الموضوع: حكايتي مع النيو اكسنت وغبور-ما حدث وماأتخذته من اجراءآت وما سوف اتخذه

نفسك طوييييييييييييييييييييييي يييييييييييييييل ربنا معاك.
متابع

اية تانى انا نعست وعايز انام

العربيه خلصت وجه المهندس طلعت عشان يجربهالي



و احنا خارجين م الورشه العربيه برده بتكرر



قعد يتريق عليا ويقولي ماهي لازم تكركر



وكان واقف جمب شباكه بالظبط م/شاهر مدير الورشه وقعد يتريق عليا معاه



لكن م / شاهر كان واقف ساكت مبيردش عليه



خرجنا و ف السريع كده قالي دي بقت جاجه تانيه و زي الفل



نزلت اركب وهو نزل قدام التوكيل



جاي اطلع قولتله الدبرياج عالي جدا جدا



قالي .... لا ... لازم يبقى كده ده اسطوانه جديده و .؟()*&)*&^^$^#



و لاتفهم منه حاجه (هو نفسه اللي جرب العربيه ف الاول و لقى الدبرياج عالي و قالى ان ده السبب الرئيسي فتأكل الاسطوانه)



على اساس انها من ورق الفسفس

المهم انا طلعت بالعربيه و دي كانت نهاية ما حدث معي داخل توكيل غبور في يوم لا يعلم احد الا الله كيف احتملته

بعد كده اقوللكم انا عملت ايه و هعمل ايه

ما فعلته حتى الان:

1- بعت اي ميل لحماية المستهلك
كلموني تاني يوم وطلبوا مني اوراق وديتها لهم وطمنوني ان موضوعي مضمون - "الله اعلم "

2- توجهت للمكتب الاقليمي لهيونداي بالبرج الجنوبي - كورنيش النيل - الدور الخامس
تقبلوا مني شكوتي وقالولي انتظر مكالمه "الله اعلم"

ما سافعله قريبا :

1- احد الاصدقا يعمل معد برامج - منهم برنامج شهير
اتفق معايا ع التالي :
اولا : عمل جروب ع الفيس بوك و لم اكبر عدد من المتضررين من توكيل هيونداي
ثانيا : التوجه الى مقر هيونداي لعمل وقفه احتجاجيه بكام يافطه و كام بني ادم من اللي معانا من الفيس بوك
الوقفه على كلامه ستستغرق 3 دقائق

على انه سيقوم بالتصوير بمعرفته مدة ال 3 دقايق دول و بس
الباقي عليه
- لما قولتله و دي مش عايزه تصريح الوقفه دي ولا عادي كده
قالي بس حد يجي يقبض عليكوا دي تبقى برباجندا هايله و انت مجرد ما توصل القسم هتخرج تاني

2- رفع قضية تعويض عن طريق واحد من اكبر المحامين ف مصر (مقدرش اقول الاسم دلوقتي)
علما بأن والدي مستشار و ده اللي مساعدني ف الوصول للمحامي ده
مع اني معرفتش والدي ابدا ومش ناوي اعرفه

أنا شكلى كده مش هاروح الشغل بكره إلى هوه النهاردة :)

بجد بجدمش عارف اقولك ايه انت لا تطاق ايه اللي بتعمله ده قوللي انهي توكيل فيكي يا مصر اللي هيغير عربيه عامله 1000 كيلو بواحده زيرو علشان طقم دبرياج ثانيا (العقد شريعه التعاقدين) افرا كتاب الضمان اللي معاك اللي بيقول ان الضمان ب\ملزم بتغيييير اع قطعه غيار و ليس استبدال السياره و ما فعله التوكيل معاك عمل معاك كل احترررام و غير لك القطعه في نفس اليوم (لاحظ ما ذكرته من مجهود و وقت و كم قطعه غيار قلتها علشان نوصل لطقم الدبرياج)و صلت لاعلي المستويات و كلهم و عدوك بحل المشكله و قد كان و بعدين يا محترم تويوتا اللي ساعدتك بتقول عليها صلحت العيب و لم تبدل السيارات اذا كنت هتعمل برنامج تاكد انهم هيدينوك انت و هيشيدوا بالتوكيل ولا حتي قضيه اخيررر ا الاكسنت اللي بتجيب طقم دبرياج يقدر اعضاء المنتدي يردوا عليك فيها و صح الانترا بتجيب علبه بدليل مبيعاتها الرهيبه علي فكره انا وا حد من جوه المكان بس اعرررف ايه و جه التقصيررر اللي قصر فيه المكان لحل مشكلتك و للاعضاء المنتدي رايهم المحترم و سلملي علي حمايه المستهلك اللي لو التوكيل تنصل من المشكله و العكس هو الصحيح كان هيلزمه بتغيير طقم الدبرياج و ليسس استبدال السياره و اخيرر لمل انت تعررف ميكانيكي من جوه ماكلمتوش ليه من الاول و اساسااا القصه كلها انا عارفها من م.وجدي اتقي الله


