الموضوع: انسحاب

أكيد من ردود الاعضاء الافاضل , حضرتك عرفتي انتي أد اية عزيزة علينا جميعاً.
عوداً حميداً بين إخواتك.

الدنيا لسه بخير يا استاذة نور
شوفتى بقى غلاوتك قد ايه عند اعضاء المنتدى
ارجوكى راجعى نفسك فى قرارك وما تحرمناش من مواضيعك
هو هيبقى انتى والاستاذة دينا ابو العلا
............................................
محمود عينو

والله على اد منا فرحانة بمشاركاتكم على اد مانا محرجة منكم دلوقت فوق ما تتصوروا
مكنتش متخيلة كم المشاركات دي ولا كنت متخيلة ان في اعضاء كتير كدة بتعزني بس والله القلوب عند بعضها
ربنا يديم علينا الود والاخوة والحب في الله
خلاص انا معاكم الى ان يشاء الله يا نعيش سوا يا نتوقف كلنا سوا

نور حمد الله على سلامتك

والله صدمتيني اول لما قرأت الموضوع
بس الحمد لله اطمنت

وانتي من الناس اللي مينفعش تختفي كده

المشاركة الأصلية كتبت بواسطة janno28

يانور ياجميله انا بقول اهو واعيدها تانى ام مش سنها كبير اعملك ايه يعنى ده مجاز مرسل ياستى وحقك عليا ياجميله وبجد ليا الشرف انى اقبلك اكيد قريب ان شاء الله :)

ماشي ماشي يا جانو سماح المرة دي عشان انتي لسه جديدة بس

المشاركة الأصلية كتبت بواسطة ahmed-moga

مع نايل موتورز مش هتقدر تغمض عنيك هتخليك معانا ومش هاتروح في أي حته
معلش بس فيه ملحوظه لما بسكوته قلتلنا قالت في الآخر بس أوعي حد يزعلها أحسن يطرد يعني فيه حد زعلك وينه السخس ده وأحنا نشنوقه من رجليه

محدش زعلني والله وبعدين انتم المفروض عرفتوني بقه اللي بيزعلني بزعله ههههههههه ومش بسيب حقي

المشاركة الأصلية كتبت بواسطة human12

i thought i will not write here again after the suspension... But here i am

mrs nour, you do what you have to do as long as you think it is better for you. Every step we take it is to improve our life
if it works for you then congratulations, if not then come back, as u see lot of people will be missing you

شكرا يا هيومان على المشاركة
انت من الاعضاء المهمين في المنتدى ومدمن زي حالتنا مينفعش تسيب المنتدى

المشاركة الأصلية كتبت بواسطة hashem1999

الحمد لله
المنتدى كان مظلم ونور تانى بنور القمر

شكرا يا هشام ربنا يخليك

المشاركة الأصلية كتبت بواسطة ezzat-fayek

حمد الله علي السلامة يا نور و نورتي بيتك مرة تانية
و اساسا انتي ماينفعش تسيبي المنتدي
هنحس بحاجة ناقصة كدة

شكرا يا عزت ربنا يخليك

المشاركة الأصلية كتبت بواسطة solyelissa

نورتي المنتدى تاني ..يا نور

شكرا يا سولي ربنا يخليك

المشاركة الأصلية كتبت بواسطة جمال

انا لسه شايف الموضوع حالا
ومن اوله زعلت جدا و قلت اكمل مشاركات الاعضاء للآخر
هب الاقيكى رجعتى؟؟
طب اعمل ايه انا الآن اطالب برجوعك
و لا نهنىء انفسنا بعودتك ؟
لخبطينى و جبتيلى الزهايمر بدرى
عموما اهلا بعودتك ومنورة المنتدى
ومتعمليش كده تانى هه ( مش لاقى ايكون لشد الودن )

انا هدورلك على ايمشون بقرصة ودن مخصوص يا بابا جمال وارفعه في الاسمايلز ولو ملقتش في عندي واحد بيتضرب بشومة على دماغه ينفع ؟؟ هههههههههههههه
ممتنة جدا لمشاركة حضرتك

