اقتباس المشاركة الأصلية كتبت بواسطة mohammad_alshamy مشاهدة المشاركة
والله ياجماعه انا شايف ان في قاعده عامه لازم الواحد يفتكرها دايما وهي ان مفيش حاجه بتفضل على حالها للأبد , وده طبيعه حال الاشياء , واكيد هيجي يوم على اي ماركه او نوع عربيه عشان يكون ده دورها في التلاشي او الانقراض التدريجي , وده بيعتمد على مدى كفاءه العربيه وامكانيتها في ملائمه ظروف البلد اللي احنا عايشين فيها وكمان حسب الحاله الإقتصاديه للبلد , يعني احنا لو بصينا لمستوى العربيات في البلاد العربيه اللي مجاوره لينا هنلاقي معظم البلاد دي بتعتمد على العربيات الامريكي والفرنسي والياباني بنسبه 95% تقريبا وده طبعا لأرتفاع المستوى الاقتصادي للبلاد دي

و كمان اللي مضخم الأمر شويه هو ان موديلات الدايو (في مصر تحديداً) مش كتير (لانوس , نوبيرا , ريسر , اسبيرو , زاز (لو حد اخد باله منها)) على عكس الشركات التانيه زي مثلا مرسيدس او بي ام دبليو او نيسان او ميتسوبيشي او حتى الهيونداي بما انها كوري , الهيونداي فعلا عندها تنوع اكتر من الدايو في موديلاتها خاصه ف الفتره الاخيره , وده معناه ان حتى لو في موديل واحد او اتنين من الدايو انقرضوا من مصر لأي سبب من الاسباب فده اكيد هيأثر على النسبه العامه لتواجد كلمه (دايو) في السوق

بس بالرغم من كل ده انا شايف ان العربيه الدايو بشكل عام محافظه كويس على وضعها بين العربيات التانيه , لانها عربيه مريحه وسهله الصيانه وعمليه وقطع غياراها مش غاليه بطريقه مبالغ فيها

تفتكروا ياجماعه كان في عربيه زمان اسمع عنها وانا صغير اسمها (رمسيس) , ياترى العربيه دي لو كانت موجوده كانت هتقدر تمشي بين العربيات الموجوده حاليا ؟؟ اتوقع لاً دووورس هنا , وده معناه ان في حكمه من ورا اختفاء او هبوط مستوى تواجد اي عربيه من شوارعنا

عامه انا شايف ان الدايو بإذن الله لسا ادامها كتير عشان نبدأ نفكر انها ممكن تختفي او تروح عليها
العربيه الرمسيس دى انا فاكر انى شوفتها بس فى الأفلام القديمه فقط اما فى الشارع محصلش خالص.