لقد قمت بمخالفة القاعده 13 من قواعد المنتدى
لذا وجب حصولك على تنبيه بسبب الشخصنه

مشرف هيونداى 2

المشاركة الأصلية كتبت بواسطة enghany

بجد بجدمش عارف اقولك ايه انت لا تطاق ايه اللي بتعمله ده قوللي انهي توكيل فيكي يا مصر اللي هيغير عربيه عامله 1000 كيلو بواحده زيرو علشان طقم دبرياج ثانيا (العقد شريعه التعاقدين) افرا كتاب الضمان اللي معاك اللي بيقول ان الضمان ب\ملزم بتغيييير اع قطعه غيار و ليس استبدال السياره و ما فعله التوكيل معاك عمل معاك كل احترررام و غير لك القطعه في نفس اليوم (لاحظ ما ذكرته من مجهود و وقت و كم قطعه غيار قلتها علشان نوصل لطقم الدبرياج)و صلت لاعلي المستويات و كلهم و عدوك بحل المشكله و قد كان و بعدين يا محترم تويوتا اللي ساعدتك بتقول عليها صلحت العيب و لم تبدل السيارات اذا كنت هتعمل برنامج تاكد انهم هيدينوك انت و هيشيدوا بالتوكيل ولا حتي قضيه اخيررر ا الاكسنت اللي بتجيب طقم دبرياج يقدر اعضاء المنتدي يردوا عليك فيها و صح الانترا بتجيب علبه بدليل مبيعاتها الرهيبه علي فكره انا وا حد من جوه المكان بس اعرررف ايه و جه التقصيررر اللي قصر فيه المكان لحل مشكلتك و للاعضاء المنتدي رايهم المحترم و سلملي علي حمايه المستهلك اللي لو التوكيل تنصل من المشكله و العكس هو الصحيح كان هيلزمه بتغيير طقم الدبرياج و ليسس استبدال السياره و اخيرر لمل انت تعررف ميكانيكي من جوه ماكلمتوش ليه من الاول و اساسااا القصه كلها انا عارفها من م.وجدي اتقي الله

شوف يا بشمهندس انا لا اطاق ايوه دي عندك حق فيها بس انا قولت انا هفضفض براحتي واللي عايز يقرا حاجه يقراها

كتاب الضمان ده انا مخدوش غير بعد الترخيص بس القانون بيقول كمان ان فيه 14 يوم

انا مقولتش الاكسنت بتجيب طقم دبرياج ده العامل اللي عندك هو اللي بيقول
وعلى فكره انا قابلته هناك صدفه

واسأل كمان المهندس طلعت اللي شاورلي على عربيه و قالي دي جايبه اسطوانه بعد 5000 عشان سوء استخدام صاحبتها

عايز تعرف ايه وجه التقصير طالما مفهمتوش
العربيه جايه من كوريا بايظه عن عمد او لا الله اعلم

لكن اللي بيجيب تلفزيون ويطلع بايظ بيرجعه فما بالك بسياره

بقى انت عايزيني اشتري عربيه بايظه ومتفككه مية حته و متركبه تاني على انها زيرو

بقى هما ف التوكيل يقولولي انهم مسمارين ويبقوا ملايكه

انا اروح اشتري عربيه بايظه و انت تقولي اني لا اطاق

ولما انت عارف القصه كلها من المهندس وجدي ممكن تقولي حرف واحد انا كذبت فيه عشان اتقي الله

ممكن تقولي هي العربيه كانت سليمه و انا اللي طلبت انها تغير طقم دبرياج و لا ايه

عارف انا هتقي الله فعلا ف حقي و مش هتنازل عنه