سعر المكنه الميتسوبيشى 1600 اوتوماتيك موديل 2000 بكام ؟

**HeMa_LanCeR** · 26-03-2010 11:15 AM

المشاركة الأصلية كتبت بواسطة skybird

اسأل يا هيما على السعر
احيانا السعر هو اللي يخلي الواحد ينوي او يخليه يكنسل
انا عايز اعرف برضو ثمن موتور 1600 اوتوماتيك ينفع للكريستالة
تاعبينك معانا يا باشا

معلش ياباشا انا اتلغبط وكنت فاكر صاحب الموضوع عايزه للبومه مش للكريستاله
لكن لو ال 1600 للكريستاله بيعمل حوالي 4000 بالتركيب بكل حاجه

**maro2007** · 26-03-2010 07:01 PM

شكرا ياهيمه على الرد
بالنسبه للموتور هوه واحد كامه ولا اتنين
و 4000 هياخد الموتور بتاعى
ولا 4000 من غير الموتور بتاعى

**HeMa_LanCeR** · 26-03-2010 07:34 PM

المشاركة الأصلية كتبت بواسطة maro2007

شكرا ياهيمه على الرد
بالنسبه للموتور هوه واحد كامه ولا اتنين
و 4000 هياخد الموتور بتاعى
ولا 4000 من غير الموتور بتاعى

الموتور ال 1600 بيكون واحد كامه وهياخد الموتور بتاعك
ولو عايز 2 كامه يبقي تاخد ال 1500

**dr-mohamed** · 27-03-2010 09:15 AM

المشاركة الأصلية كتبت بواسطة maro2007

بالنسبه للاخ الى بيستخف دمه سورى دمك تقيل بجد

ماعلينا لازم كل منتدى يكون فيه كده

المهم الناس الحلوه فين هوه مفيش حد عارف ولا ايه دا احنا فى نايل موتورز اكبر منتدى مصرى

المشاركة الأصلية كتبت بواسطة mohamed_rhem

+11111111111111111111

ده معناها انا كمان عايز اعرف

الرجل مغلطش

المشاركة الأصلية كتبت بواسطة a7med_pharma

+1111111111111111
كلام تمام

ده معناه إن الراجل عاوز يعرف نفس المعلومة ..وإنت كده-أدباً- مدين له بإعتذار
..
على ذكر الانسر 2000

شوفت عربية لانسر في ميت غمر موديل2000
العربية تحفة بكل معنى الكلمة ..فابريكة مصنعها بره وجوه
وماشيه حاجة وسبعين ألف كيلو
ومفيش فيها الهواااااا
كانت جامدة جامدة جامدة
وكأنها - تقريبا - خرج المعرض
مفيش فيها دقة شاكوش واحدة ..مع بعض الخرابيش طبعا بحكم الزمن
ولونها فضي
وصالونها كمان خرج مصنعه
وكانت معروضة بـ58 الف
.

فارما باشا خائن الجميع والمنهزم والهارب من الحرب الشنورية الكبري منور
بص ياباشا نصيحة اخوية سيبك من العربية عاملة كام الف كيلو دي لانى اكتشفت ان سهل جدا تتغير
طب ازاي ؟؟؟؟؟؟؟؟
اقولك
انا عربيتي كانت عاملة 105 الف كيلو لكن العداد بتاعها مفيبش فيه ار بي ام رحنا انا واخونا الرهيب هيما لانسر اشترينا واحد تاني من الحرفيين فيه الار بي ام لكن الكيلو متر بتاعه عامل 205 الف يعني ممكن العكس يتعمل تبقي العربية عاملة لها 300 ال ولا 400 الف ويتغير العدادات بتاعتها وترجع تعمل 60 الف
المهم حالة العربية
اما ان العربية مفيهاش خدش والفرش بتاع لامصنع فعادي بردو هي رشة نضيفة جدا عند صنايعي فاهم بيعمل ايه وتجديد للفرش وترجع العربية كانها زيرو
وعندك هيما لانسر هات له عربية معفنة يسلمها لك فبريكة

المشاركة الأصلية كتبت بواسطة maro2007

ولا يهمك يا shady333 ما محبه الا بعد عداوه
وبالنسبه للعربيه الى حضرتك شوفتها 53 الف كويسين قوى لو بنفس المواصفات دى
المهم بقى ايه هوه مفيش حد عارف ال 1600 بكام ولا ايه؟

منفيش عداوة هنا في ميتسوبيشي بس فعلا انت اتسرعت ونصيحة متتسرعش تاني علشان متخسرش الناس من غير سبب
واهلا بيك معانا

المشاركة الأصلية كتبت بواسطة shady333

لا و يهمك
بس نصيحة لوجه الله بلاش التسرع فى الحكم على الناس مش اكتر

و متشكر جدا للرجالة الجدعان و الذوق اللى دافعوا عنى

و على فكرة انا لسة شايف الردود دى انهارده
و انا فعلا كتبت كده عالشان عاوز اغيير الماتور بتاعى 1300 اوتوماتيك بحاجة تجميعها احسن بس مش عارف التكلفة كام و اروح لميين و ازاى اعرف ان الماتور ده كويس و الا وحش عالشان بيتهيالى الحاجات دى مش هتبان الا مع الاستعمال و الموضوع ده صعب فيه التجربة نظرا للوقت و المجهود اللازم لعملية التسقيط
شكرا للجميع

والعافون عن الناس والكاظمين الغيظ
انت حد محترم يا شادي