الموضوع: حكايتي مع النيو اكسنت وغبور-ما حدث وماأتخذته من اجراءآت وما سوف اتخذه

المشاركة الأصلية كتبت بواسطة weta

كلام فاديييييييييييييييييييييي طبعا العربيه بتنزل بقالها اربع سنننننننننين مع ناس زي الفل ..
اثانيا :الضمان تصليح مش تغيييييييييييييير ده في العالم كله

اثالثا انت عندك عقده نفسيه متخدش حايه اتصلحت ده مشكلتك
انت ليك العربيه تبقي زي الفل وعليها ضمان
عمري ماشوفت اي حاجه تلفزين اي جهاز اي حاجه عليها ضمان بايزه وتكلم التوكيل يديك حاجه جديده
انا كنت شغال في احد التوكيلات والحاجه تتغير لما العيب يدخل الصيانه 3 مرات الرابعه يتغير

بلاش بلبله علي الفاضى ولو تعرف تاخد حقك الهو مش حقق كنت خاته منتها الهدوء مش بشكل ده ولتعرف تعمله اعمله

يعني حاطط نفس الرد فموضوعي و موضوع الراجل اللي غيروا له الموتور

طب انا مشكتي ان العربيه جايه من ع الزيرو بايظه و رافض اني اشتري زيرو متصلح
و الراجل بتاع الموتور عربيته دخلت التوكيل مش 3 مرات و بس ده حوالي 7 مرات

و مع ان محدش منا جاب سيرة عربيات الناس اللي بقالها 4 سنين و لا - بلبلنا اي حاجه - بلبلة ايه هما اصلا هاممهم

و مع ان كلا مننا له مشكله مختلفه لكن انا وهو تشابهنا في نفس نوع المرض النفسي او العقده النفسيه

تصدق انت حتى متستاهلش اشتكيك للاداره على الرد اللي انت كاتبه - انت كده عسل بس بتقول شغال ف توكيل يا ترى شغال فتوكيل ايه ؟؟؟؟؟؟؟؟

تغور أي حاجة من وش غبور...انا كرهت الهيونداي بسببه فعلاً...مفيش ضمير في اي حاجة ولا في السيلز ولا في الصيانة ولا في اي حاجة....حرامية × حرامية...وطبعا اهم حاجة بيعرفوا يعملوها......بيع الكلام ليس إلا.

لو حابين تعملوا حملة noforghabbour ، انا متبرع بإسم نطاق بهذا الشكل noforghabbour.com + متبرع بمساحة مفتوحة وباندويث مفتوح للموقع + الدعم الفني ليه كمان وتركيب احدث حاجات عليه و محاولة ايصال رسالة لهيونداي كوريا ان ما يحدث بمصر يضر منتجاتهم....دا غير ان لو حد هنا ليه في الفيس بوك والحملات دي ياريت نعمل الحملة دي على الفيس بوك كمان لان ليه زواره....

اهم حاجة العالم دي تنضرب على قفاها ويعرفوا ان احنا مش هبل ولا بيتنصب علينا ولو اتنصب علينا هنعرف ناخد حقنا حتى لو بالدراع.

هو الحكايه ان الموضوع بعيد عن ان حد يتهمني بالمرض النفسي
او ان حد يفتكرني عايز اعمل حمله

انا لما بطلب حاجه حاسس انها حقي ابقى مش مجنون و كمان لما ادور ع الحق ده فانا مبدورش على اي ضرر للتوكيل و لا للناس اللي فيه - بالعكس انا بقول يارب مكنش ظالمهم بس للاسف هما اللي ظالمني و ظالمين نفسهم

ببساطه انا لو مكنتش حسيت بعيب العربيه م اليوم الاول و اتأكدت منه قبل 14 يوم كنت قبلت بتصليح السياره و ساعتها كنت هستنى لو باظت 3 مرات تبقى ف الرابعه ترجع ده على كلام الراجل اللي بيدافع عن التوكيل وكمان مهندس عاطف قالي نفس الكلام وانا هناك مع انهم قبل الثالثه هيكونوا خلوك تقول حقي براقبتي وتبيع و تطفش منهم ارحم

لكن ظهور العيب من الايام الاولى و اكتشافه قبل 14 يوم هو اللي يخليني انا و الوكيل و الشركه فكوريا تحت امر القانون المصري اللي هما انكروه

انا لما روحت اشتري عربيه زيرو كان عشان ربنا يباركلي فيها و احافظ عليها فابريكه - ده انت لو اشتريت موبايل و اتفكت مساميره قيمته بتقل فما بالك بعربيه بكام الف و انا مش هتكسف لما اقولكم من يوم ما شوفتها لاول مره سنه 2006 و انا بحوشلها و ف الاخر كملت ع اللي معايا بالاضافه لجمعيه صغيره و جيبتها - الاقي كل ده فلحظه بيتفكك مية حته - ولا تقولي فابريكه ولا مسامير و لا تقولي تحافظ و لا تبعتر- العربيه بايظه يا ريس - 14 سنه بسوق عربيات مستعمله و مفكتش فيوم موتور و لا فتيس - عشان اجيب عربيه زيرو تيجي بايظه و اللي عمري ما فكيته ف المستعمل فكيته ف الزيرو البايظ

