إحساس رجرجة في الطلعة، يا ترى عيب ايه؟

**abo_hosni** · 10-09-2008 05:46 PM

السلام عليكم

العربية 504 Peugeot

لما آجي أطلع بالعربية على الأول ألاقي تقطيع كأن العربية بتتحرك قدام و وراء و بابقى دايس بنزين كويس و لما أسيب الدبرياج كله بيروح التقطيع
بيبقى ظاهر قوي لما أطلع بالعربية في الملفات زي مثلاً يو-ترن بيبدأ العجل يلف و يقف يلف و يقف يلف و يقف لحد ما اسيب دبرياج

أفتكر حاجة زي كده حصلت من سنتين كانت بتقطع و أنا محمل على الدبرياج و رحت بيها للميكانيكي عمل حاجة كده عند الكرونة و اتظبطت. بس ماعرفش عمل إيه بالضبط لأني ما كنتش باهتم بالتفاصيل أيام ما كان والدي متحمل مسؤلية المحروسة :)

يا ترى ده عيب إيه

**fahd_628** · 10-09-2008 06:09 PM

ممكن يكون عيب دبرياج

**thegreatnileman** · 10-09-2008 08:30 PM

فى الغالب ده طاقم الدبرياج محتاج تغيير

**blazer** · 10-09-2008 11:52 PM

فى حاجه اسمها الفلنشه دى بتخللى العربيه تعمل رجرحه كدا بره و كمان بين النقلات هى تحت الفتيس بلزبط
روح خللى ميكانيكى ينزل تحت العربيه و يقولك بايظه ولا لا (لو بايظه بتلاقى الكاوتش اللى فيها متقطع او مهترىء )

**abo_hosni** · 11-09-2008 12:52 AM

فهد ، رجل النيل العظيم :)
هو احتمال الدبرياج خاصة أنه ماتعملش فيه أي حاجة من فوق الـ 10 سنين بجد
و اعذروني أنا مش خبرة قوي فبحثت عن أعطال الأسطوانة و طريقة اختبارها و أعتقد أنها سليمة (بتبطل لما أطلع عالرابع مع فرامل اليد) و العربية بتسحب كويس و صوتها ما بيعلاش يعني مش بتفوت
و لما جربت أطلع بالعربية جامد بتأمرك من غير تقطيع

فهل في حاجة تانية غير الأسطوانة؟

بليزر :)
هاشوف موضوع الفلنشة ده. أهو على الأقل يبقى شكلي مثقف قدام الميكانيكي بكرة

معلش حيرتكوا معايا بس حبيت أستفسر من أصحاب الخبرة و الواحد يستفيد

**dream_man1110** · 12-09-2008 10:38 AM

باشا اتاكد ان قواعد الموتور سليمه . ممكن تعمل الرجرجه دى . خد رأيى فى الموضوع ده جرب تزبط كهربا و هواء و بنزين و شوف ايه الحياه

**hazem_khidr** · 12-09-2008 04:40 PM

قواعد الموتور ممكن تكون السبب

**mrghost** · 13-09-2008 06:51 PM

بص ياباشا زى ماقال الاخوه الافاضل ممكن طقم الدبرياج او الفلنشه اكشف عليهم

**abo_hosni** · 13-09-2008 06:56 PM

أشكركم جداً يا جماعة. مستني أخلص مشوار عابر للقارات بعد بكرة و أروح للميكانيكي أشوف إيه النظام

ملحوظة: بتبقى الرجرجة باينة قوي في المطالع. يعني لما تكون العربية واقفة في مطلع و آجي أطلع بالأول لحد ماسيب دبرياج

هاعرفكم النتيجة إن شاء الله

**dream_man1110** · 14-09-2008 04:05 AM

كده احنا بنلعب قبل ما نفكر فى طقم الدبرياج لانه كده الظاهر انه معترض ولازم يتغير جرب تزود كهربة العربيه و ان ظهر العيب هوه هوه بالذات فى المطالع يبقى طقم دبرياج لان