اسافر فورا بس لازم الفرصة تكون احسن بكتير من وضعى الحالى,,لو الفرصة على نفس المستوى او اقل,,,,, هضطر اسفا انى مسافرش.
(وخدوا بالكم من "اسفا" دى:))
عرض للطباعة
اسافر فورا بس لازم الفرصة تكون احسن بكتير من وضعى الحالى,,لو الفرصة على نفس المستوى او اقل,,,,, هضطر اسفا انى مسافرش.
(وخدوا بالكم من "اسفا" دى:))
السلام عليكم ورحمة الله وبركاته،،،
انا كنت كتبت زي قصيده كده عن الموضوع ده وحطيطه في المدونه بتاعتي:
المصريين دول غلابة أوي
ولا عارفين نعيش جوه بلدنا عشان ظروف البلد صعبه
ولا عارفين نعيش بره عشان بنحب بلدنا وأهل بلدنا والغربة مش نافعه
اللي عايش برة تعبان وعاوز يرجع
واللي عايش جوه تعبان وعاوز يطلع
واللي طلع تعبان
واللي رجع ندمان
http://maybemarsguy.blogspot.com/2007/05/blog-post.html
انتوا جيتوا والله علي الجرح.....
انا لسه بتنيل في الزفت التعليم.....و انا بصراحه من النظام اللي ياخد شهاده و احطها برواز في بتنا (ده لو اخدتها)
لأن اللي انا فيه ولا ديماغي....ولا عايز اشتغل بيه اصلا......
طيب والله انا لسه كنت بتكلم مع والدتي انهارده علي الموضوع ده.....
و قلتلها اني خلاص جايب اخري من كل حاجه و من التعليم اللي مش عايز يخلص ده.......
و عايز اسافر من الاخر.....و لو عرفت اظبط سفر دلوقتي ممكن اسافر و ابقي اعمل تأجيل للكليه و ابقي اكمل بعدين
انا واحد صاحبي هاجر امريكا من حوالي 7 سنين......
و بيقول لي اصلا عندهم المدرسه ذي الجامعه عندنا.......و مش لازم تخوش كليه ......
لأنهم بيتعلموا صح مش الهبل اللي احنا فيه ده.........
و سمعت شويه مرتبات تتعب.......و علي فكره امريكا مستوي المعيشه فيها مش عالي و لو حسبتها هتلاقيها يمكن اقل من عندنا كمان
غير فقط السكن هو اللي غالي......
بس طبعا ماينفعش اسافر امريكا لعده اسباب...اولها انه اصلا ماينفعش اخد فيزا من اساسه
انا عشت في السعودية و المانيا ...
و لو جتلي فرصة تانية اسافر برة مصر .. حعملها بدون اي تردد
و بصراحة ندمان ان احنا رجعنا
بس مقدرش اقول اني مبنبسطش هنا برده .. يعني عمري ماكنت انسى اول مااعرف من والدي ان احنا نازلين مصر .. اجازة !
و فعلا دي انسب حاجة لمصر ... انك تيجي اجازة في مصيف و تنزل القاهرة تقضي حاجة و تزور الاصدقاء و الأهل ... و شكرا !
الحقيقة كنت فاكر انى لوحدى اللى بافكر فى السفر والهجرة كمان ..!! لقيتة والحمد للة شعور عام !! يعنى كل الناس دى .. رغم انهم متعلمين وكمان مثقفين ومحترمين ..ودة واضح من مستوى المناقشات والمواضيع والردود .... ومعظمهم الفلوس مش مشكلتهم الأولى ... وطبعا فى ناس تانية غيرنا كتير برة المنتدى عندها نفس الشعور والظروف .. وكلنا مش عارفين البلد رايحة على فين ..!! وكلنا عايزين نضمن مستقبل احسن لاولادنا وحياة احسن من اللى احنا عايشينها دى .. يبقى الحل هو الهجرة الجماعية ..؟؟؟؟؟؟؟؟ ولا اية ؟؟؟؟؟؟؟؟؟؟
أحب أضم صوتى لصوت الأغلبيه ... لو جاتلى فرصه للعمل فى الخارج سواء دوله عربيه أو أجنبيه و إن كنت أفضل التانيه فلن أتردد ثانيه واحده و فى الأجازات ممكن أنزل مصر و أزور قرايبى و أصدقائى و شكرا أوى على كده
البلد علي كف عفريت..
اخوك جون
من مجرب مثلك.............الكلام ده صحيح ياجماعة...........وبعدين ينفع حد ميعجبوش ابوه وامة يقوم يروح لاب وام ثانية.لا طبعا ..لكن اكيد ينفع يشتغل فى بيت راجل وست تانية ويكون دخله عالى........بس هيكون دايما صغير فى عين اللى مشغلينه.........اللى مش عجباه البلد وبيحبها يحاول يغيير من نفسة ومن بعض مشاكلها ...............البلد دى من غير اهلها المحترمين هتكون غابة.........ترضوا مصر تبقى غابة ....
صدقوني مفيش احسن من مصر انت بره هتتبهدل و لو حصلك حاجه ملكش ديه اما في مصر انت برده هتتبهدل بس في بلدك و عارف اولها من اخرها اما بره انت حر نفسك
لو جاتلي فرصه اتعلم بره حاجه جديده و مفيده ماشي اما اطلع اشتغل و اتمرمط و كده استحاله
حضرتك ممكن تعيش بمرتبك على الاقل مستوى معيشي يضمن لك الاكل و الشرب
بره مرتبك اضعاف اضعاف هنا و مش هتعرف تعيش الاكل و الشرب يبقى لزمته ايه
طبعا مرتبك لوحده مينفعكش هتشتغل اضافي او تاخد كورسات تقدر ترفع مرتبك و تعيش حياه افضل
بره <من وجه نظري > ملوش لزمه بمعنى اصح مصر اولى بينا
بس لو الحياه ضاقت عليك جوة مصر فارض الله واسعه و الارض كلها ارض الله هاجر و متملش حسابك في الرجوع لو بلدك ضيقه عليك
طبعا عارفين لميس جابر مؤلف مسلسل الملك فاروق قالت لو شاب الوقتي جاتله فرصه في اسرائيل و مرحش يبقى غلطان انتوا ايه رايكم
طيب ايه ديتنا في مصر ؟اقتباس:
صدقوني مفيش احسن من مصر انت بره هتتبهدل و لو حصلك حاجه ملكش ديه اما في مصر انت برده هتتبهدل بس في بلدك و عارف اولها من اخرها اما بره انت حر نفسك