رجة في الطلعة

**faron525** · 10-03-2010 12:11 AM

انا بحس ان العربية بتترج وانا طالع علي الاولاني وكمان بحس ان العربية بترعش وهي علي السلانسية ارجوكم حد يقولي العيب من ايه لان الموضوع ده مزعلني جدا عربيتي لانوس 2003 ومتشكر جدا مقدما

**romeo_6887** · 10-03-2010 12:16 AM

المشاركة الأصلية كتبت بواسطة faron525

انا بحس ان العربية بتترج وانا طالع علي الاولاني

كلمه بتترج تعني اسطوانه الدبرياج عايزه تتغير

وكمان بحس ان العربية بترعش وهي علي السلانسية

ممكن تكون البوجيهات او سلوكها او فلتر البنزين يكون مسدود او فلتر الهوا محتاج يتغير

**amrelsaqqa** · 10-03-2010 12:20 AM

ممكن تكون بلية الدبرياج

**SBkr** · 10-03-2010 02:17 AM

الرجرجة دي عندي برضة في طلعة الغيار الأول فقط لازم تزود للعربية وتسايس الدبرياش حبتين انا عندي حساس الشكمان عاوز يتغير لذلك بعتبر ان هذا هو السبب لكن الأسباب كتيرة غالبا لها علاقة بإنتظام الحرق وليس الدبرياش لأنها موجودة عنك اثناء التوقف كذلك اعمل نظافة شاملة للبوابة و أكشف علي الفلاتر والبوجيهات واسلاكها

**dr_mak** · 10-03-2010 02:58 AM

بوجيهات او اسلك البوجيهات او موبينة او فلاتر

احسن حاجة روح اعمل الصيانة بتاعتها (تغير فلاتر وسيور وبوجيهات)وشوف العربية عملت اية معاك

**SamerBassiouny** · 10-03-2010 08:46 AM

ديسك و اسطوانه علاطول بدون تفكير

**محمد الشامي** · 10-03-2010 09:09 AM

بالإضافه لكل أراء الاخوه الاعضاء الافاضل

انا كان بيحصل معايا نفس الموضوع والمشكله كانت في قواعد الموتور , (كلها كانت بايظه ) وكل اللي عملته اني اشتريت 3 قواعد بحوالى 140 جنيه (التلاته) وروحت للميكانيكي غيرهم والدنيا بقت زي الفل , والموضوع ده سهل تشخيصه , يعني خلي ميكانيكي يبصلك على القواعد بالنظر كده من اقرب مكان يقدر يوصله ولو لقى في شرخ او تأاكل في قاعده هيقولك انها بايظه .

اتوقع كمان ان تلف البليه وطقم الدبرياج بشكل عام ليه علامات , وكمان ليه اختبارات تقدر تعرف بيها اذا كان الطقم فعلا فيه مشكله ولا سليم

وبعدين حضرتك قولت ان حتى وهي واقفه على السلانسيه (بترعش) !! بص كده على القواعد وقولنا وصلت لإيه

**faron525** · 10-03-2010 11:10 AM

متشكر جدا يا جماعة علي تفاعلكم وردودكم بس انا كده تهت لاني سمعت اراء مختلفة يعني انا كده مش عارف العيب من الدبرياج ولا البوحيهات واسلاكها ولا قواعد الموتور مع احترامي الشديد لارائكم انا منتظر اراء الخبراء الباشمهندس / سمير عياد و الاستاذ /محمد ممدوح