الفرامل بتصفر

**nobody** · 21-05-2008 06:18 PM

يا جماعة انا بقالي فترة بعاني من مشكلة ان تيل الفرامل بيصفر تقريبا بعد 10 الاف كيلو
المهم فكيت التيل وصنفرته و نضغت الطنابير الفرامل بطلت تصفر و بتمسك احسن بشكل ملحوظ بس للأسف اعدت اسبوعين و بعد كده رجعت تاني فهل التيل اللي جاي معاها سيء لان لو كده اغيره و اجيب نوعية احسن ارجوكم ساعدوني؟

**mada121977** · 22-05-2008 03:16 PM

هوا ممكن تكون الطنابير عاوزه تتخرط علشان فيها ريجه (يعنى سطحها مش مستوى)وده اللى خلى التيل يصفر تانى علشان التآكل بتاعه غير منتظم فالحل خرط الطنابير علشان تبقى كلها سوا بعض (انا عملت ده فى التوكيل ب 70 جنيه)

**nobody** · 23-05-2008 12:40 AM

لو حضرتك ببتكلم عن اللانسر تبقى مشكلة
لأن أنا معايا دوجان من سنة 95 عمر ما الفرامل صفرت نهائي الا لما جبت تيل مصري اول ما سمعت التصفير رميته على طول وجبت واحد تركي و عمرها بعدها ماصفرت
يعني اللنسر الياباني لسه ما كملتش 10 الاف كيلو تعوز خرط طنابير على كده بقى الدوجان احسن من الياباني!!
أنا مدايق جدا من العربية بسبب فراملها السيئة اللي لازم تدوس جامد عشان تقف دي لو في موقف حرج ولا حاجة لاقدر الله حأضيع يعني ما كانوش عارفين يحطوا فرامل احسن من كده
حتقلي عيب فردي .لأ عشان رحت التوكيل كذا مرة وقالولي ان الفرامل بتعاتها هي كده و حتى البشمهندس طارق زويل جزاه الله خيرا وصى عليا جامد بس للأسف هي فراملها سيئة

انا سقت عربيات كتير وعارف يعني ايه فرامل حلوة .هو العيب عليا انا المفروض قبل ما اشتريها اعمل تست درايف لكن الحمد لله على كل حال