اقتباس المشاركة الأصلية كتبت بواسطة نور القمر مشاهدة المشاركة
انا هقولكم سبب تفكيري في الانسحاب
كتير منكم عارف اني كنت شغالة ديزاينر وادارة سيرفرات في شركة برمجة وتصميم كبيرة
وكنت مميزة جدا واسمي زي الطبل زي ما بيقولوا
رجلتي جات في خية نايل موتورز وبدأت اتعلق بيه تدريجيا لدرجة الادمان واهملتي شغلي وحسيت اني مخي وقف ومبقاش عندي نفس اشتغل حتى مهاراتي انخفضت من قلة الممارسة
وكل محاول اشتغل شوبة الاقيني ماليش نفس وشغلي مش اد كدة انا نفسي مش بكون راضية عنه ولوحد كلمني على ماسنجر الشغل او الموبايل مردش عليه وبقيت ارفض شغل كتير لحد عملائي المهمين سابوني
فكرت اغير مجال شغلي لمجال مش مرتبط بالنت عشان اركز فيه فشلت لكذا سبب اولهم مستحملش حد يتريس عليا وثانيهم ربنا رزقني بحمل جديد يعني مستنية بيبي جديد ودي معلومة جديدة على ناس كتير هنا وفرصه تجهزوا الهدايا من دلوقت وبصراحة بمر بفترة اكتئاب الحمل بالاضافة ان وضع الحمل فيه مشاكل اجبرني على نومة السرير بئالي اكتر من شهر ومريت بظروف صحية صعبة ومن اسبوعين تلاتة كنت على وشك الموت بسبب حقنة مستحملتهاش ومضطرة امشي على حبوب نفس نوع الحقنة اثارها الجانبية لا تحتمل بتوصلني لدرجة ممكن قعد بالساعتين تلاتة مقدرش اسقي نفسي كوباية ميه من الاعياء اللي بكون فيه
كل دي عوامل وظروف مأثرة عليا نفسيا جدا ومخليه تصرفاتي انفاعليه بدون تفكير

انا ممتنة لكل من سأل عليا بس موضوعي ده بالرغم انه اسعدني جدا بمشاركاتكم لكن مسبب لي احراج كبير منكم والله لاني مش بحب اكون تحت الاضواء زي ما بيقولوا
انا شوية وهاطلب من الادارة تحذفه بعد اذنكم
مبروووووووووووووووووووووو وووووووك يا نور.... ألف مبروووووك

و ربنا يقومك بالسلامه و يرزقك الابن الصالح, او الابنه الصالحه بإذن الله...

بس موضوع الاكتئاب ده هتنسيه هتنسيه... احنا هنا في نايل موتورز متخصصين اكتئاب و هنّسيهولك

و طووول ما الايموشن ده موجود اعتقد مش هتكتئبي أبداااا ((( )))... ههههههههههه

أهم حاااااااااجه, لازم ان شاء الله المولود الجديد يتربى في عز نايل موتورز....
يعني نايل موتورزاوي ناشئ, و هديتي ليه ان شاء الله هتبقى (USB Modem), ايه رأيك؟؟

علشان لازم الاجيال القادمه ترفع علم نايل موتورز خفااااااقاً في انحاء العالم...

حاولي تركزي في شغلك أكتر و ترجعي زي ما كنتي شعلة نشاط, و ترجعي عملائك المهمين تاني
ان شاء الله, فتره الاكتئاب هتعدي و بإذن الله ترجعي زي الأول و أحسن كمان... ربنا يوفقك