المشاركة الأصلية كتبت بواسطة magyver

والله انا لسة شاايف الموضوع حاالا
دة انا كنت هازعل قوي لو مكنتيش رجعتي
وكويس انك رجعتي
لان نايل موتورز هايكون ضلمة من غيرك
نورتي يانور

يرجى مراعاة ان لفظ الجلالة يكتب بالهاء المربوطة وليس التاء المربوطة

مشرف الاجتماعى 3

شكرا يا ماجيفر ربنا يخليك

المشاركة الأصلية كتبت بواسطة النوبي

زعلتيني وبسكوته اللي فرحتني وعلي العموم انا فرحان انك عدلتي عن القرار الانتحاري ده
لانه كان هياثر عليا 180 درجه في قرار رجوعي المنتدي

ميهونش عليا زعلك يانوبي وبعدين انت مينفعش تسيب المنتدى مهما حصل

المشاركة الأصلية كتبت بواسطة pro_samir

دة غير اني كنت متصور شخصيتها أقوي من كدة ومش هترجع في كلامها خلال كام ساعة

لا انا من الاول قلت اني ضعيفة الارادة قدام نايل موتورز والاعتراف بالحق فضيلة

المشاركة الأصلية كتبت بواسطة Ghost2

حاجه جميله اوي يا نور انك تحس انك غالي اوي عند ناس كتير ,.. وعدم وجودك مع الناس يفرق معاهم اوي .. وانك اثرت فيهم وقدرت تاخد مكان في قلب وعقل الناس دي .. يعني مش مجرد مريت مرور الكرم .. عموما انا اهنيكي على على اصدقائك .. واقولك حمد الله على السلامة .. ولو دخلتي الانتخابات ناس كتير هتقف وراكي .. ده كفاية المنتدى

حب الناس نعمة من ربنا الحمد لله عليها ومكنتش متخيلاها في نايل بالشكل ده بصراحة وشكرا يا جوست

المشاركة الأصلية كتبت بواسطة Eng_Mostafa_89

لما قريت الكلام دة امبارح اضايقت والله وزعلت جدا ومرضتش اشارك او حتى اقراء اى مواضيع تانية ورحت قافل المنتدى والنت ورحت قايم نايم وقعدت افكر البرنامج بتاعك حوار من القلب للقلب مين هيكملة ومين هينظمة تانى غيرك
بس فرحت علشان انتى هتمشي ومش هجبلك الهدايا بتاعت البيبي زى مجبت لاختك سندريلا




وبعد الكلام دة فرحت جدا جدا ولا كأن الجمارك بتاعت العربيات اتلغت والبنزين رخص
بس للاسف زعلت علشان كدة هضطر اجيب الهدايا

ويلا بقى يابسكوتة مستنينك تتفوضى مع بقية الاعضاء المنسحبة وترجيعهم لنا تانى

شكرا يا محمد
انا عارفه صور الهدايا على جوجل غالية شوية بس انت ادها وادود هههههههههه

المشاركة الأصلية كتبت بواسطة mohamedezat

ايه ده ؟
الموضوع ده اتعمل امتى ؟
انا كنت فى غيبوبه اصلى امبارح ومش عاوز اقول للناس انا كنت فين امبارح علشان فى كام واحد كده هايقروا عليا هما عارفين نفسهم

وبجد ماينفعش القرار ده نهائى انا لما الدنيا تضيق بيا ممكن امنع نفسى كام يوم من المشاركه لكن مامنعش نفسى انى اطمن على الناس الموجوده فى المنتدى
وبجد برافو عليكى يابسكوته انك اقنعتى نور
وحمد الله على السلامه ويارب يفك كرب كل المسلمين

مين الناس دول ؟؟ اوعى تقول انه اللي في بالي
عندك حق الواحد مش المفروض الواحد بقطع علاقاته بالناس الكويسة مهما كان السبب

المشاركة الأصلية كتبت بواسطة A_H_M_A_D

طول ماحنا بنركب عربيات ماينفعش نسيب نايل موتورز

بس هو ممكن نحاول نسيطر على الإدمان اللي منتدى ده بيسببه

يعني نحاول نقلل الجرعه شوية بشوية !!

ومن غير عربيات مينفعش نسيب المنتدى ونحاول نقلل الجرعه يا فند