الموضوع: حكايتي مع النيو اكسنت وغبور-ما حدث وماأتخذته من اجراءآت وما سوف اتخذه

ياناس ياناس كفاية كلام الموضوع بسيط جدا طالما التوكيل رجعها فابريقة انا مستعد اقبلها لو حصل معايا كدة

المشاركة الأصلية كتبت بواسطة Hyundai-CRM

ف البدايه طبعا بشكر سيادتك يا بشمهندس
و ارجو ان تتقبل ردي بسعة صدر حيث اني لم اكن استطيع اكمال جملتين ف مكتب سيادتك

يا سيدي لن نقبل عليك شيء علي الأطلاق حضرتك قبلت عليا شراء سياره بايظه من الزيرو ...تقبله على نفسك؟ ... حضراتكم بأي حال عملاؤنا ... و لو فسرنا الأمور بشكل أعمق انتم اللي بتدونا رواتبنا ... دي ثقافتنا في غبور

المشكلة أنك مكبر الموضوع جداً ..فعلا اناعشان اجيب عربيه زيرو لازم اكون متقبل انها تطلع بايظه و متصلحه ولو مش عاجبني اركب عربيه متصلحه عادي ابيعها و اخسر 7 الاف جنيه ع الماشي وجيب واحده تانيه و ربنا يسهلها يمكن المره الجايه حظي يطلع حلو مش علي قد حجمه ... يا سيدي وارد أن الدبرياج ممكن يكون فيه عيب لما عربيه معيوبه توصل للعميل يبقى لازم يكون في اجراء رادع مع الشركه المورده لان ده فيه اساءه و عدم احترام لعملائك (مثلا) أو أن المعرض اللي أشتريت منه وصلها بشكل مش كويس برده لو كل العربيات اللي طلعت م المعرض ده جابت اسطوانة دبرياج يبقى لازم توقف التعامل معاه وتحمله ثمن جميع هذه السيارات ده موزع معتمد منك لو عربيتي انا بس يبقى العربيه جايه معيوبه أو أنك قرصت عليه شوية (كل ده وارد) مع ان حضرتك شوفتني انا مش بتاع حكاية القرص دي بس لو جيبنا قريص و طلبنا منه يبوظ طقم دبرياج ف الف كيلو كان فشل... المفروض الدبرياج يتحمل و يتحمل أكتر من كده كمان ... بس زي ما وضحت ان هناك ضرر بالدبرياج مش كبير ... لكن مؤثر علي سحب العربية ... و تغييره أفضل ... و لما بنغير بنغير المجموعة كلها ... اللي انا متأكد منه ان حضرتك و كل اللي جربوا العربيه عندك متأكدين اكتر مني ان العربيه جايه بايظه لصالح مين اللي بيحصل ده حضرتك معتقد ان ممكن تقنعني اني بعد 14 سنه سواقه عمري ما قرصت على عربيه مبشيش اكتر من 100كم ف الساعه عمري ف حياتي ما غيرت طقم الدبرياج ده ... فجاءة كل ده عملته ف عربيه ع الزيرو ف الف كيلو صبحان الله الضمان يا سادة مش موجود بس علشان انكم تتطمنوا ان العربية مضمونه الضمان هاشرحوا ليكم بأختصار: اشرح انا : الضمان ده نبداء نتكلم عليه بعد 14 يوم الضمان ده يغطي الاجزاء اللي تبوظ قبل معادها
لكن قبل 14 يوم و جايه بايظه يبقى لازم ترجع لاصحابها

