تكلفه سمكره ورش السويفت

**pilot_pilot** · 05-03-2010 04:33 PM

كم تكلفه سمكره ورش السويفت
علما بأ السمكره شعل قليل أوي ردتين على البارد
وعاوز أرشها كلها

**AMA** · 06-03-2010 01:26 AM

مش عارف السعر بالظبط بس دا بيتحدد لو ميتاليك أو مطفى و المصنعية و كدة و إن شاء الله حد يقدر يفيدك

**abogogo** · 09-03-2010 11:11 PM

والله يا ريس بتفرق من صنيعي للتاني كان عندي شغل سمكرة في العربية بتعتي الماروتي تخبيط وبرومة روحت لصنيعي قال السمكرة هتكلفني 1000 جنية واسبوع شغل المهم روحت لواحد تاني عن طريق المكانيكي بتاعي قال التكلفة 550 جنية ويومين شغل والشغل طالع زي الفل اما الرش واحد قالي 1000 جنية لون فضي ميتالك معرفش ايه موضوع الـ1000 جنيه دي روحت لاخر تبع السمكري تم الاتفاق على 750 جنية فالموضوع بيفرق من صنيعي للتاني ومن مكان للتاني

**lido_pink2000** · 13-03-2010 09:33 PM

انا لسة رشة اللادا ب 700 جنية ماعدا السقف و عملت سمكرة ب 500 بس السمكرى خد اسبوع شغل هو كدة كويس؟

**AMA** · 14-03-2010 01:37 AM

المشاركة الأصلية كتبت بواسطة lido_pink2000

انا لسة رشة اللادا ب 700 جنية ماعدا السقف و عملت سمكرة ب 500 بس السمكرى خد اسبوع شغل هو كدة كويس؟

الرش ممكن يكون كويس حسب النتيجة يعنى لو ممتاز يبقى كويس عليها
لكن السمكرة غاليه جدا دا الـ500 دة لو فيه مشاكل كبيرة و أسبوع كمان دا بعد الشر يعنى العربيه إلى عامله مشكلة بتاخد أسبوع

**A7MED_PHARMA** · 14-03-2010 09:25 PM

أنا - إن شاء الله - مدخل العربية سمكرة ودوكو
ظبط السوكة بتاعة الاربع ابواب ..وترييحة في الشنطة
وحتتيت بارومة صغيرين خالص تحت العتب الخلفي

هتاخد سمكرة ودوكو الاتنين مع بعض ..6 ايام
السمكري إتفقت معاه على 600 جنيه ..وبتاع الدوكو بالفرن بـ400
والدوكو والورنيش وخلافه .أنا إلي هجبهم

وده طبعا بعد مالفيت وسمعت أرقااااااام تهبل
...
وتحس ان الصنايعية مش عاوزة تشتغل وتاخد فلوس
أنا روحت لسمكري ...كان عاوزني أجيب 4 ابواب استيراد ورفرفين واكصدامين وشنطة..
وكان كمان عاوز ياخد 1000 جنيه
يعني ابن التتييييتتتت كان يدوبك هيركبهم ..وياخد 1000 جنيه

لازم قبل ماتعمل أي حاجة ..تلف وتسأل عند أكتر من واحد

وربنا معاك

..والله أعلم..

**A7MED_PHARMA** · 15-03-2010 03:20 AM

المشاركة الأصلية كتبت بواسطة ama

إلى منرفزنى موضوع انك تجيب أبواب جديدة دى ليه يعنى أنت دخلت بيهم فى حيطه ولا كنت بتلعب بيهم مصارعة عشان يقولك هات أبواب جديدة يا راجل يا مؤمن الباب يتغير فى حاله واحدة بس لو الأكس إلى جوة ده أتكسر مش عارف أسمه أية بالظبط بس فيه دعامات جوة كدة شبه علامه أكس لو دى أتكسرت ممكن يتغير لكن طلاما موجود عادى يتعمل سمكره عادى جدا لكن أية الطمع ده دا أنا أمشى بالعربيه من غير أبواب أحسنلى

مش عاوزين يشتغلوا يا ابن عمي
العربية في التوقيع أهه
ده منظر عربية محتاجة الهبل إلي هوا بيقول عليه ده

أنا بس عاوز أخلي السوكة بتاعتها مسطــــــــــــــرة
وبس
والعربية هتدخل السمكرة وهيا بالحالة إلي عليها دي في التوقيع
أنا بس عاوز أرشها نضافة ..وألحق البارومة الضغنونة إلي بدأت تظهر تحت العتب
أبن التتتتتييييييييتتتتتتتت عاوز يدخلني في حوار 5 الاف جنيه على الأقل ..لما أروح أجيبله أربع أبواب ورفرفين واكصدامين
ده طبعا غير المصنعية والخامات

..

-

-

الموضوع: تكلفه سمكره ورش السويفت

LinkBack

أدوات الموضوع

عرض

-

-

-

-

-

-

المواضيع المتشابهه

سمكره و دوكو !

ورشه سمكره

سمكره ورش

حد يعرف حاجه عن تكلفه انشاء مركز غسيل للكبد . تكلفه . اجهزه . اداره

سمكره النيسان صنى

الكلمات الدلالية لهذا الموضوع

المفضلات

المفضلات

ضوابط المشاركة