الموضوع: اللينيا إتكست يا جدعان

بصراحة ياريت فعلا تكون اوماترا اخرها 2010 .. كفاية عليهم iveco ده اخرهم .

بس المشكلة انك حتى لو قدمت شكوى .. و جمعت شكاوي .. هما كتوكيل سيارات على بعضه .. مش اسوء توكيل في مصر ...
ولكن التخطيط و التسويق ... ولا اسوء شركة قطاع عام !

ده في توكيلات سيارات صينية تعبانة ( مش ابو الفتوح ولا البافارية ) مهتمين اكتر من اوماترا .

لو اني عارف ان 90% من مشكلتهم هي " راس مال " .

لو في رجل اعمال او توكيل اخر يدخل معاهم شراكة زي ماحصل مع بيجوا مؤخرا ... حتفرق اوي .

انما حاليا باسلوب القطاعي ده .. و هات من هنا شوية و من هنا شوية .. مش حيكملوا و فيات ايطاليا صعبوها اكتر بصراحة على مصر ... باختفاء المحركات ال 1600 العادية المفضلة ... يااما تلبس فلوس اكتر علشان تجيب تربو .. .يا اما ترضى بال 77 حصان الغلابة ..

و النبي الي حيقولي 77 حصان ايطالي غير الكوري و العزم و الكلام العك ده الي بسمعه كتير هنا وبسكت .. حخزق عينيه ..

معايا عربية 16 صمام كمان و 83 حصان .. و زيها زي اي 83 حصان او اي سيارة من نفس الفئة و المحرك .. لا في عجبة في الطلعة و لا في سحر في العزم و لا في اختراق ارقام قياسية .

للاسف ... و انا زعلان جدا و انا بقول كدة ... سيارتي القادمة بالمنظر ده .. لن تكون فيات .. و لو كملوا كدة .. مش حنصح حد يشتري فيات في مصر حاليا .

احنا بعدنا عن موضوع الفرش خالص يا جدعان .. حد يعمل موضوع جديد نتناقش فيه .

المشاركة الأصلية كتبت بواسطة gemino

مشكلة اوماترا انها مجرد مشروع استثمارى بحت بحت بحت
يعنى الشيخ السعودى صاحب راس المال استثمر فى فيات مبلغ و لنقل 10 مليون جنيه
يبقى ييجى فى اخر السنة عايز ارباح و مكاسب الفلوس دى
يقوم الوكيل هنا يعمل قرد علشان يطلع مكاسب و يبين ان هو شغال و العملية تمام فى حين ان كل اللى بيعمله ده عملية وقتية يعنى ارباح وقتية زى اللى معاه قرشين كده و عايز مكسب سريع يروح البورصة (ايام زمان مش دلوقتى) و يوم و التانى و يبيع و هكذا
انما بص على الاستثمار فى مراكز الصيانة .......مافيش (الى الان اوماترا مالهاش مركز فى اسكندرية !!!!!!!!!!!!!!!!!!!!!!!!)
دعاية و اعلان .......مافيش
تخطيط طويل الاجل ....مافيش
سياسة واضحة و مستقرة.....مافيش
شخصية رئيسية فى الوكيل و اذان صاغية لاراء العملاء......مافيش

فيات عايزة رجل [gdwl]اعمال مصرى[/gdwl] و ماعندوش توكيل تانى يعنى فاضى لفيات و بس
لان و مع اول بادرة للخسارة او المكاسب القليلة الراجل السعودى حايقولهم كل واحد على بيته خلاص فضيناها و يجيب درفها
بالنسبة للموتور ال 1600
من الواضح ان كل اوروبا دلوقتى متجهة على ال 1400 و المنافسة حامية فى استخراج اعلى طاقة حصانية و عزم من الموتور ده

انا كمان متردد جدا اجيب فيات خوفا من ان التوكيل يقفل فى اى وقت بالاضافة الى اخطاء التسعير (علشان المكسب السريع الزيادة)



شوف يا باشا حاتعمل ايه و انا معاك لان انا بصراحة كمان مفروس منهم على الاخر

كلام صحيح و مختلفناش .

بس موضوع اوروبا كلها تتجه الى ال 1400 ده برده صحيح 100% بس الفكرة !

الشركات التانية .. اه بتتجه و بتطرح محركات اصغر بتربو او بتكنولوجيات اخرى ولكن في الدول الي مش محتاجة الكلامة سايبة المحركات القديمة بجانب الجديدة !

يعني عندك فولكس فاجن .. نفس سياسة فيات و اتبدا موضوع ال 1400TSI بس OPTIONAL يعمي في مصر الجولف 6 نزلت برده 1600 عادي و الجيتا 1600 عادي و الباسات 1600 .. ومع توافر محرك 1400 TSI للي عايز !

انما تخيل لو نزلوا الجولف و لا الجيتا 1400 سي سي 16 صمام - الي هو 85 حصان ..

حد كان حيشتري الجيتا ؟ ولا الجولف ؟ حاليا يعني ؟

و ده سبب برده اختفاء فيات من دول الخليج و السعودية والحاجات دي ... الي حيشتري فيات تربو هناك حيكون واحد مزاج وفاهم هو شاري ايه .. انما الي عايز عربية رخيصة او معتدلة السعر .. مش حيبصلها اصلا .

ودي مشكلة كبيرة جدا ..

انا شخصيا بنسبة 80% استقريت ان شاءالله ان سيارتي الجاية لن تخرج الى من كيا موتورز .
كفاية اوي بالنسبة لي الضمان ال 5 سنين , انهي موديل بقى او انهي سيارة لسة مش عارف .

حتقولي ليه ؟ اقولك عقدة نفسية بسبب اوماترا .

انا يمكن من اول الناس الي اشتروا سيارة من اوماترا اول مانزلوا اعلان 3 سطور في الجرنان في 2006 عارف الضمان بتاع عربيتي كان كام ؟؟؟

سنة كاملة ! يعني كاني شاري جزمة من محل Nike ولا حاجة D: