المشاركة الأصلية كتبت بواسطة samoevil911
أنا معاك فعلا في موضوع ان المشكلة في التربية ولازمكل شخص يبدأمن نفسه ويقوم نفسه .. بس فس حاجتين مفهمتهمش وياريت حضرتك توضحهملى .
1-بكلمة الدكتورة في العيادة بتعمل فتنة و و و و و حضرتك عايز توصل لأيه ؟
لما بخش اكشف على نظري عند الدكتورة بتاعتي بتبتسم في وشي (أكيد مش هتكشر) ده معناه إنها عملت فتنة؟ الاجابة لأ.
2- لما حضرتك قلت "نظرتنا للناس وتحريمنا اكل عشهم ؟ بردوا المقصود بيها ايه ؟ يعني هل حد من الأعضاء حرم أكل عيش حد؟
حصل وفي ناس دخلت كتبت جملتين "من الآخر الشغلانة ده حرام" , ولو واحد بيشتغل في الحرام هتبقى عيشته من أولها حرام في حرام. وده أنا شايف إنه حكم صريح وعام على كل الناس اللي شغالينها, وده مش عاجبني وأساس اعتراضي.
أما موضوع الست اللي بتبتسم للبواب لما جبلها موبيل واقع منها .. حضرتك لا يجوز تبسم المرأة الا للمرأة.. وبكل بساطة ممكن تكافئة بأي حاحة تانية .. هو اصلا مش يلزمه ابتسامتها .. لكن لو عطته 2 جنية حتي اهو دي هتفيدوا اكتر ..
لأ حضرتك فهمتني غلط , الابتسامة هنا مش ل غرض المكافأة لكن من الفرحة مثلا. لو حضرتك نسيت محفظتك في الشغل , وقاعدت تدور عليها مش لاقيها , تروح تاني يوم تلاقي واحدة زميلة لقيتها وجاية بتديهالك , مش هتبتسم في وشها؟ ولو آه تبقى كده إنت غلطان؟ ولو لأ مش تبقى بايخة ؟
انا الموضوع اللي محيرني هو احنا بالموضوع دا عايزين ايه ؟
يعني معلش يا جماعة موضوع عمل المضيفة حرام .. طب دلوقتي احنا بنكلم في ايه؟
ناس بتكلم في المحرم وناس بتكلم في الفتنة
حضرتك لوبتسأل ان عمل الدكتورة في المعيدة و و و .. أقول لحضرتك بالترتيب الدين قال ايه؟
1- ان الأصل في المرأة والأفضل لها الجلوس والمكوث في البيت والخروج يكون للضرورة او الحاجة . قال تعالى (
وقرن في بيوتكن ولا تبرجن تبرج الجاهلية الأولي) يعني الأفضل والأسلم للمرأة المكوث في البيت .. منعا بقي للفتنة وتعرضها للخطر و و و و
2- لو اضطريت تخرج بقي : تخرج في حشمة ووقار وحجابها الشرعي (باقي الآيه) بكدا هي هتبتعد عن الفتنة كتيير .. معلش مسن اللس هيبص لواحده ويعاكسها وهي لبسا حجاب فضفاض واسع ولبسها حشم ..
نيجي لحتة انها تكون فاتنة (جميلة جدا مثلا) أو في ناس ناقصها تربية زي محضرتك بتقول ..
يبقي نيجي لقول العلماء في النقاب . الامام احمد قال بوجوبه والأمام ابو حنيفة والشافعى قاله انه سنة لكنه يتحول للوجوب اذا لم تأمن الفتنة .. يبقي لو حضرتك شايف ان في فتنة يبقي النقاب وجب ..
يبقي الأفضل للمرأة انها تبقي في بيتها .. ولو اضطرت للخروج تخرج بالشروط التي وضعها الدين ..
حضرتك للأسف الناس بتدور فديرة مبتتغيرش .. ناس تقول نرجع للدين وناس تقول منحجرش الحريات .. هنقعد نلف ورا بعض كدا وخلاص مش هنوصل لنتيجة ابدا ..
حضرتك النقاش اللي داير في المنتدي دا هو النقاش اللي في الشارع والنقاش اللي في العالم كله. ناس عايزة تعيش بحريتها وشيفه ان الدين بيقيدها فعلى كل كلمة في الدين بتخالف كلامهم او نعتقداتهم او اللي اتربوا عليه او اللي الفوه بينتقدوها ويجادلوا .. تيجي تقلي هتلي دليل من الدين .. مبيجبش ولما تجبله انت دليل يقلك لا دا مش معناه كدا .. طب يبقي تعالى نسأل شيخ ..
انا واحد مثلا ممكن اجيب لحضرتك ان شاء الله دليل على كل كلمة قلتها أو تعالوا نسأل شيخ .. مفيش مشكلة .. لكن كون بقي ان نقول حرام نلاقي اللي يقول حرام ليه وعشان ايه ودي حرية شخصية (يبقي اسف اللي بيقول كدا مفروض يخجل من نفسه انه هيقابل ربنا ازاي؟!)
عمرنا شفنا عبد حر ؟ احنا نعرف ان العبد مقيد بخدمة سيده واللي يأمره بيه بدون نقاش .. طب مأحنا كلنا عبيد والله سبحانه وتعالى سيدنا كلنا .. بيأمرنا بأمر يبقي منكلمش لأننا مش احرار.
