الموضوع: حكايتي مع النيو اكسنت وغبور-ما حدث وماأتخذته من اجراءآت وما سوف اتخذه

المشاركة الأصلية كتبت بواسطة ahmedelsyid

كان الله في عونكم
تابعت الموضوع بأهتمام لان الموضوع يخص كل الناس واي واحد ممكن يكون في نفس المشكلة , فلا يجب ان نقلل من حجم المشكلة ويجب ان نتعاون لرد الظلم
ان في الاتحاد قوة

المشاركة الأصلية كتبت بواسطة slim_shika

مش عارف أقول إيه يا دكتور, كل ماخش على الموضوع وأقول يا رب تكون المشكلة اتحلت الاقيها بطول أكتر, بجد حاجة تحزن.

معلش أنا مبحبش أكتب كتير بس متابع موضوعك على طول ومن الأول(إنت عارف), أنا مش عارف اقدر اساعدك في حاجة ولا إيه.

جهاز حماية المستهلك مش حاسس إنه هيضيف جديد, لو تقدر تتجه للإعلام جريدة مثلا أو برنامج ممكن يحصل جديد.

معلش ما انا كنت قولت ليك قبل كده من اول يوم اني عارف ان موضوعي هياخد سنتين ع الاقل - طب ايه العمل - الحمد لله - أدي الله و أدي حكمته و أدي بلدنا و أدي اجهزتها الحكوميه - وأدي رجال اعمالها و أدي مكسبهم بيجيبوه ازاي

المشاركة الأصلية كتبت بواسطة Khaled_Nowaihy

خطر على بالى سؤال يا جماعة
مش مفروض يكون فيه جهة رقابية عليا على جهاز حماية المستهلك
مفروض يكون فيه .... ويشتكى له من تعسف جهاز حماية المستهلك وانحيازه لغبور وتراخيه عن حل المشكلة
ولو حتى مجلس الوزراء ؟

الحمد لله على كل شيء
فيه اخبار جديده - هي اخبار مش في صالحي - بس فايدتها كبيره -اني هخلص من التعامل مع الجهاز ودي نقطه ناس فضلوا سنتين مخلصوهاش - لكن واضح اني الحمد لله انتهيت منها
معلش التفاصيل بحزافيرها و ما وصت اليه و ما السبب فيما وصلت اليه هكتبه يوم الاحد بأذن الله عشان اكون خلصت من الجهاز نهائيا واتكلم براحتي براحتي براحتي

المشاركة الأصلية كتبت بواسطة khaled_nowaihy

خطر على بالى سؤال يا جماعة
مش مفروض يكون فيه جهة رقابية عليا على جهاز حماية المستهلك
مفروض يكون فيه .... ويشتكى له من تعسف جهاز حماية المستهلك وانحيازه لغبور وتراخيه عن حل المشكلة
ولو حتى مجلس الوزراء ؟

يا ريت بجد المفروض ده يحصل

وربنا معاك يا ابو مارو وان شاء الله هتاخد حقك علشان ربنا هو الحق

انا مش فاهم الناس دى بتعمل ليه كده واحنا اللى عملناهم وعملنا اسمهم ويكسبو مننا كتير يبقى ليه الظلم هما محتاجين اكتر من كده مكسب ايه علشان يمصو دم الناس اللى مجمعه تمن العربيه فى سنين من الشقى(ولا تأكلوا اموال الناس بالباطل)

يا باشا حتي لو التوكيل فيه مساوئ ومشاكل بس هو عمل اللي عليه واعترف وقال هيصلح لك المشكلة ، امال تعمل ايه ف الناس اللي اشتروا عربيات صيني والتوكيل قفل وطار ،،، و رموا العربيات دي وفيه واحد قلبها توك توك وواحد تاني عملها حصالة وواحد تالت عملها عربية بطاطا
بص يا استاذي الفاضل قدامك حلول بسيطة
بيعها و اخسر فيها دلوقتي بدل ما تفضل مركونة وتخسر فيها قدام ولو متخوف من ان الزبون يقولك دي مغيرة طقم دبرياج ... ردك بسيط برضه هتقوله انا مغيره ف الضمان وفيه معارض كتير اوي بتشتري كسر الزيرو ومتنساش ان الهيونداي هيه العربية نمرة 1 في مصر في سعر اعادة البيع
وربنا يعوض عليك

المشاركة الأصلية كتبت بواسطة essam_shaaban

يا باشا حتي لو التوكيل فيه مساوئ ومشاكل بس هو عمل اللي عليه واعترف وقال هيصلح لك المشكلة ، امال تعمل ايه ف الناس اللي اشتروا عربيات صيني والتوكيل قفل وطار ،،، و رموا العربيات دي وفيه واحد قلبها توك توك وواحد تاني عملها حصالة وواحد تالت عملها عربية بطاطا
بص يا استاذي الفاضل قدامك حلول بسيطة
بيعها و اخسر فيها دلوقتي بدل ما تفضل مركونة وتخسر فيها قدام ولو متخوف من ان الزبون يقولك دي مغيرة طقم دبرياج ... ردك بسيط برضه هتقوله انا مغيره ف الضمان وفيه معارض كتير اوي بتشتري كسر الزيرو ومتنساش ان الهيونداي هيه العربية نمرة 1 في مصر في سعر اعادة البيع
وربنا يعوض عليك

