الموضوع: كيا سيراتو ام رينو فلوانس

اه لو الباسات الى فى مصر زي الى انت حاطت صوريتها بص على الباسات الى عندنا وانت تفهم قصدى وطبعا فى اى عربية تانية مش الباسات بس . وصراحة كأعادة بيع سيئة جدا انا ولدى كان جيبها خليجى ( بجدج 5) كانت تقريبا 262 الف ولما حاولت اسعرها تخيل جابت 168 الف يعنى 100 الف تقريبا خسارة .... يعنى عربية زى دى لازم ادبس فيها مش اقل م5 او 6 سنين علشان مزعلش لما اعبيعها وبصراعه هى كانت عيزة بقى 2000 cc كانت هتفرق جامد لان الى معايا 1600 مش ال 1400 تربو .

المشاركة الأصلية كتبت بواسطة bukla

انا قولت كدة لاسباب كثيرة قوى اهمها ان الاوروبى ميجبش انة يتقارن بالكورى لسة شوية عليهم علشان يقدروا ينافسوا الاوروبى و ممكن يكون اخرها علشان ان انا ناوى اجيبها
لكن ممكن اقولك بعض من الاسباب لو تغاضينا عن السبب السابق وانا قولك بس الحاجات اللى فى الفلوينس مش موجودة فى السيراتو
اولا الامان فى الفلوينس
1- 6 وسائد هوائية
2- اسفل العربية مصفح من الامام حتى منطقة الفتيس و من الخلف حتى قبل مكان الفتيس
3- الاضائة زينون اتوماتيكية التوجية بمعنى ان الكشافات تتحرك تلقائيا على حسب اتجاة العربية يمين او يسار اعلى او اسفل
4- الصاج محمل انا حسيت بكدة و انا شايل الكبوت بتاع العربية حسيت ان صاجها مخدوم
5- مساند الرأس الجيل الرابع من مساند الرأس يمكن ضبطة فى اربعة اتجاهات لحماية الركاب
ثانيا الرفاهية
1- التكييف بيقسم الصالون لمنطقتين الخلفية و الامامية كل منطقة ممكن تكون ليها درجة حرارة مختلفة عن الاخرى
2- مثبت سرعة متطور بالاضافة الى محدد للسرعة لما تظبطة على سرعة معينة مهما تدوس على دواسة البنزين العربية لن تتجاوز السرعة المحددة
3- ستائر خلفية للزجاج الخلفى و الابواب
4- الشنطة مساحتها 530 لتر و تعتبر اكبر مساحة فى فئتها
5- الصالون رحب جدا و يسع لخمس افراد بالغين
6- نعومة العفشة ممتازة بالاضافة الى ان ابعاد العربية الكبيرة بتخلى الركاب ميحسوش بأى مطبات
7- الباور كهرباء و ناعم بصورة غير طبيعية و هذة النعومة متغيرة على حسب سرعة العربية
8- بلوتوث للتحدث فى الموبايل من خلال مايك العربية
9- 6 سماعات للكاسيت بتعطى صوت مميز
دة تقريبا اللى انا فاكرة دلوقتى لو افتكرت حاجة تانية حبقى اقولك عليها

تمام يا باشا الفلونس عربية رائعة بس هيا مشكلتها انها مش شبابية خالص

و بالنسبة للسيراتو فهى تتفوق فالتسارع واعادة البيع بس كده

بس احب اوضح ان انا كان معايا هيونداى اكسنت موديل 2000 وقعدد معايا 8 سنين وبعتها باكتر ماجبتها ومكنش فيها مشاكل نهائى غير الصيانات الدورية والقطع الاستهلاكية والباسات اول مجبتها بعد تقريبا شهرين عداد الحرارة السينسور بتاعة اتحرق يمكن انا حظي وحش وعشان كدة كريها بس هيا مش زي الصورة نهائي الى معايا حاجة تانية يمكن علشان غمقة من جوه حاسس بفرق وطبعا التوكيل معلم بيدفعك زيادة علشان العربية خليجي وكمان من كام يوم لقيت باب السائق لما يتفتع مينورش فى التبلوه والباقى شغال عادى وفى واحد صحبى عنده نفس المشكلة بس فى اكتفيا وقالي ان كدة سينسور الباب اتحرق علشان كل باب له سينسور لوحده وكمان كنت بفتها منغير المفتاح بمجرد اللمس بردو شغالة فى كل الابواب معدا باب السائق .
فأنا مبنسحش حد بيها ومبحبهش يمكن علشان تجربتى معاها سيئة وعمري مكنت اتخيل انى ممكن اقول على فلكس اهى عربية مأقتة والسلام انا بس حبيت اوضح تجربيى واقول ايه سبب كلامى عليها كدة ( وهى ممكن طبعا تكون عيوب فردية بحتة بس ظهرت معايا )

سيراتو طبعا طبعا طبعا وجدا كمان بس الميه تكدب الغطاس لازم تركب وتحدد

على ما اعتقد مفيش مقارنة بين العربيتن
الاوربى يفضل أوربى وانا ركبت الاثنين الفلوينس أجمد بكتير