الموضوع: ايه اللي يمنع اني ابيع العربية مرتين؟؟

المشاركة الأصلية كتبت بواسطة esam_comm

انا قبل كده اشتريت عربيه واحد صاحبي بتوكيل وقعدت معايا 7 شهور وجيت ابيعها هو كان حاله اتظبط واشتراها مني تاني فاروحنا مقطعين التوكيل اللي كان عاملهولي قبل كده والرخصه كانت كده كده باسمه؟ فعلا الموضوع ده في ممكن يحصل لعب كتيير

ممكن لو انت نيتك سيئة تروح تطلع نسخة طبق الاصل من التوكيل

تقطيع التوكيل ده و لا ليه اي لزمة :)

شفت بقى :)

المشاركة الأصلية كتبت بواسطة mido

فى حاجه اسمها الحيازه سند الملكيه يعنى اللى مش معاه العربيه هو اللى عليه يسبت ان العربيه دى بتاعته

الملكية بالحيازة في حالة المنقولات زي العفش .... التليفزيون ...... الخ .... مش العربيات

و الا كان ممكن اسرق عربيتك و ازور توكيل و اثبت انت بقى !

المشاركة الأصلية كتبت بواسطة rsarabia

انا قرأت الموضوع و بصراحة مش متخيل الوضع ازاى.
هو مش المفروض لما واحد بيعملى توكيل ادارة وبيع بيسجلهولى فى الشهر العقارى ؟؟ يعنى العربية كدا بقت بتاعتى صح ؟؟

لأ ....... كده انت وكيل عنه ...... و هو لسه المالك ...... و العربية بتاعته مش بتاعتك ..... تبقى بتاعتك اما تروح الشهر العقاري تعمل عقد بيع مسجل .....

التوكيل كمان بيلغى بوفاة احد الطرفين

لو البائع مات يبقى العربية ملك ورثة البائع

لو المشتري مات تبقى ملك البائع !!

المشاركة الأصلية كتبت بواسطة rsarabia

ازاى صاحب الرخصة هيبيع العربية لشخص تانى و هى اصلا بقت مش بتاعته لانه متسجلة بأسم واحد تانى و متسجلة فى الشهر العقارى ؟؟

لانها اول مرة ما اتباعتش ده توكيل ...... زي مثلا لو واحد مسافر و عمل توكيل لوالده يبيع له عربيته ........ لو الوالد ما باعهاش ممكن هو اما يرجع يبيعها مباشرة بعقد .......

المشاركة الأصلية كتبت بواسطة rsarabia

يعنى لو راح بالشخص الجديد الشهر العقارى يسجلها المفروض يقولوله لأ انت بايع العربية بتوكيل لواحد قبل كدا و متسجل عندنا ؟؟

و مين قال لحضرتك ان الشهر العقاري فيه كمبيوتر يعرفهم المعلومة دي ؟؟؟؟؟ ويلكام تو ايجيبت ماي دير :)

و التوكيل بصفته القانونية مش عقد بيع يعني هو ما باعش خالص .....