بعد تجميع العربية فيه مراقبة جودة
قبل أستلامك للعربية فيه نوعاً ما مراقبة جوده برضه ... مظبوط
لكن كل ده قبل ان العربية تتعرض للعوامل القاسية في القيادة ... بمعني تتحط تحت أجهاد ... و مستحيل طبعاً انها تتحط تحت الأجهادات دي قبل الشرا ... لأنه ببساطة حضراتكم مش هاتشتروها ... فبنقول للعميل عند الأستلام ... لو عنك ملاحظات ياريت تحضرها في صيانة الألف ... بنعتبرها كافية للكشف عن أية قطع معيبة بشكل مباشر لم تظهر ألا بعد القيادة الطبيعية ... و لو هناك قطع فيها عيب بنسب قليلة هاتظهر بشكل مؤكد خلال فترة الضمان ... لكن بعد أنتهاء فترة الضمان بتكون العربية طلعت اللي فيها و بأذن الله بتكون مستقرة ... هو ده الغرض من الضمان ... أحنا عندنا آلاف القطع في العربية ... و كل عربيات العالم ... بجميع فئاتها تحت هذه السياسة .مع ان ليا تعليقات كتير ع الكلام ده بس حضرتك مقولتش العربيه اللي جايه بايظه اصلا بيحصلها ايه.. المهم في كل ده ألتزام الوكيل بقيم العمل ... و أنه ما يعملش شاطر لوكالته علي حساب عميله ... هو ده المهم ... الـ Equity أو العدل بين العميل و الوكالة و اللي لازم العميل يلمسه العدل اللي قدام ربنا حضرتك عارفه بما يرضي الله و تاني بسأل ليه بتعملوا كده ....!!!!! ... يمكن بحكم خبرتي انا شايف جوهر الموضوع و عارف انه بعيد عن الشق الفني انا كمان عارف ان الشق الفني محسوم و انكم عرفين ان العربيه جايه بايظه اكتر مني مليون مره في العلاقة بين العميل و الوكالة و لكن جوهره هو الجو العام من قلة الثقة بين العملاء و الوكالات و حتي الناس و بعضيهم ... ده حقيقي و مافوش جدال فعلا على رأي حضرتك الناس بتاكل بعض عشان الفلوس ... أحنا شركتنا و بأشادة جهاز حماية المستهلك نفسه من أفضل الشركات تعاوناً مع جهاز حماية المستهلك و العميل نفسه .. إيمانا بأن العميل هو ممثل المبيعات لنا ... و لازم نحافظ علي ولاؤه لينا ... و نفسنا أنكم كلكم تكونوا سفراء لينا ... تفتكروا العائد من ورا ده يساوي العائد من تقليل كلفة أرضاء عميل ... أطلاقاً لا ... أحنا بنهتم بيكم أكثر من توقعاتكم ... و لكن أحنا مش هانقدر ندخل العميل علي ماكينات بناء ثقة قبل التعامل علشان نبني ثقة بينا و بينه ... و لكن الثقة بتيجي مع التعامل و بتعرفوا مين أحنا و أسألوا الناس اللي ليها تجربة معانا ... هايعرفوكوا أخلاقنا و قيمنا ... و لو كان كلامي مش مظبوط ما كانش ده حجم مبيعاتنا بالسوق ... بالرغم أن هيونداي كسيارة كورية اتقابلت و انتم عارفين أقصد أيه بنوع من قلة الثقة ... و لكن سواء غبور أو هيونداي قدروا يثبتوا أنهم الأفضل و هيونداي من الخمسة الأوائل في العالم و أن شاء الله توصل لمرتبة أفضل و غبور أكبر مصنع و موزع سيارات في الشرق الأوسط و أفريقيا ... ده بسببكم انتم و ثقتكم فينا و اللي حصل من أخلاصنا ليكم ...
الجزء ده انا سمعته من حضرتك بالحرف و انا بشوف رسمة تغير الدبرياج و حضرتك بتقولي ان قانون ال 14 يوم مش ع السيارات و مطلوب ان الثقه تزيد طبعا

و الله الموفق

تحياتي
تقبل تحياتي و احترامي ايضا

المشاركة الأصلية كتبت بواسطة mhoss

الكلام ده كويس جداً لو حضرتك نزلته فى إعلان فى التليفزيون....

أحنا هنا عاوزين نساعد صاحب المشكلة اللى مفروض مشترى عربية زيرو علشان يريح دماغه مش علشان يدخل فى كل الحوارات ديه......

راحة البال دي انا مشوفتهاش من يوم ما جبت العربيه بس الحمدلله على كل شيء
انا ابتدى بالي يرتاح بمساندتكم و الكلمه الطيبه وكمان من زمايلي ف الشغل
ع العموم انا ابتديت اتعود ع الوضع ... العربيه مركونه كأنها مجتش
ودفاعي عن حقي بقى فجدول اعمالي اليوميه

المشاركة الأصلية كتبت بواسطة sh_masry

شكرا لرد سيادتكم الواعى المحترم ..... و بالمناسبه انا من الناس اللى ليها تجارب معاكوا مش تجربه واحده و كلهم كانوا ممتازين بجد والله و كل ما طلبته تم تنفيذه مما زاد حبى و عشقى لهذه السياره و اعرف ان الحسنه تخص و السيئه تعم اى ان الشكاوى كثير و هو ما يرى على الساحه و لكن عندما ننظر الى كم السيارات الهيونداى التى فى الطرقات و الشوارع نتأكد من جودتها و اعتماديتها ..... و انت هنا سيدى الفاضل لا لكى تدافع عن سياره معروفه للجميع بجودتها و لكنك هنا لمساعده العميل و ارضائه و كسب وده و ذلك مش علشان ما انت قلت فى الأول (انتوا اللى بتدونا رواتبنا) لأ يا سيدى انت على العين و الراس و الأرزاق دى بتاعت ربنا .... لكن ده علشان واجب سيادتك تقف جانب العميل لو فيه حاجه هاتضره او تأذيه لأنك انت اللى ليك علاقه بالتوكيل االأساسى اللى فى كوريا و انت اللى ممكن تضغط عليه لعمل الصالح لصالحهم و لصالحكم و لصالحنا

و شكرا جزيلا لردك المحترم و سعه صدرك .....

