الموضوع: عيد ميلاد نايل موتورز الثالث 23 ابريل بالاسكندريه الدعوه عاااااااااامه

المشاركة الأصلية كتبت بواسطة جمال

فكرة ممتازة با باشمهندس خالد من ناحية المبدأ


بس ................. مش لو اتبقى حاجة

داحنا منظرنا فى الاكل زى اللى طالعين من مجاعة
ده المرة اللى فاتت كانو هياكلوك انت و بحرى ( وانا منهم )

دانا كنت محوط على عكاز غازى علشان يعرف يروح

هههههههههههههه..... ربنا يباركلك يا استاذ جمال... كنت هتاكل انا و العكاز


بس فعلا فكره ممتازه يا ابورقيه, و صدقوني مهما قلنا جعانين و متخيلين اننا ممكن
ناكل ديناصور مشوي على الفحم, إلا انه هيتبقى اكل بردو و ممكن جدا يكون كتير

يبقى اقتراح أبو رقيه ممتااااز جدااا, و بدل الأكل ما يترمي, ناخد بيه ثواب...

أنا عن نفسي مواااااااافق يا خالد باشا...

المشاركة الأصلية كتبت بواسطة nakkash

إخوانى الأعزاء خالد أبو رقية ومحمد شنورى والدكتور / أحمد بحرى الناس اللى بتتعب جداااا عشان تجهزلنا كل حاجة من أكل وشرب وحلو وشاليه وناقص كمان يروحوا كل واحد لبيته .
اسمحولى اولا أشكركم على المجهود الرهيب اللى بتعملوه فى كل مقابلات المنتدى فى اسكندرية واللى اكيد بيظهر فى مستوى التنظيم
ثانيا : فى اقتراح مهم وارجو من كل الأعضاء اللى هيشرفونا فى عيد ميلاد المنتدى انهم يتجاوبوا معايا عشان نحاول نساعد اخوانا اللى بينظموا المقابلات وساعات كتير بيتحملوا مبالغ مالية كبيرة من جيبهم الشخصى فأنا وبعد عدة مقابلات بقترح على شنورى انه بعد ما يتحط ميزانية تقريبة للمقابلة و فى اعتقادى هتكون بمتوسط 100 جنيه أى عضو من الأعضاء المحترمين عايز يحضر المقابلة هيقوم بتحويل المبلغ عن طريق مكتب البريد لمحمد شنورى أو خالد ابو رقية ويكون اخر معاد لتحويل المبالغ يوم 19/4/2010 عشان يقدروا يحجزوا السمك اللازم للمقابلة ويتفقوا مع مطعم انه يحضر السمك فى شكل وجبات كل فرد وجبة ويحجزوا كمان تورتة عيد الميلاد اللى هتحتاج انها تتحجز قبل المعاد ب يومين على الأقل ولأن من خبرة مقابلات سابقة فسامحونى فى ناس كتير قوى بتقول انها جاية وما بتجيش وبيتعمل حسابها فى اكل وحلويات وفى الأخر الحاجات دى بتترمى وبيتحملها ناس مالهمش اى ذنب وعلى أى حد من الاعضاء المحترمين لو حب ييجى يوم المقابلة من غير ما يكون حول الفلوس فى الوقت المحدد انه ومع بالغ اسفى هيكون مسئول انه يتغدى بمعرفته .
انا اسف ممكن يكون كلامى حاد شوية بس فعلا الناس اللى هناك دى ما تستاهلش اننا نبهدلها ونخليها كمان تتحمل فلوس من جيبها ويصحوا من الفجر يروحوا يشتروا سمك و ينضفوا ويشوو وبعدين وهما جايبين الأكل ناس تفتكر انها عايزة تاكل سمك فيرجعوا تانى ويجهزوا وفى الأخر تقريبا ما قعدوش معانا ساعتين على بعض .
فأرجو اننا نتعاون مع بعض عشان نخرج المقابلة فى احسن صورة وما نرهقش الناس اللى بتستضيفنا عندهم أكتر من اللازم وكل سنة ونايل موتورز بخير .

