حكايتي مع النيو اكسنت وغبور-ما حدث وماأتخذته من اجراءآت وما سوف اتخذه

**semsem8080** · 23-03-2010 08:36 AM

ربنا معا كل الناس اللي بتشتري عربيات في مصر ومش بتلاقي خدمة مابعد البيع زي ما تيوتا عاملت برة مشغلة مراكز الصيانة 24 ساعة عشان تعالج العيب اللي في عربياتها
ربنا معاك ومع كل الناس اللي اشتروا واللي لسة هيشتروا عربيات من مصر ام الدنيا وربنا يهدي التوكيلات عليان

**hhendmos** · 23-03-2010 08:59 AM

عزيزي ابو مارو
احب اشجعك واقولك ربنا معاك ويرجعلك حقك
بس احب اقولك مش باحبطك ولا ايه حاجه الناس دول مش ساهلين خالص وعندهم بدل الحجه الف يارب ينصرك عليهم ولازم تكمل المشوار لنهايته
معلش حاطول عليك

كان ليا واحد زميلي هنا في الامارت معاه هيونداي سوناتا موديل 2003 وكان عنده مشكله في سحب الماكينه بعد استعمال العربيه حوالي 5000 كيلو
المهم راح التوكيل(جمعه الماجد) وطبعا الاستهبال بدا من (نفس الكلمات اللي بتلاقيها عندنا في التوكيل عيب استخدام .....الخ) المهم الموضوع ده كلف صاحبي فوق 8000 درهم عشان حبه سنسور وكلام فارغ والعربيع زي ماهيا

المهم صاحبي جاب الايميل بتاع خدمه العملاء في كوريا وراح باعت رساله ليهم موثقه بالفواتير وحبه كلام من اللي قلبك يحبه وبعدها بفتره جاله تليفون من الفرع الرئيسي في دبي وبعتوه ورشه خاصه (زي توكيل خاص vip) مخصوص للهيونداي وتم اصلاح العربيه بدون اي تكلفه. وان شاء الله في ظرف يومين حابعتلك الايميل بتاع مركز خدمه العملاء الي هوا راسله .

المهم انا نازل مصر ان شاء الله الاسبوع الجاي وحاحاول اكلمك
اخوك
مصطفى

**eino666** · 23-03-2010 11:01 AM

الاخ الفاضل ابو مارو
يكفيك قولك كل صباح ومساء
حسبى الله ونعم الوكيل
وتأكد ان ربنا على الظالم والمفترى
وان حقك حتاخده عاجلا او اجلا وان ربنا دايما بينصر المظلوم
وان شاء الله نهنى ونبارك بنصرة المظلوم على الظالم وربنا يكرمك ان شاء الله
....................................*
محمود عينو

**mody07775000** · 23-03-2010 11:12 AM

المشاركة الأصلية كتبت بواسطة Roka

أنا بقالي ساعتين بقرأ الموضوع وبجد قلبي وجعني أنا مفروض اني حاجزة نيو أكسنت سبورت وفي انتظار استلامها
أنا بقالي سنة بقرر أجيب إية وبعد ما إقتنعت جدا بالنيو أكسنت كانت الصدمة الليلة

أنا مش عارفة أعمل إية؟ أغير للأتومتيك زززبس في ناس نصحوني بلإبتعاد تماما عن الأتوماتيك علشان فيها مشاكل بردو

ربنا معاك ومعايا

على فكره انا معايا الاكسنت سبورت اتو الحمد لله تمام مفهاش مشاكل وبقت افضل دلوقتي عشان الزحمه وكده وكمان انتي بنت يعني اسهلك طبعا الاتو انصحك تغييري بعد الي قريتيه عن الي حصل في المانوال

**eino666** · 23-03-2010 11:24 AM

فى الوقت الحالى ما ينفعش فى القاهرة و الاسكندرية والمدن و المحافظات الكبيرة غير الاوتوماتيك لراحة السائق والسيارة
................................*
محمود عينو

**BassamHafez** · 23-03-2010 11:35 AM

ابو مارو باشا

واحشني يا معلم

انا متابع الموضوع بحزافيرة بس طبعا مش برد على كل حاجة عشان الحوارات ما تخرجش عن جوهر الموضوع

معاك قلبا وقالبا

**Roka** · 23-03-2010 11:55 AM

المشاركة الأصلية كتبت بواسطة mody07775000

على فكره انا معايا الاكسنت سبورت اتو الحمد لله تمام مفهاش مشاكل وبقت افضل دلوقتي عشان الزحمه وكده وكمان انتي بنت يعني اسهلك طبعا الاتو انصحك تغييري بعد الي قريتيه عن الي حصل في المانوال

how much automatic????

**AboMaro** · 23-03-2010 12:42 PM

المشاركة الأصلية كتبت بواسطة medomoselhy

ابو مارو باشا
طبعا انا متابع الموضوع بس ده اول رد ليا
اولا الاخ لوليتا الناس قامت معاه بالواجب و زياده حبتين فا كفايه عليك كده يا معلم

