الموضوع: التوكيل واسخلي الفرش, اعمل ايه؟

السلام عليكم,

النهارده للأسف روحت التوكيل فرع روكسي عشان اصلح المرايه بتاعه النيو سيراتو و اركب ريموت.

كالعاده يعني لقيت وساخه بسيطه كده في كذا حته في الكنبه و الكراسي بعد الاستلام , لكن الجديد المره دي هي ان كان فيه كف كبير كده في نص الكنبه واضح جدا خصوصا ان الفرش بتاعي فاتح.

قولتلهم ايه اللي انتو عملتوه في العربيه ده, طبعا بدات الحلفانات ان مش هم اللي وسخو الفرش و ان هو اللي كان كده! ثم سلسله من الاعتذارات و قامو منضفين الكف اللي في الكنبه ده بالفوم.

اخدت العربيه و مشيت دمي محروق زي ما بيحصل مع كل زياره لهذا التوكيل اللي لو حبيت اوصفه هخرج عن حدود الأدب, المهم دلوقتي بعد ما الفوم ده نشف لقيته تقريبا شال البقعه لكن هو نفسه ساب بقعه اكبر على الكنبه!!

انا قرفت والله مش عارف اعمل ايه؟

المشاركة الأصلية كتبت بواسطة beeso

بص إنت فعلا ممكن تروح تتخانق معاهم لو وقتك يسمح :) وممكن تشتري دماغك وتعمل موضوع الكار كير ده وفيه كذا مكان بيعملوا كده ومنهم بنزينة وطنية اللي في طريق المطار أنا جربتهم مرة من زمان وكأنو هيلين بصراحة بس غاليين شوية مش فاكر حاولي 100جنيه أو حاجة كده وبرده في اماكن تانية ممكن بقيت الشباب يدلوك عليها ونصيحتي هات فرش عشان تخلص

آه كان في موضوع برده على إزاي تعمل إنت كار كير بنفسك حضور عليه وسبلك اللينك بتاعته ومعلش الحمدلله إنها جت على قد كده

هو موضوع الوقت ده هو المشكله للأسف خصوصا انك ماينفعش تروح بليل, و بعدين انا عارف اللي هيحصل من غير ماروح, هيعودو يطبطبو علييا و يعتذرولي, و ياخدو العربيه ينضفو الفرش في بنزينة تعاون اللي لازقه في التوكيل, مش هاينوبني غير حارقة الدم و انا بصراحه عايز انسي الموضوع مش عايز اتعكنن تاني, كفايه امبارح, هاروح انا الوطنيه اللي انت قولت عليها اعمل الكنبه و خلاص.

المشاركة الأصلية كتبت بواسطة ghost1900

كار كير ده موجود فى محطات وطنيه وفى فى موبيل وفى مراكز كتير وبينظف زى برسيل مش أريال ههههههههههههههههه

هاروح وطنيه اعملها و خلاص, حسبي الله و نعم الوكيل في التوكيل الفاشل ده.

المشاركة الأصلية كتبت بواسطة mameen

تقصد اللينك دي
http://www.nilemotors.net/nile/129094-a.html

شكرا جدا على اللينك :)