كلام في منتهي العظمة و اضيف عليه انه لازم يتحدد ميعاد نهائي للحجز و ليكن مثلا يوم 16/4 حتي يتسني حجز الشاليه و حجز الوجبات و لازم يكون العدد النهائي معروف قبل المقابلة بوقت كافي
يعني المفروض ان يتم الاعلان من دلوقتي للي عايز يحجز حتي يوم 16 و مش حينفع اي حد يحجز بعد الميعاد ده عشان المسألة تكون متنظمة كويس

المشاركة الأصلية كتبت بواسطة borgelharm

يعني المفروض ان يتم الاعلان من دلوقتي للي عايز يحجز حتي يوم 16 و مش حينفع اي حد يحجز بعد الميعاد ده عشان المسألة تكون متنظمة كويس

مينفعش خالص خالص
لان محدش ضامن ظروفه

المشاركة الأصلية كتبت بواسطة eng.mostafa mahran

مينفعش خالص خالص
لان محدش ضامن ظروفه

و الله ده كان مجرد رأي انا شايف انه صح للاسباب الاتية
اولا : فيه حجز شاليه و ده لازم يتم قبلها بأسبوع علي الاقل
ثانيا: تحديد العدد النهائي حتي يتم ترتيب عدد الوجبات و مقاس التورتة
ثالثا : حتي لا يكون هناك فائض كتير في الاكل لان فيه ناس كتير بتقول انها جاية و ميجيش و بيكون اتعمل حسابه في الوجبة فده بيكون علي حساب المنظمين للقاء و طبعا كفاية انهم تعبوا و نظموا يبقي كمان يدفعوا من جيبهم

المشاركة الأصلية كتبت بواسطة nakkash

إخوانى الأعزاء خالد أبو رقية ومحمد شنورى والدكتور / أحمد بحرى الناس اللى بتتعب جداااا عشان تجهزلنا كل حاجة من أكل وشرب وحلو وشاليه وناقص كمان يروحوا كل واحد لبيته .
اسمحولى اولا أشكركم على المجهود الرهيب اللى بتعملوه فى كل مقابلات المنتدى فى اسكندرية واللى اكيد بيظهر فى مستوى التنظيم
ثانيا : فى اقتراح مهم وارجو من كل الأعضاء اللى هيشرفونا فى عيد ميلاد المنتدى انهم يتجاوبوا معايا عشان نحاول نساعد اخوانا اللى بينظموا المقابلات وساعات كتير بيتحملوا مبالغ مالية كبيرة من جيبهم الشخصى فأنا وبعد عدة مقابلات بقترح على شنورى انه بعد ما يتحط ميزانية تقريبة للمقابلة و فى اعتقادى هتكون بمتوسط 100 جنيه أى عضو من الأعضاء المحترمين عايز يحضر المقابلة هيقوم بتحويل المبلغ عن طريق مكتب البريد لمحمد شنورى أو خالد ابو رقية ويكون اخر معاد لتحويل المبالغ يوم 19/4/2010 عشان يقدروا يحجزوا السمك اللازم للمقابلة ويتفقوا مع مطعم انه يحضر السمك فى شكل وجبات كل فرد وجبة ويحجزوا كمان تورتة عيد الميلاد اللى هتحتاج انها تتحجز قبل المعاد ب يومين على الأقل ولأن من خبرة مقابلات سابقة فسامحونى فى ناس كتير قوى بتقول انها جاية وما بتجيش وبيتعمل حسابها فى اكل وحلويات وفى الأخر الحاجات دى بتترمى وبيتحملها ناس مالهمش اى ذنب وعلى أى حد من الاعضاء المحترمين لو حب ييجى يوم المقابلة من غير ما يكون حول الفلوس فى الوقت المحدد انه ومع بالغ اسفى هيكون مسئول انه يتغدى بمعرفته .
انا اسف ممكن يكون كلامى حاد شوية بس فعلا الناس اللى هناك دى ما تستاهلش اننا نبهدلها ونخليها كمان تتحمل فلوس من جيبها ويصحوا من الفجر يروحوا يشتروا سمك و ينضفوا ويشوو وبعدين وهما جايبين الأكل ناس تفتكر انها عايزة تاكل سمك فيرجعوا تانى ويجهزوا وفى الأخر تقريبا ما قعدوش معانا ساعتين على بعض .
فأرجو اننا نتعاون مع بعض عشان نخرج المقابلة فى احسن صورة وما نرهقش الناس اللى بتستضيفنا عندهم أكتر من اللازم وكل سنة ونايل موتورز بخير .

استاذ احمد , واحشنى يا ريس من اخر مقابله والله :)

فعلا كلامك كله صح وموضوع الحجز المسبق ده ميزعلش وفى نفس الوقت يخلينا نريح الناس المنظمه شويه وصدقنى بيبقى حافز لناس كتير متردده انها تحضر وحافز للناس اللى زى انها تزوغ من الشغل

المشاركة الأصلية كتبت بواسطة nabilhussein

استاذ شنورى / على فكرة يوم 16/4/2010 ماتش الاهلى والزمالك ... مش عارف ايه الوضع

نبيل باشا اتفرج علي الماتش براحتك خالص لان المقابلة الجمعة اللي بعديها و ان شاء الله الاهلي كالعادة كسبان