محدش يشترى عربيات من غبور بالدليل
يا جماعة انا نفسيتى زى الزفت بسبب الموضوع ده
احنا لو فى مكان تانى كان كل حاجة اتغيرت
.كنت اخدت عربية بديلة من اول مرة وكان ابو مارو اخد عربية جديدة هو كمان وعليها اعتذار
.انا بعت كان شكوى على التوكيل فى كوريا
لو حد عايز التوبيك معايا
انا هعمل اعلان كمان فى جريدة المصرى اليوم والخميس
نسيت كمان حاجة تانية
انا روحت للمصرى اليوم وقابلت هناك مدام اسمها احلام مسئولة عن الحاجات اللى زى دى وفيها فضايح
قالتلى اكتب اللى انتى عايز ولو عندك حالا تانية هاتها معاك وكل واحد يصور بطاقته ورخصته
انا ماشى كمان فى السكة دى
وزوج اختى صديق الاستاذ / عمرة الليثى قاله هاعمله اعلان او عنوان فى الصفحة الاولى وهيبقى انفراد
ان فيه عربيات دخلت مصر وهى معيبة من عند غبور وفيه استاذ/ من الجريدة اسمه محمد الباز هايعد معايا عشان ياخد كل الورق اللى معايا
غبور بييتورد عربيات بايظة بالدليل
بالنسبة لورق الموتور
الراجل اللى اسمه شاهر قالى عايزين صورة من الرخصة والبطاقة وانت بتجرب العربية
عشان نخلص ورق الموتور الجديد ( الافراج )ولحد دلوقتى مخدتش ورق خالص
لان العربية رجعت تانى عندهم
توكيل غبور بيتورد عربيات بايظة بالدليل
ياجماعة كمان لما طلبت من شاهر عربية بديلة فى فترة التجربة وده حقى
رد عليا وقالى انه هيدينى من جيبه
تخيلوا هو هيعطف عليا ويدينى من جيبه الشخصى
ولما قولت الكلام ده للراجل الكندى اتكسف جدا
بس كلهم على نفس الوتيرة ان العربية زى الفل
كل مشاكل النيو اكسنت 2010
يا جماعة انا ابو مارو كلمنى وهنبدا نوحد الخطوات مع بعض ومع الناس الناس اللى معانا فى جروب الفيس بوك كمان والناس اللى هجمعهم من اماكن مختلفة
انا فيه ناس كلمونى النهاردة من اسكندرية كانوا ناويين يشتروا العربية الشكل الجديد وبعد لما قروا اللى حصل معانا اتصللوا بيا
وقولتلهم بمنتهى الامانة اللى حصل معايا ايه
والله انا بقول كل حاجة بصراحة ومش بخاف من حد غير من اللى خالقنى
والعربية عندهم قال بيجربوها تانى والناس طلعو ذوق جدا ويجيبوا عربية متاجرة ليا خلال الفترة دى.......
وانا طبعا عارف الرد مسبقا وووووووووو ( عربيتك يا فندم زى الفل )
تخيلوا المهندس اللى هناك بيقولى ايه المرة اللى فاتت
بيقولى ان الزيت بينقص عشان انت بتقيسه
كل مرة بتقيسه بيطلع منه شوية فى المنديل
بالذمة مش دى اخر نكته
ماحدث معى من عيوب نيو اكسنت 2010
يا جماعة كل اللى حكيته ده مع قصة الموتور ولسه كمان بعض العيوب البسيطة الاخرى
التكييف كان ضعيف جدا زى الروحة
وطبعا اشتكيت واتصلح معرفش عملوا فيه ايه
الكلاكس اتحرق
الدبرياج كان فيه عضه وصوت وتم فك سكلك الدبرياج ورشوا عليه زى شحم او ملين وتركب تانى
تخيلوا تكونوا دافعين كل الفلوس دى فى عربية
ويطلع فيها كل العيوب دى
والتوكيل يقول انا برضى العملاء
سلملى على العملاء
وحسبى الله ونعم الوكيل فى توكيل غبور
كارثة فى النيو اسكنت 2010
كمان لما سالت المهندس مدير الورشة هو المشكلة بتاعت الزيت من ايه
والله مش عارف يقولى حاجة خالص
ولحد دلوقتى مش عارفين يقولوا السبب خالص