الفرامل بتصفر

**jemy_tnt** · 19-11-2011 05:34 PM

دلوقت انا عندى لما العربيه تمشى شويه و الجنوط يسخن بتبقى كل مادوس فرامل الاقى صوت صفاره و انا مغير الطنابير من قريب لانها بردو كانت بتصفر و بعد مغيرتهم الصفاره قلت بس مش راحت و بتزيد كل مالجنط يسخن رجعت للراجل اللى اخدت منه الطنابير قلى ده عيب تيل رغم انى مغير التيل من قريب و كان روود هاوس و الناس هنا قالولى انو نوعه كويس
فعاوز اعرف اتاكد ازاى انو العيب بتاع الصفاره ده تيل ولا طنابير و لا ايه الحل افيدونى عشان انا الصفاره بوظتلى ودانى

ثانيا بقا ناوى اغير الزيت على اول الشهر و مش عارف احط زيت ايه محتار بين ليكوى مولى و فالفولين و كاسترول انا مش مهم بالنسبه ليا الزيت يشتغل كام كيلو لانى حركتى بالعربيه محدوده و مش كتير بس فى نفس الوقت عاوز حاجه تحافظ على الموتور و تظبطه
فاللى عاوز اعرفه انواع الزيوت دى بتتغير كل اد ايه مده مش كيلو يعنى مثلا انا حاليا حاطط توتال 5000 الراجل اللى اشتريته منه قالى يا يعمل 5000 كم او 6 شهور و انا على اول الشهر هكمل ال 6 شهور بس مش عامل الا 1500 كيلو فعاوز اعرف الزيوت زى فالفولين و ليكوى مولى و الحاجات ال 10000 كم دى تحتاج تتغير كل مده اد ايه

**tananybasha** · 19-11-2011 11:51 PM

1. صفارة التيل يا اما وساخه عليه
يطلع يتصفر و يتجلخ و يركب تانى
يا اما التيل مضروب و عليه نحاس
و ده يبان لو طلعت التيل و شفت عليه اثار بتلمع
يا اما الطنابير بتخللى التيل يأزز
يبقى عامل زى الأزاز
و ده يبقى الطنابير دى تعبانه قوى

2. مفيش زيت ليه عمر بالشهور
ليه عمر شغل
و حالة الزيت
و لزوجته
لو الزيت عندك لسه لونه كويس
و مش محروق
و لزوجته كويسه
سيبه

**tananybasha** · 20-11-2011 12:22 AM

اسود طين ده مش طبيعى على المافة اللى انت بتقول عليها
عشان يتحرق بالشكل ده
لازم يكون مشى اكتر من كده
و هو فى نفس الوقت دليل انه بيأدى وظيفته
بس انت بتقول توتال صح
توتال بيسود بعد 1000 كم
و بيحل لوحده بعد 2500 كم

**tananybasha** · 20-11-2011 10:43 PM

موضوع فترة الزيت ده مسمعتشى عنه

**tananybasha** · 21-11-2011 12:33 AM

عايز فلتر مضمون
روح لبتوع دايو
و هات فلتر جى ام كورى اصلى
هتلاقيه من 15 ل 20 جنيه
و مع كل غيار زيت غيره
موضوع نوع الزيت ده محير
خاصة انى معرفشى حالة الموتور
و لا اسعار الزيت الليكوى مولى

**tananybasha** · 21-11-2011 10:28 PM

وانا لسه مستنى ترسو على زيت
و ان شاء الله هاغير قريب
اول ما تيجى الفلوس

-

-

-

-

الموضوع: الفرامل بتصفر

LinkBack

أدوات الموضوع

عرض