ايه اللي يمنع اني ابيع العربية مرتين؟؟

**أحمد كمال** · 08-03-2010 09:14 PM

ده احد الاسباب اللي تخليني ما اشتريش من غير عقد بيع رسمي في الشهر العقاري مباشرة من المالك بدون توكيلات و اجري على المرور انقل ملكية فوراااااااااااً ........

طبعا التوكيل مش بيع و طبعا ممكن جدا العربية تتباع مرتين و عشرة كمان

**ahmad--ezzat** · 10-03-2010 01:55 PM

المشاركة الأصلية كتبت بواسطة paradox

يا أحمد باشا أنا بس عايز أوضح ان فيه مجال للنصب في الموضوع ده علشان الناس تخلي بالها...

فاهم طبعا انا بقول للى بينصب

**kmhbravo** · 10-03-2010 02:00 PM

المشاركة الأصلية كتبت بواسطة paradox

معاك...بس إيه رأيك لو أنا عملت توكيل لواحد صاحبي مظبط معاه الاول وبعدين بعت لحضرتك بتوكيل تاني وقبضت منك كامل تمن العربيه. هو مش هايدفع فلوس بس انت هاتدفع وهاتمشي بالعربيه بالتوكيل اللي معاك لغاية ما الرخصه تقرب تنتهي هاتروح تعمل نقل ملكيه بالتوكيل اللي معاك تكتشف يا باشا ان العربيه اللي معاك بقت باسم واحد تاني غير اللي انت شاري منه.(اللي هوصاحبي اللي أنا مظبط معاه) ويبقا ساعتها العربيه بتاعته هو وانت التوكيل اللي معاك مالوش اي قيمة لانه مش من صاحب العربية
لازم يكون فيه اجراء عند نقل الملكية يضمن ان العربية ماعليهاش توكيلين

الموضوع شكله بعيد أنا عارف بس بعد ما قريت موضوع التوكيل المزور ومختوم نسر وانا حاسس ان كل حاجه تتعمل

لو عملت 100 توكيل ل 100 واحد على مدار سنة مثلاً ونفترص إن أخر واحد عملتله التوكيل هو اللى راح سجل ملكية بعقد فى الشهر العقارى يبقى هو ده المالك الوحيد ليها لأن العبرة مين اللى سجل الأول .

**otefa** · 10-03-2010 02:03 PM

المشاركة الأصلية كتبت بواسطة n.y.s.m.a

عشان كده الصح دائما وأبدا في عملية بيع السيارة وشرائها لو كانت بين أطراف مايعرفوش بعض إن دفع الفلوس لا يتم إلا عند تسجيل السيارة ونقل ملكيتها في المرور التابعة له حتى لو الرخصة لسة فاضل فيها كتير

غير كده ماتدفعش فلوس نهائي لحد ماتعرفوش طالما لسة التسجيل ماتمش

+111111
وموضوع مفيد فعلا في ناس كتير ممكن تقع في المطب ده

**AMA** · 10-03-2010 04:41 PM

متابع معاكم و بصراحه أستفدت من الموضوع دة لأنى مكانش ليا فى المواضيع دى أصلا لأنى لسه مشتريتش

المشاركة الأصلية كتبت بواسطة a7med_pharma

ربنا يخليك
أنا نازل طنطا قُريب في مهمة غير شرعية لأحد أعضاء المنتدى
والمهمة دي هنحتاج فيها أعضاء من طنطا
علشان واحد حبيبنا هنا ..لازم نجامله

وناخد له حقه

.

