كلامك مضبوط 100% و انا برضه كنت بره و فكرت بنفس تفكيرك و د من لاسباب اللي رجعتني رغم اني كنت عايش و الحمد لله كويس
عرض للطباعة
أنا مؤيد تماما لكلام أ محمد المصري وأ كاسبر وغيرهم من اللي قالوا الواقع اللي أحنا عايشينه في الغربه بأمانه ووضوح أنا بقالي سنتين في السعوديه مدير فندق 4 نجوم وفي مميزات كتير كويسه بس بندم أشد الندم أني سبت بلدي وجيت هنا بس حاطط في أعتباري أن المسأله مسألة وقت بجمع فيه قرشين وبكسب خبره لكن بعد كده إن شاء الله راجع لحبيبتي الغاليه مصر وكل يوم بيعدي عليا هنا بيتأكد لي أني فعلا لازم أرجع وماستقرش هنا
ياراجل دا العيد مالوش طعم واللللللله ولا رمضان ولا أي يوم بتعيشه هنا مابتحسش بيه قاعد أعد الأيام مستني أرجع بلدي
أصحابك والقهاوي الحلوه وروح الناس الطيبه البسيطه مش اللي رافعين راسهم في السما وكأننا عبيد عند اللي جابوهم ....
حتى السعوديين اللي راحوا مصر أجازه بيقعدوا يتكلموا معايا ويقوللولي إمت تخلص السنه بقى عشان الواحد ينزل مصر شويه
نصيحه من أخوكم : الغربه قطعه من جهنم
إذغ كنت هتسيب مصر عشان الماده وبس ماشي بس حط في أعتبارك أنك هتقغد فتره وترجع بدون أستقرار بدل مالأيام تجري وبتبص تلاقي نفسك لا عارف تعيش هنا ولا قادر تعيش في مصر
وعلى رأي شيرين : يمكن ناسي لأنك فيها ... مش وحشاك ولا غبت عليها
بس الي مجرب وفارقها ..... قال في الدنيا مفيش بعديها
أنا أعيش فى مصر على الرغم من كل العيوب
أنا بحب مصر و هأفضل أحب مصر و الناس فى مصر و بأذن الله مفيش حاجة تخلينى أسيبها و أسيبها لية ؟
علشان فى فساد ؟ برة يعنى مفيش فساد ؟
علشان الفلوس ؟ فى ناس رجعت من برة زى ماراح زى ما حة ؟ ( و فى ناس رجعت أحسن من الاول بكتير بردة )
أنت هنا مع أهلك و ناسك يعنى يكفى أنك يوم ما يحصلك حاجة هتلاقى مليون واحد واقف جمبك - واللى هتلاقى واقف جمبك دة هو واقف علشانك أنت مش علشان فلوسك و لا عربيتك و لا منصبك شفت الحادث اللى حصل للاستاذ / محمد ممدوح و الناس اللى واقفت جمبة و هى متعرفهوش تتفتكتر الناس دى وقفت جمبة لية لانة أكيد انسان محترم و بيحب الناس مش علشان أنسان غنى و لا صاحب منصب و بردة علشان الناس دى مصريين .
يكفى انى عايش فى بلدى وطنى لكن لو سافرت برة مهما قاعدت و مهما حاولت أنك تكون زيهم بردة أنت مش منهم . و هيجى اليوم اللى هترجع فية بردة .
المشكلة هنا بردة أنهم مثلا فى الجرايد تلاقى صفحة للحوادث و طبعا دى مش بتبقى أخبار سعيدة . و تلاقى و احد صاحبك بردة جاى يحكى عن مش عارف اية الى حصل هنا و اية اللى حصل هناك و بردة مش بتبقى أخبار سعيدة .
لكن أوكد لكم أن الخبر أكتر لكن عمر ما هتلاقى حد يتبعة لان الخير هو الاساس و الشر أو الحوادث هو الاستثناء .
لو كل واحد بس يعدل شوية من نفسة و الكلام دة ليا أولا ممكن نقول حالنا هيتصلح لكن مثلا هاقول ياريت يا جماعة محدش يجرى بالسيارة ويتعدى السرعات القانونية و أنا طول عمرى بجرى يعنى نبص لنفسنا الاول و بلاش نبص على غيرنا و ربنا هيصلح لينا الحال جميعا أنشاء الله .
و أسف أنى طولت عليكم - لكن أنا بحس أننى وسطت أخواتى وأنا بتكلم معاكم و علشان كدة مش عايز أخواتى يسيبوا البلد و يسافرو .
بردة بحب البلد دى و هفضل أحبها
أنا طبعا بحب مصر وهي بلدي أولا وأخيرا
بس أنا طول عمري عايش بره وإضطريت أنزل مصر للدراسة الجامعية وراجع تاني فور إنتهائي من التجنيد
وأما كنت عايش بره وبنزل أجازات كنت شايف الحياة في مصر فلة شمعة منورة لكن أما استقريت هنا لقيت إن الحياة في مصر جميلة قوييييييييييييييييييييييي (طبعا إنتو فاهمين قصدي)
يعني لو باخد بره ربع إلي باخده في مصر أكيد حطلع وأنا بقول الكلام ده عن تجربة العيش هنا وبره يعني مصر حلوة جدا كأجازات شهرين في السنة أما غير كده صعب
ده كفاية موضوع جمارك العربيات إلي عشان الواحد يجيب أكورد يدفع 247% جمارك ده إفترى!!!!
