ان شاء الله هجربها واشوف وشكرا ليك على اقتراحك ده وياريت يطلع هو السبب
عرض للطباعة
مع احترامى لكل اراء الاخوة الكرام دة ياستاذ ظبط هواء خلى المكاينكى يظبط الهواء وهى لاهتبطل فى مطبات ولا ملفات
الموضوع ده كان بيحصل معايا علطول في عربيتي قبل المطب لما اهدي العربية تبطل او لما ادوس دبرياج
والميكانيكي غير بيك السلانسية والعربية اتظبطت .. جرب تغير البك وشوف
او هات البيك اللي في الكربراتير القديم وركبه مكان الجديد
ممكن يكون السرفو بتاع الفرامل هو السبب لو الكلام دة بيحصل كل ما تدوس فرامل ..ده احتمال اما الاحتمالات الباقية فهي بعيدة عن دورة الاشعال طالما العربية مظبوطة سلانسية وبتسحب معاك بدون تنتيش واقصد طبعا دورة البنزين والسبب ممكن يكون ان حد لعب في مستوي العوامة بتاعة الكربراتيروخلي مستوي البنزين قليل علشان توفر بنزين ودة محتاج مراجعة هيه دى الاسباب اللي ممكن تؤدي لكدة وطبعا مش ممكن امون دقيق الا بالفحص المباشر طبعا.. ياريت اكون افادتك
روح للميكانيكى وخليه يشوف بيك السلانسية
أنا أعتقد إن التاكيهات بتاع العربية مش مظبوطة...... لأن العربية لو بتبطل وهي باردة يبقى العيب بوجيهات أما لو ساخنة يبقى تاكيهات وبردة التاكيهات تخليها تبطل وهي باردة.... المهم إظبط التاكيهات عند ميكانيكي كويس لو مش هتعرف تعملها انت وبإذن الله تتحل المشكلة...
ارجح موضوع الموبينه
قصدك على مسمار الهواء
اعتقد لو الهواء مش مزبوط كانت هتبطل وهي بارده وهي وسخنه وهي واقفه برضو
بس ممكن يكون احتمالك صحيح
هاروحله بكره اشوف الدنيا فيها ايه
شكرا لمداخلتك
الميكانيكي فك الكاربرتير وطلع البيك ده ونفخه بالهواء ومشى فيه سلك رفيع والمشكله هي هي (ده اللي حصل قبل كتابة الموضوع ده مباشرة) قلت يبقى في اكيد عيب تاني
شكرا ليك
الكرابرتير ده اول مره نفكه المره دي والعوامة بتهيألي مزبوطه
بصراحة حاجة تحير مش عارف ابدا منين تاني الكرابرتير ولا البوبينة ولا السيرفو ولا ايه!
شكرا لمداخلتك
شكرا ليك شكل ده اللي هيحصل بعد اجماع بعض الاعضاء
شكرا ليك
هخلي موضوع التكيهات دي اخر حاجة بعد ما اتأكد من البوبينة وبيك السلانسيه
ده اختبار هعمله ان شاء الله في المشوار اللي جاي اول ماتبطل هحط عليها فوطه مبلوله ولو زبطتت هشيل البوبينه دي وارميها في الزباله
اما لو قدر الله مش زبطتت
يبقى هفك الكربراتير تاني واشوف البيكات كلها بالاضافة الى بك السلانسية
مكشفتش على البوجيهات الأربعه بالمره ليهاقتباس:
رحت فاكك بوجيه زي ما حضرتك قلت لقيته الحمدلله كويس وحرقه كويس ومش عليه اي لمعة زيت نهائي
علشان نشيل الأحتمال ده من توقعاتنا
بالأضافه الى أن كل اللى أتقال وارد أيضا
بس عاوزين نخلص على أحتمال أحتمال
لحد مانصد فى أصل العيب