لو عايزين حد من أسكندرية و نعمل عليهم كمين أنا موجود ههههههههههههه
وربنا يسترها و أعضاء المنتدى يسيطروا على الموقف رغم أنى معرفهوش بس ربنا معاكم يا رجاله

**esam_comm** · 10-03-2010 05:48 PM

انا قبل كده اشتريت عربيه واحد صاحبي بتوكيل وقعدت معايا 7 شهور وجيت ابيعها هو كان حاله اتظبط واشتراها مني تاني فاروحنا مقطعين التوكيل اللي كان عاملهولي قبل كده والرخصه كانت كده كده باسمه؟ فعلا الموضوع ده في ممكن يحصل لعب كتيير

**mido** · 10-03-2010 07:06 PM

المشاركة الأصلية كتبت بواسطة paradox

معاك...بس إيه رأيك لو أنا عملت توكيل لواحد صاحبي مظبط معاه الاول وبعدين بعت لحضرتك بتوكيل تاني وقبضت منك كامل تمن العربيه. هو مش هايدفع فلوس بس انت هاتدفع وهاتمشي بالعربيه بالتوكيل اللي معاك لغاية ما الرخصه تقرب تنتهي هاتروح تعمل نقل ملكيه بالتوكيل اللي معاك تكتشف يا باشا ان العربيه اللي معاك بقت باسم واحد تاني غير اللي انت شاري منه.(اللي هوصاحبي اللي أنا مظبط معاه) ويبقا ساعتها العربيه بتاعته هو وانت التوكيل اللي معاك مالوش اي قيمة لانه مش من صاحب العربية
لازم يكون فيه اجراء عند نقل الملكية يضمن ان العربية ماعليهاش توكيلين

الموضوع شكله بعيد أنا عارف بس بعد ما قريت موضوع التوكيل المزور ومختوم نسر وانا حاسس ان كل حاجه تتعمل

فى حاجه اسمها الحيازه سند الملكيه يعنى اللى مش معاه العربيه هو اللى عليه يسبت ان العربيه دى بتاعته

**D . a .\ AYMAN** · 10-03-2010 07:50 PM

المشاركة الأصلية كتبت بواسطة mido

فى حاجه اسمها الحيازه سند الملكيه يعنى اللى مش معاه العربيه هو اللى عليه يسبت ان العربيه دى بتاعته

إسمها .. الحيازة في المنقول سند للملكية

لكن القاعدة دي متمشيش على العربيات لأن برغم ان العربيات من المنقولات لكن ملكيتها تثبت فقط بسجلات المرور وليس بالحيازة .. يعني العربيات إستثناء القاعدة دي

**kmhbravo** · 10-03-2010 08:04 PM

المشاركة الأصلية كتبت بواسطة n.y.s.m.a

إسمها .. الحيازة في المنقول سند للملكية

لكن القاعدة دي متمشيش على العربيات لأن برغم ان العربيات من المنقولات لكن ملكيتها تثبت فقط بسجلات المرور وليس بالحيازة .. يعني العربيات إستثناء القاعدة دي

+111111111111

القاعدة ديه ما تمشيش إلا على المنقولات التى لا تحتاج إلى سند ملكيه (تليفزيون مثلاً)

وزى ما قولت قبل كده لو عملت 100 توكيل ل 100 واحد على مدار سنة مثلاً ونفترص إن أخر واحد عملتله التوكيل هو اللى راح سجل ملكية بعقد فى الشهر العقارى يبقى هو ده المالك الوحيد ليها لأن العبرة مين اللى سجل الأول .

-

الموضوع: ايه اللي يمنع اني ابيع العربية مرتين؟؟

LinkBack

أدوات الموضوع

عرض

-

-

-

-

-

المواضيع المتشابهه

محتاج برنامج يمنع الاعلانات الفلاش المستفزة اللي بتظهر في المواقع

طب ابيع العربية

ايه اللي يخلي المارش يتحرق مرتين ؟؟؟؟

مشكلة حصلت ليا في العربية مرتين صني اوتوماتيك 2009

العربية اللي اشتريتها من يومين جايلي فيها 26500 ابيع ؟

الكلمات الدلالية لهذا الموضوع

المفضلات

المفضلات

ضوابط المشاركة