم حد قريبى كان هيدخل شرطه وما حصلش نصيب ودخل تجاره وكان عاي يتجوز واحده قريبته وكان بيحبها لكن والده فرض عليه جوازه تانيه وكان هيسافر وما حصلش السفر وطبعا كل دى حاجات بيندم عليها لكن فى المقابل ربنا كرمه من وسع جداا وبقى راجل اعمال كبير مع انه يادوب 32 سنه فى اقل من 4 او 5 سنين بقى بيلعب فى ملايين وفتح سكك استيراد وتصدير و بيسافر السودان واثيوبيا ودبى وحتت كتير علطول مع انه برضه كان نفسه يدخل طب
الحياه منظومه معقده جداا لو حاولت تفهمها هتتعب
كل واحد مكتوب ليه قدره ونصيبه و على اساس عمله و نيته
ربنا يكرمك ويوفقك يا ابو حميد
انا نفسى ان شاء الله اتخصص اطفال ان شاء الله لو ربنا رزقنى بولد عمرى ما هجبره انه يدخل كذا او حتى يجيب مجموع
الى عايز يجتهد فى حاجه هيتعب عشانها و ربنا هيوفقه ليها ان شاء الله

ايوا.... لكل مجتهد نصيب
شكراً يا دوك على المرور

المشاركة الأصلية كتبت بواسطة romeo_6887

قريبك جاب الخلاصه

انا عايز لما اقابله اقول انه فتح موضوع من غير ما يعرف
شكراً لمرورك

معلش يا جماعه انا فعلا مشوفتش عنوان الموضوع القديم

وبعتذر لاستاذ كايرو علي اعتراضي علي البوست بتاعه لانه اكيد كان له حق فيه

A.Yakout

المشاركة الأصلية كتبت بواسطة cairo2005

يا احمد العنوان الاول كان مختلف وكان بيجعل الموضوع سياسي بحت و ده كان سبب اعتراضي عليه مش ناقصين مشاكل



انا متاكد انك مكنتش قريت الموضوع
تصادف انك كنت بتكتبه في الوقت اللى التنبيه اتبعت فيه وبالتالي انت عملت الموضوع وبعته وبعدها مباشرة قريت التنبيه
انا عارف لان ده حصل معايا كنت بعمل مشاركة اول ما بعتها لقيت التنبيه في وشي
الخوف ان لو اللى في دماغي صح يبقي فيه تلكيك على ان اي موضوع ممكن يبقي سياسي و ده قلته في تعليقي على التنبيه ممكن تقراه هناك
بس بصراحة العنوان الجديد غير المعني شوية
وبالتوفيق في كل موضوعاتك
وتحياتي لك وللجميع

حصل خير يا جماعة .. شاكر ليكم جميعاً و بعتذر للإدارة على سوء الفهم (انا بس كنت بسوّق للموضوع مش اكتر)

المشاركة الأصلية كتبت بواسطة Tyler_Durden

أصل في الحالة دي الأب معاه مفاتيح أبواب المهنة و سيوفر على إبنه مسافات و وقت طويل ..
شيئ غير عادل ..
لكن خلينا نعترف إن أنا و أنت و غيرنا غالبا هانعمل كده مع أولادنا

... قصدك اية بغير عادل ؟؟ ان الأب يخلي ابنه يطلع زييه او في "يعيش في جلبابه" شئ غير عادل ؟

متأسف على التأخر في الرد