الموضوع: كيا سيراتو ام رينو فلوانس

المشاركة الأصلية كتبت بواسطة zkralla

الكلام الى الاخ حسام بيقولوا على الكليو ده حاله فرديه يعنى فيه الاف معاهم كليو ومش بيشتكوا منها وصاحب استاذ حسام كمان مش ييتعامل الى مع التوكيل زى ما هو واضح من الكلام يعنى اسعار نار زى اى توكيل واكتر شويه كعاده الاوربى
لكن ما فى قسم رينو ناس كتيره جدا معاها ميجان الى هى فئه اعلى من الكليو ومبسوطين منها جدا ومحدش بيشتكى من المصاريف ديه حاجتها ماليه الحرفيين استيراد والتقليد برضه كتير بره التوكيل ده الى معاهم لوجان بيشتكوا اكتر عشان لسه قطع غيارها منزلتش بره التوكيل والعربيات المتقطعه لسه مش موجوده
قطع غيار الكورى سواء هيونداى ولا شيفروليه ولا كيا عمره ما هيكون معمر زى الاوربى الفكره الكورى منتشر اكتر عشان كده قطع غياره ارخص
واعتقد وبالمعدلات الى احنا شايفنها ديه أن عرش الانتشار للكورى اهتز بشده - مش عاوز انقول اوشك على الانهيار لأن الكورى ليه محبيه لكن الدليل على كلامى لو حصرتك بصيت لنتجيه الاستطلاع بتاعك هتلاقى الموضوع تقريبا محسوم بفارق كبير لصالح الرينو ونفس الاستطلاع ده لو اتعمل من سنين كان مستحيل حد يصوت للرينو الا كام واحد يتعدوا على صوابع الايد يعنى الاوربى قادم فى الفئه ديه بشده

وحضرتك عندك ضمان 3 سنين ممكن اول سنه تأمن تأمين اسلامى لغايه ما قطع الغيار تبقى موجوده بره التوكيل عشان لا قدر الله لو حصل حاجه

أنا فى الاساس رشحت الفلونس رغم اقتناعى بأن السيراتو عربيه حلوه بس أنا شايف الفلونس احسن وبعدين طالما عجباك استخير ربنا وتوكل على الله وأن شاء الله مش هتندم

معاك حق يا استاذ zkralla

اكيد مش كل الكليو هاتحتاج كل المصاريف دى

بس انا حبيت أؤكد ان صاحبى بيعامل العربيه كويس جدا وبيسوقها سواقه عاديه يعنى مش هو السبب فى هذه المصاريف

ثانيا هو فعلا مش بيتعامل غير فى التوكيل

واعتقد ان اغلبنا مابيتعاملش غير مع التوكيل خاصة لو شارى عربيته زيرو

انا معايا عربيه كورى يعنى اى ميكيانيكى يصلحها بس مابعملش صيانه غير فى التوكيل

وفى حالة شراء الفلوونس اعتقد ان الواحد غصب عنه لازم يتعامل فى التوكيل مش بمزاجه لان العربيه لسه مانتشرتش

ثالثا موضوع التصويت للاسف الواقع بيقول حاجه تانيه

يعنى مثلا 80 % من اللى صوتوا فى الموضوع قالوا فلوونس وفى الاخر ننزل الشارع الاقيه كله سيراتو برضه !!!

انا شخصيا نفسى الموضوع دا ينتهى

نفسى كل العربيات يبقى انتشارها قريب من بعضه واعادة بيعها قريب من بعضه واسعار قطع غيارها قريبه من بعضها

وكل واحد اللى يركب اللى عاجبه