ثانيا
حقك يا معلم ..... فاهم انا بقول ايه بكررها تاني ... مليون حقك كمان
احنا مش شاريين عربيه صيني !
و اليي مش عاجبه الموضوع و شايف انو باشا او بيه و ممكن ياخد عربيته كده يبقي احسن له مايدخلش هنا
لا انا و لا انت و لا الناس الرجاله اللي ردت هنا لاقيين الفلوس في الارض عشان نجيب عربيه المفروض انها زيرو و ناخد ال ...... و نسكت
كل اللي ردو هنا طفحين الدم عشان يجيبو عربيه تشيل عنهم و عن اسرتهم زحمه المواصلات
اللي جايب العربيه يهرج بيها او مش حاسس بتمنها اكمنو مش دافع حاجه من جيبو يبعد عن هنا
احنا مش دافعين ملاليم !
و لا استرخصنا و جبنا صيني (طبعا تعظيم سلام للصيني قدام هيونداي المحترمه و بتجيب ديسك و اسطوانه)
احنا جايبين هيونداي (المفروض انها كوري يمكن كوريا نقلوها الصين طيب؟

و الله يا ريت علي الاقل كنا ركبنا حاجه نضيفه)
بالمناسبه انا معايا اكسن برده و رايح صيانه الالف بكره و وش الفرن اللي في مقدمه الموتور مصدي من ساعه ما استلمت العربيه

ده غير طبعا حاجات تانيه , ربنا يستر بقي , يا جماعه لو مارجعتش في خلال 24 ساعه بلغو البوليس

و لو حد يعرف حد حبيبه من هناك هننصب الصوان في ابو رواش ان شاء الله

و لا عزاء لمالكي الصيني سوري قصدي الاكسنت

انا معاك يا معلم لحد النهايه
و اصلا كفايه عليهم الموضوع ده في نايل موتورز ده كده في الصميم و هما عارفين كويس اوي اكتر مني و منك ده هيرجع المبيعات اد ايه , مش كده و لا ايه ؟؟؟؟
و اديله في التشريد يا معلم و اللي بيخاف يروح
و يجعله عامر

طب ازاي عربيه ع الزيرو و فيها حاجه مصديه ؟؟؟
و ازاي عربيه ع الزيرو و فيها دبرياج؟؟؟
السؤال هو ممكن هيونداي كوريا تصدر عربيات بالشكل ده لوكيلها ف اي دوله اوروبيه و لا ده عرض خاص لمصر و توكيل مصر

المشاركة الأصلية كتبت بواسطة bishoy02010

15491 :s_thum1[1]:

منور يا بيشوي - عارفك انت قاعد تعد - بس كده ممكن تقعد كتير - بقولك فيه ناس بقالها سنتين
و انا لو قعدت سنتين شوف هنوصل كام ؟؟؟ - أي ذكاء و اي طرق مبيعات توصل ناس انهم يظلموا حد و يقبلوا كده على نفسهم و اصلا و لا هاممهم اي رأي كل ده و لا فارق معاهم

**AboMaro** · 23-03-2010 12:55 PM

المشاركة الأصلية كتبت بواسطة alaa74

أستاذabo miro
أولا أنا بسبب موضوعك سهران لحد دلوقتى وقرأته من البدايه حتى النهايه
ثانيا أنا متعاطف معاك جدا وكان الله فى عونك وبرغم كل ما صادفك فلديك روح تحدى وعزيمه قويه على أن تحصل على حقك ودة منتهى الايجابيه وان شاء الله ستوفق فى الحصول على كافه حقوقك
واعقد ان تعاطف كافه الزملاء هنا معك قد خفف نوعا ما من الامك ومعانتك ولكن الثقه دائما فى الله اكبر من أى شىء وطالما انك عزمت على ان تستمر لنهايه المشوار فاستمر حتى تحصل على حقوقك وتذكر دائما انه ما ضاع حق ورائة مطالب .
تقبل تحياتى

شوف انا قابلت ف التوكيل ناس منظمه جدا جدا كل واحد بيقول كلمه و التاني بيكمل عليها بنظام و لا خلية النحل - و لما تخرج من هناك - قدامك حل من اتنين 1- تقول الناس دي انا مش هقدر اخد حقي منهم وتقبل تاخد ....... وتمشي .
2- تفكر لحظه واحده و تعرف ان ليك حق و ر بنا هو اللي بيرجع الحق لاصحابه و محدش اقوى من ربنا مهما كان هو مين

المشاركة الأصلية كتبت بواسطة w-m-a

الاخ الغالى جدا جدا ابو مارو

ربنا يكرمك ويكرم اهلك علشان علموك الرجولة بجد
راجل ابن راجل مصرى اصيل جدع من بتوع زمان
صدقنى حتى لو لاقدر الله معملوش حاجة والله انت الكسبان
كفاية انى قرأت ال41 صفحة كلهم دلوقتى من الساعة 1 :الساعة 3
بس خلى بالك من عملك حاول تقسم وقتك معلهش
انا عارف ان بالك مشغول بس حاول علشان شغلك
وكمل وربنا معاك
ما ضاع حق وراءه مطالب
المشكلة فى مصر ان صاحب المال مش فارق معاه الزبون
فى غيره كتير
ومفيش فرق بين توكيل سيارات وعربية كبدة بايظه فى ميدن رمسيس
كله واحد مش مهم
يروح زبون يجى عشرة
لكن صدقنى انت خدت حقك تالت ومتلت بالكام راجل الى رجعوا فى حجزهم
ومعاك فى اى حاجه مدام حق
وسيبك من الدخلاء والمأجورين والفاضيين
والغبورين
ربنا معاك

انا لما عملت الموضوع هنا كان هدفي اسرد ما حدث بدون حتى ما اقول رأيي عشان اعرف اراكم و اشوف يمكن انا غلط
انا لا كنت عايز اضر حد و لا اخليهم يرجعوا حجز حد - انا كل يوم بدعي ربنا ليل ونهار اني مكونش بظلم حد و لو حتى ظلم ضئيل - لكن هما اللي اصلا و لا هاممهم