لمصريين دول غلابة أوي
ولا عارفين نعيش جوه بلدنا عشان ظروف البلد صعبه
ولا عارفين نعيش بره عشان بنحب بلدنا وأهل بلدنا والغربة مش نافعه
اللي عايش برة تعبان وعاوز يرجع
واللي عايش جوه تعبان وعاوز يطلع
واللي طلع تعبان
واللي رجع ندمان
+111111111111111111
واللة ياخى حندك حق وانا محتار اعمل اية ومعاية اربع اطفل وعندنا جنسية كندبة بس رجعتهم علشان نعيش فى مصر انما الحياة هنا همجية خـــــــــــالص
بعد السلام اهم الاسباب التى تدعو لواحد انه يسافر فى راى همه المصريين انفسهم وليس البلد المظلومة معاهم االى اسمها مصر وعلى فكرة الاسم ده ذكر فى القراءن (مصر) كلها ولم يذكر ولا دبى ولا امريكا ولا حتى السعودية قصدى الدولة وليس مكة المكرمة المقدسة لدى الناس جميعا, والرسول لما ذكر المصريين بالخير وقال خذوا منهم جندا كثيرا وكمان فى حديث اخر استوصوا باهل مصر خيرا فانه والله اعلم كان يقصد المصريين القدماء الذى لم يدخل فيهم العرق العربى بعد وعلى ذلك اتضح تاخر مصر منذ اصبحت دولة عربية فقط وليست اسلامية لان مفهوم الاسلام يشمل بداخله جميع الديانات الاخرى وان الدولة الاسلامية عندما كانت قائمه كانت تحوى دول عدة مثل الصين وروسيا واسبانيا واضافوا للاسلام كما اضاف الاسلام لهم مثل العلماء الكثر امثال البخارى وغيرهم والذى جمع هؤلاء الحضارة الاسلامية .والعرب لم يكن لهم قبل الاسلام اى اسهامات جبارة فى تاريخ الحضارات وان مفهوم الانسان العربى ظهر بظهور الاسلام الجليل معلش انا طولت فى الكلام ولكن قصدى من الموضوع انى ما شفتش حد بيشتم نفسه زينا ويقول شعر فى اى حته راحها حتى لو كانت جزر القمر والسبب الوحيد انى مفهيش مصريين اقضد اللى موجدين دلوقتى لان معظمهم مينفعش يطلق عليه اللقب الكبير ده لو قلبت فى الجرايد ومواقع الاخبار هتلاقى دول فى اوروبا كتير فيها بلاوى وفى اسيا ويمكن مشابهة لماشكلنا لكن الفرق انهم بيفكرول يحلوها مش مستنين الفرج وفى الاخر نقول هى دى مصر ولاعزاء الا لمصر.(ملحوظة) اعتذر عن وجود اى اخطاء فى نص الاحاديث المذكورة واى خطا بدون قصد)
أنا هاحكيلكوم موقف غريب جدااااااااااااااااااااااا ااا.
أنا خالي شغال ضابط شرطة وطلع مأمورية مع فوات حفظ السلام التابعة للإتحاد الافريقى الموجودة في دارفور في السودان.المهم ان هو اتنقل من دارفور للعاصمة الخرطوم من حاوالي 5 شهور.وأخر مرة نزل فيها مصر قبل العيد قالي انت لازم تيجي السودان تشتغل.قولتلوا لأ طبعا أروح السودان ليه يعني هي بلاد العالم خلصت خلاص:) وكمان أنا عندي شركتي في مصر وشغالة الحمد لله ممتازة ومش محتاج أصلا أسافر.قالي طيب تعال يومين بس زورني واقعد معايا.المهم الموضوع لعب في دماغي وفعلا قررت أني أخود اسبوع زيارة لخالي ده وخالي التاني في الامارات.وفعلا سافرت الجمعة اللي قبل اللي فاتت طلعت على الامارات 4 أيام وطبعا للناس اللي عارفة الامارات عارفين ان 4 أيام يلففوك الامارات كلها وكمان تنام يومين::d:d:d .
وركبت الطايارة ووصلت السودان فعلا وهنا بقى كانت المفاجئة:
البلد هنا ممتازة في كل حاجة وأهلها بقى مشكلة بجد.أقسم بالله العظيم أنا من يوم ما جيت هنا وأنا مش عاوز أرجع تاني خالص ومشش حاصص بأي نوع من الغربة ولا أي فرق عن مصر.والله العظيم الناس هنا من كتر حبهم للمصريين وعشقهم ليها ولأهلها مش بيرده ياخدو مني فلوس.وااله كذا تاكسي وسوبرماركت مايردوش يحسبوني عشان أنا ابن شمال الوادي(الاسم الحركي لمصر في السودان).
المهم أنا عاوز أقولكم اني كنت رافض السفر تماما لأسباب الغربة وان معظم البلاد بيعملونا وحش جدا كمصريين كأننا فعلا شغالين عندهم والبلاد الأجنبية بعملونا وحش عشان مسلمين.بس الوضع هنا في السودان مختلف تماما وفعلا مش حاسس بغربة لدرجة اني بقالي اسبوعين هنا وقررت أني هفتح فرع للشركة هنا وفعلا بدأت الاجرائات من يومين وكمان والدي هايجي يفتح فرع لشركته هو كمان أخر الشهر.
اختصار الموضوع ان في بلاد لما تروحها متحسش بالغربة ولا بأي مشاكل في سفرك ليها.
محدثكم من السودان.
أرجو التدخل من الإدارة