يبقى لو اتمسكت بحقي في تطبيق القانون ابقى غلطان - لو قولت يا عالم يا هو عايز العربيه الزيرو تكون زيرو ابقى مريض نفسي



كمان انا كنت كاره جدا الناس اللي شغاله ف التوكيل لكمية الكذب المنظم اللي اتعرضت له - بس صديقي و زميلنا احمد عز اللي شارك بالمشاركه رقم 532 بعد ما رديت على مشاركته كلمني امبارح ف التليفون و عرفت منه مبرره لهذه المشاركه زي ما اصحابنا ف التوكيل عارفين ايه هو المبرر و عرفت منه السبب اللي بيخلي الناس دي معزوره تكذب و المبرر اللي بيخلي التوكيلات ممكن تكون عارفه الحق فين وتنتظر قرار من جهاز جماية المستهلك او حكم من المحكمه الاقتصاديه او قرار من النائب العام - وعندها الفضيحه ابسط من الاعتراف بالحق

بس كمان انا عرفته انا رافض ادخل ف ايه و عرفته اللي مش عارف اكتبه هنا و عرفته اللي كلموني قالولي ايه و وروني ورق ايه - كلام لو دخلت فيه يبقى ممكن انزل من بيتنا مرجعش - و ناس تقولي انا مكبر الموضوع - ده انا عايز ابعد

انا زي ما قولتوا اسوء حاجة بتضايق الانسان وبتمس كرامته هى
الاستخفاف بيه وبعقله
انا بس عايز اللي باع لي زيرو يراعي ربنا و يراعي شعوري قبل الفلوس اللي دافعها و بس
انا عايز لو حد معتمد انه يكسب اكتر لما يجيب شويه عربيات درجه تانيه وسط الباقي يعرف انه كده ممكن يخسر - و لو النهارده لا انا و لا ميه زيي يأثروا فيه فبكره يبقوا الف و المايل يتعدل

انا ممكن اخسر خمس الاف جنيه ف العربيه و ابيعها بس ده بعد ما احاول مع كل الطرق القانونيه اللي ف بلدي - بالاضافه لأني سأستميت في محاوله توضيح ما حدث معي حتى يتنبه اي مستهلك لحقه و اذا كنت انا الوحيد اللي حصل معايا كده فده شيء يسعدني بس لو شوفتوا و سمعتوا اللي انا سمعته تعرفوا ان مش انا بس ابدا

كمان انا كنت صريح وواضح معاكم و قولت لكم لما روحت جهاز حمايه المستهلك - و انا قاعد ف الريسيبشن حوالي نص ساعه سمعت عن ميت شكوة كلها سيارات لشركات مختلفه و كأن الجهاز ده فاتح بس للسيارات
يعني هي ثقافه عامه ان نسيب الناس دي تدخل لنا عربيا بايظه و بعد كده نروح نخبط دماغنا ف الحيط

انا ياريت اقدر اعمل حمله تدعو لانك تكشف على عربيتك كويس ف ال 14 يوم الاولى
ومعاها حمله للمطالبه بالتطبيق الفوري للقانون
ده اللي يخلي كل التوكيلات دي تحسبها مية مره قبل ما تدخل عربيه بايظه
انا ممكن اطلب حمله للشركه فكوريا اطابهم باحترام المستهلك فمصر

لكن لما اشارك فحمله ضد غبور نفسه هستفيد ايه - هو غبور الي دخل اللحمه اللي بدودها و لا غبور اللي جاب لنا قمح مسرطن ولا غبور اللي جاب مبيدات مسرطنه هو غبور اللي استورد اكياس دم بايظه

العيب مش ف اللي بيجيب - العيب ف اللي بياخد و مبيقولش لأ
و مع ان المستفيدين ليهم سطوتهم و نفوذهم بس برده اعلى الجهات ف البلد بتساعدنا وبتكشف الناس دي - ياريت احنا كمان نساعدهم و نحاول نبقى احسن لانك لو سكت محدش هيجيب لك حق و احترامك لنفسك ويرميه تحت رجلك

يا جماعة انا عايز اقول حاجة
اولاً موضوع ترجيع العربية لكوريا ده هو ميقدرش يعملو لأنه هو اصلا طالب منهم توريد عربيات درجه تانيه او تالته و الدليل على كده ان اي شكوى لكوريا هما بيبعتوها مصر تاني
ثانياً هو ميقدرش يرجعلك العربيه لانه كده هيفتح على نفسه باب جهنم

انا مش بقولك كده من باب الأحباط بس حبيت اوضح اللعبة اللى بيلعبوها علينا وربنا معاكو

المشاركة الأصلية كتبت بواسطة ahmedbakr50

:pointiy2[2]:

المشاركة الأصلية كتبت بواسطة mhoss

على فكرة الطب تقدم جداً فى علاج إنفصام الشخصية....

هههههههههههههههههههه
هههههههههههههههههههه
انتوا هرشتوها برضو
ههههههههههههههههه
........................*
محمود عينو