حضرتك أنا مش هقولك حلال ليه ولا حرام ليه (مش بتاعتي ) وبرده حلال ولا حرام ربنا هو اللي هيحاسب مش احنا. حضرتك قلت النصيحة دلوقتي كاملة, في اللي هيسمع بيها , في اللي
هيطنش , في اللي حيخش يقاوحك (في حاجات مفروغ منها ).
للأسف احنا بعدنا عن العلم الشرعى لدرجة اصبحنا جهلاء بالدين ..
ناس كتير بتكلم .. يعرف ايه عن الفقه او اصول الفقه ؟
يعرف ايه عن العقيدة؟ عن التوحيد ؟ حافظ اصلا اد ايه من القرآن؟ حافظ كام حديث؟ قرأ كتب ايه في التربية ؟ في السيرة؟ في القصص ؟
دا البنات عرفه قصة تامر حسني وعمرو دياب ومش عرفين قصة حياة النبي (ص) والولد عارف تاريخ ميلاد صحبته ومش عارف تاريخ ميلاد النبي(ص) ..
معاك تماما في كل كلمة قلتها عن الشباب اللي فقد الاهلية مع الوقت, وبرده في شباب كويس.
حضرتك متستغربش ان العالم كله بيتقدم واحنا بنتأخر .. احنا بناخد من الأجانب كل حاجة وحشة لكن الحجات الناجحة لأ ...
احنا ناخد التبرج والفجور ( والله دانا واحدة بتقلي داحنا شعب متخلف ازاى منبقاش زي الأجانب ونخلى البنت تزني -وليعاذ بالله- مع الولد قبل الجواز عشان نشوف في توافق ..... بينهم والا لأ(مكان النقط دي كلمه اكيد عرفنها) شوف دي دماغها وديتها لفين .. هي شايفه ان دا مش غلط سلوكها وتربيتها شايفين ان دا مش غلط .. حضرتك ممكن تشوف ان كلامها غلط لأن تربيتك مختلفة عنها .. ودا اللي ناتج عن ان كل شخص بيحكم بدماغة وتصوراته لكن لو رجعنا للدين ..!
على فكرة مش مستغرب خالص من تأخرنا, والبنت اللي بتتكلم كده ربنا يكون في عون أهلها. و مع إني مش موافق على كلامها ولا تفكيرها برده مش هحاول أحكم عليها ولا أقول حاجة تمسها أو احرم افعالها.
المهم ان احنا مبنخدش من الغرب العمل بأخلاص واحترام الموعيد و و و و .. لكن احنا متفوقين عليهم اخلاقيا ودا اللي هما عايزين ياخدوه منينا لأن دي الحاجة اللي احنا متفوقين عليهم .. حضرتك هما بينادوا ليه بحرية الفكر والمرأة ..
طب نقول مأمريكا غير محجبين ولا محتشمين بس دولة متقدمة .. الرد: هما مش متقدمين عشان كدا لأ عشان بيعمله بجد واخلاص وقت الشغل شغل ووقت اللعب لعب .. لكن في الشغل ممكن يبيع اهله ..
اما الأحتشام احب اقول لحضرتك الأحصائية دي .. عشان اوريكم الفتنة نفسها في البلد الأولى عالميا والسبب ؟؟! هتقروه
التحرش الجنسى ظاهرة جديدة وخطيرة
و
بسبب الاختلاط في أمريكا ( 80% من الأمريكيات يتعرضن للاغتصاب ) - الساحات العربية الحرة
تاني لينك ياريت تركز على الأسباب ولو مش مصدق الموقع اعمل للكتاب بحث على جوجل وحمله عندك واقرأه لو مش مصدق .. عشان ياريت فعلا منقلش ان المشكلة في الحجاب أوالنقاب(وانا مبقلش انه فرض بس عند الفتنة انا شيفه فرض مثلما قال العلماء) وانهم اللي بيشلوا المرأة ..
عامتا بره التحرش الجنسي مش زي هنا أصلا, مفهوم التحرش عندهم بيبتدي من الكلام , يعني اللي احنا بنقول عليه مجاملة هناك بيسموه تحرش, عندنا التحرش مد إيد على طول. فـالاحصائية ديه ملهاش دعوة عامتا بينا. ديه قصة تانية خالص مناقشتها عايزة موضوع من اوله نبتدي فيه على مية بيضة.
والله انا اعرف اجانب كتير ورغم انهم بيقولولى علينا اننا مش متقدمين ويهم وان الحجاب بيعوق حرية المرأة الا انهم بيحدسدونا ان احنا في امان عنهم وعندنا اخلاق ودين بنحترمه .. والله دا كلامهم .. واتقال بالنص "ياريت الدين عندنا كان يحلل جواز 4 احسن ملراجل عندنا بيجوز واحدة ويزني ب 1000 واحدة ومبيتعرفش في الأخر دا ابن مين" دا كلامهم عننا مش كلامي
اسف على التطويل ولو الموضوع وسع بس حبيت اصلك وجهت نظري ولبعض الاعضاء اللي ملحقتش ارد عليهم ..
فالكلام مش شخصي حضرتك خالص .. انا بحاول انصح ولو انا مخطئ حضرتك صححلى .. في النهاية هدفنا واحد (الوصول للحقيقة)
المفضلات