الموضوع: انسحاب

المشاركة الأصلية كتبت بواسطة نور القمر

في الانسحاب كدة عارف احساسك لما تكون في وظيفه او بلد ومضطر تسيبهم بالرغم من تعلقك الشديد بيهم بيبقه مجموعة من المشاعر المتضاربة كأنك بتنزع نبته من جذورها قرار طالع من العقل وبتقاوم نفسك عشان عقلك يتغلب على قلبك
اما قرار العودة فأكيد هو اللي طالع من القلب وبقول لنفسي مكنش ليه لازمة اني اعمل موضوع عشان الاحراج اللي انا فيه دلوقت مدام عارفه نفسي ضعيفة

مبحبش الناس اللى بترجع في كلامها
قلتى هاتنسحبي يبقي تنسحبي
طبعا بضحك معاكي
عارفة
كلنا زي بعض انا اخدت قرار الابتعا ده اكتر من مرة بس لانى عارف انى هرجع غالبا في كلامي كنت بقول يا واد جرب نفسك الاول يومين تلاتة كدة وشوف لو قدرت تبعد ادخل اعمل اعتذار عن الاستمرار مقدرتش يبقي تاخدها من قصيرها وتسكت
تانى يوم الاقي نفسي بدل ماادخل اعتذر عن الاستمرار داخل اشارك
بجد حاجة تخنق
الله يسامحك يا كريم انت واصحاب المنتدي على اللى حاطينه في الموقع وبيسبب ادمان

المشاركة الأصلية كتبت بواسطة ابو الوليد المصرى

الموضوع ده فكرني بجمال عبد الناصر.

ههههههههههههههههههههههههه هههههههههههههه
والاتنين تراجعوا بناء على رغبة الجماهير الهادرة من المحيط الى الخليج

المشاركة الأصلية كتبت بواسطة نور القمر

انا هقولكم سبب تفكيري في الانسحاب
كتير منكم عارف اني كنت شغالة ديزاينر وادارة سيرفرات في شركة برمجة وتصميم كبيرة
وكنت مميزة جدا واسمي زي الطبل زي ما بيقولوا
رجلتي جات في خية نايل موتورز وبدأت اتعلق بيه تدريجيا لدرجة الادمان واهملتي شغلي وحسيت اني مخي وقف ومبقاش عندي نفس اشتغل حتى مهاراتي انخفضت من قلة الممارسة
وكل محاول اشتغل شوبة الاقيني ماليش نفس وشغلي مش اد كدة انا نفسي مش بكون راضية عنه ولوحد كلمني على ماسنجر الشغل او الموبايل مردش عليه وبقيت ارفض شغل كتير لحد عملائي المهمين سابوني
فكرت اغير مجال شغلي لمجال مش مرتبط بالنت عشان اركز فيه فشلت لكذا سبب اولهم مستحملش حد يتريس عليا وثانيهم ربنا رزقني بحمل جديد يعني مستنية بيبي جديد ودي معلومة جديدة على ناس كتير هنا وفرصه تجهزوا الهدايا من دلوقت وبصراحة بمر بفترة اكتئاب الحمل بالاضافة ان وضع الحمل فيه مشاكل اجبرني على نومة السرير بئالي اكتر من شهر ومريت بظروف صحية صعبة ومن اسبوعين تلاتة كنت على وشك الموت بسبب حقنة مستحملتهاش ومضطرة امشي على حبوب نفس نوع الحقنة اثارها الجانبية لا تحتمل بتوصلني لدرجة ممكن قعد بالساعتين تلاتة مقدرش اسقي نفسي كوباية ميه من الاعياء اللي بكون فيه
كل دي عوامل وظروف مأثرة عليا نفسيا جدا ومخليه تصرفاتي انفاعليه بدون تفكير

انا ممتنة لكل من سأل عليا بس موضوعي ده بالرغم انه اسعدني جدا بمشاركاتكم لكن مسبب لي احراج كبير منكم والله لاني مش بحب اكون تحت الاضواء زي ما بيقولوا
انا شوية وهاطلب من الادارة تحذفه بعد اذنكم

الف مليون مبروك يا نور وان شاء الله تبقي بنوتة زي العسل وتجننك كمان وكمان هي ومحمد اخوها وربنا يفرحكم بيهم انتي ووالدهم يا رب

المشاركة الأصلية كتبت بواسطة أشرف فتحى

طب انا لسه شايف الموضوع دلوقتى.......
أعمل ايه انا؟؟!!!!
أزعل ولا افرح ولا اعمل ايه؟؟؟!!!!
أقولكم....
أنا هبارك على البيبى الجديد....
الف مليون مبروك وربنا يجعله خلف وذريه صالحه ......ويجعله قره عين لوالديه......
انتى غيرتى من سندريلا بقى ولا ايه؟؟!!

والله الحال من بعضه

اسف يا نور دي اول مرة والله اشوف الموضوع
بس الحمد لله بقية الناس قاموا بالواجب وزيادة وعرفوكي غلطك
بس متعمليهاش تاني
بجد حزنت جدا اول ما قريت الموضوع بس كل ما كنت بقلب صفحة واشوف الناس بتحبك اد ايه كنت بحسدك وبقول فعلا انسانة تستاهل كل خير ولما وصلت لانك اتراجعتي متعرفيش كنت سعيد اد ايه
واوعي تطلبي حذف الموضوع سيبيه علشان يبقي عبرة ليكي ولاي حد يفكر يسيب المنتدي
حمد الله على السلامة