ده لو جبت تلفزيون و بعدين شاشته مثلا باظت قبل 14 يوم وروحت بيه هيرجعوا من غير و لا كلمه مع ان ممكن العمليه كلها ف اي سي بايظ بس انا مالي
لو مشينا على اللي حصل معايا يبقى لازم اكون ميكانيكي و فني كهربا و فني تبريد لزوم شرا التلاجة و التكييف ... و الله انا باين ابتديت اخرف و لا ايه

المشاركة الأصلية كتبت بواسطة sh23

الأخ الفاضل / ابو مورو
تحياتي...
أولاً لابد من تسجيل تعاطفي معك في التجربة القاسية التي مررت بها
ثانياً أرجو أن تتسع لي رحابة صدرك وتتقبل مني بعض النقدمن خلال تعليقي علي أجزاء من من مداخلاتك حيث أن بعض من ردود افعالك أري أنها قد تتنتقص من حقك - والذي أتمني أن تستردة كاملاً -
------------------

اشكرك بشده يكفي اهتمامك

------------------
* أري أن هذا الكلام صحيح لأن التوكيل هو اللي عندة مراكز الصيانة

-------------

------

* أعتقد أن العيب الذي تشكو منه كان يتطلب التوجة الفوري لمركز الصيانة وبدون إي انتظار لموعد صيانة الألف .

ف التليفون قالي انه عادي و وكمان معنى كلامه ان لازم تنتظر للالف عشان لو فيه عيب يبان وكمان قالي مستحيل تفكر ان فيه عيب ف السياره و انا مش ميكانيكي و لا بشم على ضهر ايدي ان اول ما اروح التوكيل كل اللي هيجربها هيقول ده طقم دبرياج

-----------------------
كدة أعتقد أن مهلة ال 14 يوم لم تنفذ يعني أنت في السليم ؛ بس في تصرف تاني ممكن يكون ضيع عليك الفرصة وهو في مداخلتك التالية :

------------------

هو دة مربط الفرس والذى أعتبره خطأ قاتل من سيادتك ؛ هم كدة أثبتوا أن العربية داخلة تعمل صيانة دورية وأنها عند صيانة الألف الأولي لم يكن لسياتك أي شكوي.......وطبعاً توقيع سياتك لهذا الورق سيكون مستند ضدك

كان لازم تسجل شكواك واضحة تماماً أن فية مشاكل سحب وكركرة أو علي الأقل تسجل طلبك فحص مجموعة الفتيس والدبرياج علشان تثبت أن فيها مشاكل من البداية .

----------------

نصيحة لجميع الأخوة الأفاضل يجب تسجيل أي شكوي بوضوح في ورقة الصيانة لأن هي دي وتوقيعك عليها مستند الإثبات الأساسي للشكوي وهي اللي بتحدد التواريخ .

لا حضرتك خليك معايا بقى
اولا مكتوب هناك شكوى من السحب ف الورقه اللي انا مضيت عليها اللي هي ان العربيه دخلت الورشه تعمل صيانه الالف كده انا مفوتش الصيانه
وكمان على كلامه ان انا بستلم بيها السياره من الصيانه --- دي الورقه اللي انا مضيت عليها


لكن انا معايا ورقة تانيه تثبت ان العربيه دي غيرت طقم دبرياج - دي بقى الورقه اللي انا مش ماضي عليها لانها بدون موافقتي طبعا

المشاركة الأصلية كتبت بواسطة ufarag

ربنا معاك ويارب تجبلنا حقنا من غبور

يارب كل صاحب حق ياخد حقه

المشاركة الأصلية كتبت بواسطة mody07775000

بصراحه انا متعاطف مع حضرتك جدا بس اكيد الكلام ده مش متعمم عل كل السيارات بتاعت هونداي اكسنت بس للاسف السيارات الي بقت بتيجي مصر من اسوء السيارات الي بتنتجها الدولة بتاعتها اصلا بس بعد ما قريت موضوعك ده حمدت ربنا اني جبت الاسكنت بتاعتي اتوماتيك انا كنت خلاص ناوي عل المانوال وغيرت رايي في اخر لحظه وربنا معاك وتعرف تاخد حقك

لاسف لما انا اخد عربيه متصلحه وهي ع الزيرو و غيري كمان يعمل كده
يبقى ليه كوريا متجيبش كل السيء هنا امال هتلاقي ناس طيبه و حلوه زينا فين توديلهم العربيات دي
هو حضرتك ممكن تتخيل اصلا ان عميل ف امريكا يستلم عربيه بايظه
وخلي بالكوا دي حاجه و ان يكون فيه عيب عام بنوع معين دي حاجه تانيه
عشان بلاقي حد قال تويوتا و مشكلتها الشهيره