الموضوع: ارجو الافاده فى كيا سيفيا مو 1995

كامله لسه مشدوده جنوط اسبور رايقه جدا كارباراتير مش انجكشن
ايه عيوبها واخبار قطع غيارها وطالب فيها 35000 اشتريها ولا

شوف يا باشا انا بيعت عربيتى من 3 شهور ب 34 الف جنية و دة اكتر سعر جالى فيها لكن عربيتى كانت نظيفة يعنى دواخل فابريقة عاملة 135 الف كيلو متر فقط حالة الصالون الداخلية ممتازة مفيش شروخ و تكسير فى التابلوة جنوط سبور فوانيس الفابريقة امامى و خلفى بدون تكسير بعد الكشف عليها فى محطة البنزين كانت حالة الموتور 75% و ترشيح زيت من علبة الدريكسيون و سوء حالة كويتش الكبالن اما بخصوص قطع الغيار فليست مشكلة عويصة و ليست غالية انا جبت العربية زيرو وفى خلال 12 سنى غيرت كبالن بمنتهى السهولة و غيرت مساعدين امامى بسهولة اما الخلفى مكانوش موجودين انتظرت حوالى شهرين و التاجر جابهم لى ومش غاليين وغيرت طرمبة المية و طبة المية و كاوتش المقصات و رلمان بلى الدينامو باسعلر عادية جدا و متوفرة نصيحتى الشخصية لا اعتقد بوجود سيارة بحالة سيارتى الى بيعتها و ان وجدت فسعر السوق للسيارة النظيفة 30 الى 33 الف و لو كانت حالة شاذة ادفع الف او الفين بالكتير ملحوظة عربيتى كانت او يد و لم تتعرض لاى حوادث مطلقا باستثناء بعض الخبطات العبيطة عاى الواقف