يا سيدي انا راضي باللي ربنا قسمهولي حتى لو كنت شاري عربيه المفروض انها مش صيني و توكيلها قفل
ثانيا عشان اقولك حاجه بسيطه طقم الدبرياج بايظ و اللي بوظه عيب في ديزاين العربيه و معايا تقرير فني بكده عشان كده لازم اتمسك بحقي ف ال14 يوم
كمان فيه عيب تاني موجود بالسياره سايبه مفاجاءة للمحكمه و الحمدلله الحمدلله بالصدفه البحته و الله العيب ده مثبوت ف الورق ومثبوت عند جهاز حماية المستهلك كمان
كمان لو حضرتك شوفت المشاركه رقم 1264 و 1265(مركز خدمة عملاء هيونداي ترحب باى شكوى من مالكي هيونداي)http://www.nilemotors.net/Nile/14777-a-127.html
هتعرف اني عندي حق
عندي حق لما اشتري عربيه زيرو اريح بالي مش امشي بيها قرفان و شايل هم اللي باظ و اللي لسه هيبوظ ده كلام يا راجل
و بعدين انت بتتكلم ف بيع العربيه - شوف لو التوكيل هو اللي هيبيع مع اني اشفق ع اللي هيشتريها هيبيعها بخساره 3 او 4 الاف جنيه و ده حقه يخسرهم لانها غلطته و لانه كسب اكتر منهم و لان ده حقي عليه

لكن انا كلمت ابن عمي تاجر عربيات و كلمت واحد تاني عنده اجنس برده الاتنين قالولى بالحرف الواحد عربيه موديل السنه و عامله الف كيلو لازم الزبون يكشف ف التوكيل و هيبان ع الكمبيوتر ف لحظه انها مغيره طقم دبرياج ومش هتخسر فيها اقل من 10 الالف جنيه ان مكانش اكتر و مفيش حاجه اسمها مغيره ف التوكيل في حاجه اسمها ايه اللي بوظها و كده بتبيع سمك فميه
بس غير كل ده انا لو حتى هخسر الف واحده فعربيه مركبتهاش 3 ايام على بعض بالذمه مش انا كده ابقى ظالم ومفتري على حق اولادي ع الاقل - بالذمه مش انا كده ابقى بدي فلوسي لواحد يكسبهم بالحرام
انا متهيألي اسيب القرار للمحكمه و القانون و اللي هي تقول عليه انا راضي بيه حتى لو قالت اخسر تمن العربيه كلها - عارف ليه لاني اجبن من اني اخد قرار بخسارتي كام الف بالحرام و اسهل عليا كتير اقعد من غير عربيه سنتين تلاته

الاخ العزيز الفاضل ابو مارو
ده مش حقك انت لوحدك لآلآ ده حقنا وحق اولادك واولادنا لان اللى هيحصل معاك هيبقى مبدىء قانونى هام
و ارجو من الله(ولا يقدر على القدرة الا هو الله عز وجل) ان يجيلك حقك لغاية باب بيتك وانت قاعد معزز مكرم لانك ما غلطش فى حاجة الا حاجة واحدة بس الا وهى انك اشتريت من توكيل يرضى على نفسه المال الحرام وينصب على الناس بمنتهى الفجر والبجاحة بس عذرك انك ما كنتش تعرف
ويا رب انت القوى على كل ظالم ومفترى
حسبى الله ونعم الوكيل فيكم يا ظلمة
................................
محمود عينو

المشاركة الأصلية كتبت بواسطة eino666

الاخ العزيز الفاضل ابو مارو
ده مش حقك انت لوحدك لآلآ ده حقنا وحق اولادك واولادنا لان اللى هيحصل معاك هيبقى مبدىء قانونى هام
و ارجو من الله(ولا يقدر على القدرة الا هو الله عز وجل) ان يجيلك حقك لغاية باب بيتك وانت قاعد معزز مكرم لانك ما غلطش فى حاجة الا حاجة واحدة بس الا وهى انك اشتريت من توكيل يرضى على نفسه المال الحرام وينصب على الناس بمنتهى الفجر والبجاحة بس عذرك انك ما كنتش تعرف
ويا رب انت القوى على كل ظالم ومفترى
حسبى الله ونعم الوكيل فيكم يا ظلمة
................................
محمود عينو

الف شكر يا استاذ محمود الله يباركلك ع الكلمتين دول

المشاركة الأصلية كتبت بواسطة AboMaro

الف شكر يا استاذ محمود الله يباركلك ع الكلمتين دول

اه لو تعرف انا حاسس بحرقتك على اللى حصل معاك قد ايه
اه و اه و اه لو فى ايدى حاجة تانية اعملها واقسم بالله العظيم ما اتأخر عليك انت واى صاحب حق تانى
اه يا قلة حيلتى
يا ظلمة يا نصابين يا بتوع التوكيل احنا طافحين الدم بفلوسنا علشان تيجوا انتوا تنهبوها يا ظلمة
حسبى الله ونعم الوكيل فيكم وفى كل من ظلم ونهب من صاحب حق بدون وجه حق
............................*
محمود عينو