الفرامل بتصفر

**gta10** · 12-03-2010 03:47 PM

يا جماعة انا عندى مشكله فى الفرامل هى العربية لانسر بومه 2009 و عامله 10000 كيلو و كل لما ببقى ماشى هادى الفرامل بتصفر جامد و روحت كشفت على التيل فى كذا مكان و لاقيت التيل سليم و فى واحد قالى عايز يتخشن فعملتها قعدت اسبوع و رجعت صفرت مع العلم ان فيها التيل الاصلى بتاعها اللى هو الاخضر و مكتوب عليه sumitomo فكنت عايز اعرف ايه بالظبط اللى بيخلى الفرامل بتصفر جامد كدا و كمان هى مش بتصفر على طول يعنى مرة تصفر و مرة لا

**ahmed_eng2001** · 12-03-2010 05:26 PM

المشكلة دى كانت عندى عشان كنت مركب تيل مش اصلى !!! ده السبب الوحيد الى اعرفه عشان الفرامل تصفر , التيل الاصلى مكانش بيصفر معايا خالص !!!

**maro2007** · 12-03-2010 07:22 PM

انا شايف ان ده بفعل التراب فالتراب بيقى على الطنبوره والتيل فاما تيجى تمسك فرامل التراب ده بيعمل صفاره اغسل الطنبوره والتيل وجرب كده العربيه وقولى ايه الاخبار

**أبو إياد** · 12-03-2010 11:02 PM

هو فعلا ممكن يكون بسبب الرايش الناتج عن تاكل التيل فممكن بكمبروسر الهوا تنظف التيل والطانبوره
ولو هاتغسلهم بالمياه ياريت ماتكونش العربيه لسه جايه من مشوار وتكون الطنابير بارده تماما

**gta10** · 20-03-2010 01:45 AM

يا جماعة ما فيش حد رد عليا تانى ليه علشان التيل لسه ماكملش 10000 كيلو وبيصفر مع انه اصلى و كشفت عليه لاقيته سليم

**mohamedway** · 20-03-2010 10:34 AM

متحطش فى دماغك هو ده الطبيعى بتاع تيل الانسر و لا أنصحك بتغيير نوع التيل اللى راكب فيها أبدا..........و لا اعتقد انه بيصفر جامد للدرجه يعنى و مش دايما هتلاقيه بيصفر.........

**مصراوي جدا** · 20-03-2010 01:43 PM

هو ممكن جدا يكون الماية لها تأثير انما لما بتنشف المفروض الصوت يروح

عموما لما تعمل صيانة العشرة آلاف ابقى خليهم يكشفوا على التيل ويحددوا سبب الصفارة تيل ولا سوستة تيل ولا ايه

**mohamedway** · 21-03-2010 08:55 AM

المشاركة الأصلية كتبت بواسطة gta10

هى فعلا الصفارة اوقات و اوقات يعنى ممكن تصفر بس مش كتير و لما بتصفر بيبقى صوتها عالى

بص هو انا لاحظت ملاحظة وهى ان بعد غسل العجل بالماء الصفارة بتبقه زايده قوى.......

لو البواب عندك أو السايس فى الجراج بيغسل العجل كل يوم بالماء جرب تخليه ما يغسلش العجل بالماء كام يوم كده و شوف النتيجة.