الموضوع: احسب ببساطة جمرك أي سيارة حسب سعة المحرك

المشاركة الأصلية كتبت بواسطة theaboos

نعمل حسبة بسيطة
الهيونداي النترا بره مصر ب 50 الف جنية
يكون عليها جمارك 30 الف
المفروض سعرها الفعلي يكون 80 الف
يقوم التاجر يحط 20 الف
كتير اوي ان التاجر يكسب 20 الف في العربية و دة حاجة مبالغ فيها
يعني من الاخر و الواحد بيتسرق من كل الجهات .................... ؟؟؟؟؟؟
حرام اللي بيتعمل دة

الالنترا في الامارات ب 40 الف بجد احنا بنستهبل في موضوع الجمارك

اللع يخرب بيتهم بجد مفيش بلد في العالم بتنزل كل الجمارك دي على العربيات هما عايزنا نركب جمال ولا إيه

المشاركة الأصلية كتبت بواسطة amru3

يا شباب بيكون كام جمرك سيارة متسوبيشي لانسر موديل 2008 تم تسجيلها 5 اكتوبر 2008 بمرور الامارت و انا مالك اول لها وسعرها 40000 درهم امارتي وقت الشراء (اوتوماتيك 1300 -زجاج و مريات كهرباء -سي دي ) وذالك عندما اود جمركتها بمصر بشهر نوفمبر 2010 عوز اعرف تقريبا كاااام ضروووري و شكرا علي الر مقدما :)

على حسب كلام الملحق التجارى فى سفاره مصر بالامارات ان العربيه اللى تتسجا من يوم 1-10 فى نفس السنه لا تخضع لتخفيض ال10% فى سنه 2008 وحاتتخفض ال10% من اول 1-10 -2009
بحسبه صغيره ال44000 =58300 بالمصرى ضرب 69% يعنى جمركها حوالى 40000 جنيه - 10% خصم تاريخ 1-10-2009 يكون 40 -4 =36000
وبما انك حاتنزل بعد 1-10-2010 حاتدخل فى تخفيض ال5% على كل سنه يعنى المبلغ حايقل 2000 جنيه كل سنه
نحسبها كده 40000-4000-2000=34000
وده تقريبا ممكن يزيد او يقل 1000 جنيه وماتسألش بتوع ايه انته فى مصر
ههههههههههههههههههههههههه ههههههههه

المشاركة الأصلية كتبت بواسطة lovelorn

السلام عليكم ,

انا أخويا عايش فى الأمارات وكنت قلتله يسألى على سعر الكيا بيكانتو أوتوماتيك هناك .. بس للأسف هو مش مهتم أوى بموضوع العربيات ده فا معرفش يجبلى مواصفات العربية فا قلتله بشوف ال brochure ويبعتهولى ..

المهم العربية هناك عاملة 31500 درهم يعنى حوالى 47000 جنيه ..

كنت عايز اعرف جماركها تكون كام ؟

وأزاى تتشحن من الشارقة لغاية ميناء الدخيلة فى الأسكندرية أو ميناء بورسعيد ؟

وهل هناك بشترى العربية بأسمه ولا بأسمى ؟

يا ريت اللى عنده خبره بالموضوع ده يفيدنى

اخى الكريم الكيا بيكانتو سعرها هنا + الجمرك حاتبقى اغلى من مصر او نفس السعر تقريبا
والعربيه لازم تكون باسم اخوك ويكون مر عليه اكثر من9 اشهر فى الامارات موش اقل
الشحن ماعرفش تفصيله لكن اللى اعرفه انه بيتكلف حوالى 2300 جنيه مصرى 1500 درهم

المشاركة الأصلية كتبت بواسطة fellacd

حاجة حيرتنى جدا جدا وأرجو من السادة خبراء نايل موتورز ان يشرحوا لى
قرأت اليوم 6 / 11 / 2009 فى ملحق أخبار السيارات لجريدة الأهرام أن قيمة الجرائم والضرائب على السيارة إلنترا 1600سى سى 2010 موديل 2010 هو 55الف جنيه وهو ما يعادل 61% من قيمتها
وفى نفس العدد كانت سعر الالنترا 92500ج
يعنى لو طرحنا 55000من 92500 يصبح الناتج 37500ج
أى أن سعر العربية هو 37500ج
ولو خصمنا مكسب الوكيل والتاجر يبقى العربية فى حدود 30 ألف
معنى كده إن الجمارك أكتر من 175% مش 61%
طب ازااااااااااااااااااااااا ااااااااااااى؟؟؟؟؟
ممكن حد يفَهِّمنى؟؟؟ ممكن؟؟؟

سعر النتر فى الامارات 45000 درهم =65000 جنيه*69% =44800 جنيه تقريبا ده لو حاتنزل فى نفس السنه وعند نزولها بعد 1-10 من نفس سنة الصنع بتشيل 10% من قيمة الجمرك وبعد كدا كل سنه تشيل 5%

المشاركة الأصلية كتبت بواسطة د.محمود صلاح

آسف على فتح الموضوع مرة أخرى , بس عندى استفسار ,


جمرك السيارة جراند تيريوس دفع رباعى يختلف عن ذات الدفع الثنائى ؟

وهل فيه فرق بين جمرك المانيوال والاوتوماتيك ؟

وهل فيه فرق بين جمرك اللى نازلة بجنوط الومنيوم عن اللى نازلة بجنط حديد عادى؟

شكرا جزيلا

بيحاسبك حسب السعه اللتريه للمحرك ومالوش دعوه بحاجه تانيه بس انته حسب ماشترتها خلى المعرض بيعملك فاتوره تانيه غير اللى انته بترخص بيها ووثقها من السفاره ويذكر فيها كل اوبشن العربيه وقبل ماتنزلها بتاخد ورقه من المرور فى الدوله اللى انته فيها بانك اول مالك للسياره وبتوثقه فى السفاره وتنزل وهو غصب عنه حايحسبك على السعر اللى فى الفاتوره بعد تحويل الريال القطرى الى جنيه مصرى