الموضوع: طلب تسعير لأونو 94

محتاج رايكو فى عربية اونو مو 94 فابركة برة و جوا و فيها تكييف , ماشيا حوالى 200 الف و لسة مغمولها عمرا من كام شهر , فيا شوية تظبيتات من برة و فوانيس اشارة, سعرها كام و اية رايكو فيها .و ها الاونو 94 بتنزل بتكييف ولا دا متركبلها.

بص انا بتاعتي فيها تكييف و قبل ما يبوظ كان ممتاز بليل و الصبح كان معقول مش سئ لو العربية بتجري

بيأثر في السحب في الأول بس، بعد كدة كويس و مش بتحس بية قوي يعني

و هو مش بيتعب الماتور قوي يعني زي ما أنت متخيل في النهاية التكييف تأثير كأنك مركب واحد معاك زيادة يعني و ربما اقل

بس العربية اللي بتقول عليها دية ماتورها ماشي كتير قوووووووي الصراحة و سيبك من حكاية هي ماشية قد اية لأن جايز تبقي ماشية كتير بس صاحبها محافظ عليها و خادمها في الصيانة، برضة اكشف عليها كويس

و لعلمك هي في الغالب مش إيطالي لأن الإيطالي أخرة 93، دية حتلاقيها بولندي

يعني لازم تبقي عامل حسابك انك شوية و حتفكر تسقط ماتور، و ميزة الأونو أن التسقيط بالنسبة ليها مش مش مكلف قوي، يعني ممكن تركب الماتور الـ 1300 سي سي اللي هو 75 حصان و دة علي الأونو حيبقي طلقة بالكتير بـ 3000 جنية

و للعلم الماتور دة تقريبا زي ماتور الريجاتا و قطع غيارة علي قفا من يشيل متقلقش و يمكن في بعض الحاجات ارخص من الألف سي سي كمان