الموضوع: New Accent or Matrix

مافيش مقارنه بين الأتنين لأن النيو أكسنت عربيه صالون والماتريكس عربيه mpv

لو عاوز عربيه عائليه واسعه جدا جدا وفيها مساحات تخزينيه كبيره وأفتكاسات كتيره وحركات أكتر يبقى الماتريكس

ولو عاوز عربيه صالون عاديه يبقى تقارن بين النيو أكسنت وبين الجين2 مثلا وفي الحاله دي الجين2 هيه إللي تكسب

the new accent has a new CVVT motor but the motor in the MATRIX is an old elentra motor

بص يا سيدي , أولا زي ما قال الاخوه ان دي ميني فان لكن دي كومباكت سيدان , يعني مفيش وجه مقارنه , لو هانتكلم علي الموتور , أحب أقول لسيادتك ان موتور النيو أكسنت هو هو بالضبط موتور الماتريكس و لكن أضافوا له حاجه صغيره اسمها CVVT ASSEMBLY أو وحدة التغير الدائم في توقيت فتح و قفل الصمامات , دي بتضمن الاستخدام الأمثل للبنزين و أحسن معدل استهلاك , في موتور الماتريكس صحيح مافيهوش CVVT ASSEMBLY لكن فيه ما ينوب عنه و هي تكنولوجيا أخري اسمها Hydraulic Lash Adjusters أو ضابطي الشحنه الهايدروليك و هي ببساطه بدل ما بتحكم في التوقيت زي الCVVT بتحكم في VALVE CLEARANCE أو المسافه اللي بيفتح فيها الصمام يعني علي السرعات العاليه الصمام يفتح أكتر فايدخل شحنة وقود و هواء أكتر فايديني قدره علي مقوامة الهواء و الحفاظ علي السرعه و لما أكون في البلد علي سرعه هادئه الصمام يفتح لمسافه صغيره فيسمح بمرور كميه أقل فيوفرلي في استهلاك البنزين , كمان ال Lash Adjusters دول بيضمنوا قفل كامل للصمام لما يكون الدور مش علي الصمام فابقي مش محتاج ضبط تاكيهات أبدا ...
صحيح ال CVVT رفعت الهورس باور بتاعة الموتور و خليته 112 حصان و ان ال Lash Adjusters مخلياه في حالة الماتريكس 104 حصان لكن زي ما قلتلك كل عربيه و ليها استخدامتها لان الماتريكس Designed to ferry people not to race with them يعني مصممه لنقل الناس و ليس السباق بهم فا مش محتاجه أكتر من 104 حصان لكن هذا لا ينفي اطلاقا وجود تكنولوجيا متقدمه في محركها زي ما قلنا و برده بأكد عليك ان موتور الماتريكس و النيو أكسنت هو هو نفس الموتور ( G4ED ALPHA 2 ) بس زياده الوحده اللي قلنا عليها في النيو أكسنت و خللي بالك ان النيو أكسنت مافيهاش ال lash adjusters اللي في الماتريكس يعني دا مكان دا .
فان كنت عايز عربيه عائليه أدائها كويس( من سرعة 0 لسرعة 100 في 12.7 ثانيه ) لكن مش عربية سباق يعني و واسعه جدا جدا و عاليه و تشيل شنط كتير و تقيله و عندك أطفال بيحبوا الصواني و حاملات الأكواب و اللعب ده يبقي الماتريكس بدون تردد , ان كنت عايز عربيه سيدان صغيره بتجري حلو ( أكتر من الماتريكس طبعا ) و ناعمه علي المطبات يبقي النيو أكسنت ...
حبيت بس أوضحلك الفرق في الموتور و القرار النهائي ليك .
تحياتي لك .

أحب اعدل الماتريكس 106 حصان مش 104

و باقى الكلام لا يوجد اى اضافه بعديه... بس انا افتكرت ان ده حاجه و ده حاجه مش معدل منه :)
شكرا على الاضافه

أخي الكريم شكرا للمرور و فعلا موتور ال Alpha 2 اللي في الماتريكس و الالنترا الشكل القديم و الجيتز و الفيرنا 1600 فعلا قوته 107 حصان كمان مش 106 لكن في حالة الماتريكس الكنترول يونيت تم ضبطها في المصنع انها ماتطلعش أكتر من 104 حصان من الموتور ده عشان اعتبارات الوزن عشان ما تقدرش أبدا تجيب أخر الموتور لانه مش هايستحمل مع وزن العربيه الكبير , في ناس أجانب كتير بيعيدوا برمجة الكنترول يونيت بتاعت الماتريكس باعدادات الكنترول يونيت بتاعة الفيرنا ال 1600 مثلا أو الالنترا الشكل القديم عشان يطلع ال 106 أو ال 107 حصان و ده بيفرق معاهم في السحب طبعا لكن بيدمر الموتور بالبطيء و أكيد الشركه عارفه هي عامله اعدادات ايه بالضبط و هي أدري , بس انت عارف بقي الأجانب بيحبوا يلعبوا في كل حاجه ...
تحياتي لك .

حضرتك بجد شكلك خبره أوى :)
شكرا على المعلومات ده بجد