حضرتك لو كنت قريت كويس حتلاقينى انى ناوى اجيب العربيه التيدا للمدام يعنى مقتنع بيها انما بقى حكاية الكورولا مش محتاج اخش فىنقاش فيه لانه كل واحد ليه وجهة نظر بس احب اعرفك علشان ابعد عن المشاكل انا جايب الهاى لاين مانيوال والحمد لله
عرض للطباعة
طبعا انتوا عارفين إن معايا تيدا بلس (اللي هي أعلى فئة)
وأحب أقول بدون أي تحيز والله على ما أقول شهيد أن عيبها -بالنسبة لمرحلة عمرية- معينة إنها مش شبابي يعني تصميمها مش هجومي ولا يوحي بقوة الموتور , وخلوا الشكل لأهل الشكل
وللأسف هما كثر , يعني تركب عربية اعتمادية شكلها عادي و الا تركب عربية تقلب بيك على 90 بس شكلها رياضي؟؟؟
والا تركب عربية بلا اي امان لا وسائد و لا فرامل ؟؟؟؟؟
طبعا غالبية السوق بيفضل اللي بتقلب واللي بدون آمان بس شكلها رياضي ,يبقى أنت أكيد في مصر
يبقى على العموم نقدر نقول إنها عربية مناسبة للشاري صاحب سن فوق الـ 30 ومش مناسبة لمن هم دون ذلك
ده بالنسبة للتصميم الخارجي
أما للداخلي فهي طبعا معروف (حتى عالميا) إنها الأوسع على الإطلاق في فئتها حتى تصنيف التيدا غير متفق عليه هل هي mid-size ولا Subcompact لإنها صغيرة من ا لخارج كبيرة في الداخل وهو ده بالظبط طلبات رب العائلة , إنها تكون صغير لسهولة الركن وكبيرة تأخد العيال وحاجاتهم
العربية تقريبا فيها كل الأوبشنز المعروفة , يعني متحسش إن في حد عنده حاجة مش عندك , بل بالعكس في التيدا حاجات مش موجودة في غيرها زي مثلا إن الزجاج محمي من الأشعة تحت الحمراء الضارة , يعني لما تسافر بيها في الشمس العيال ما يتحرقوش ولا يسمروا حتى ولو كانت اشعة الشمس مباشرة
تكييف التيدا هل من منافس ؟؟؟؟
نيجي للخامات , بصراحة التيدا عقدتني في حاجة , ما فيش عربية في نفس الفئة أدخلها إلا وأحس إنها رخيصة بالمقارنة بالتيدا
الكيا بكل أنواعها
الهيونداي بكل أنواعها
التويوتا بكل أنواعها
بصراحة العربية الوحيدة اللي حاسيت إنها أحسن شوية من التيدا , هي الشيفورلية كروز
بدون أي حساسية و تعصب يا جماعة بجد ادخلوا التيدا بلس و شوفوا خامات الجلد و الفيبر اللي فيها !!!!
حقولكم حاجة أزيد
أفتحوا كابوت التيدا و كابوت التويوتا و اللانسر وشوفوا الفرق في خامات التصنيع الداخلية (اللي محدش بياخد باله منها ) فرق كبير بجد
أداء الموتور رائع , الموتور ألومنيوم على كاتينة صامت جدا عنيف جدا بيجيب بالأوتو 0 : 100 في 10 ثواني (عندي موضوع على كده) بيطلع 118 حصان عند 6000
يا جماعة الناس في أميريكا بتقارنها بالسيفيك و الكورولا إحنا هنا بنقارنها باليارس ؟؟؟
أدخلوا واقروا
Nissan Tiida - Wikipedia, the free encyclopedia
لما كنت باشتريها (مكنتش متحيزلها خالص) قارنتها بالكورولا الجنوب أفريقي , بصراحة الفرق كبيرة قوي في الوسع والخامات وكمان الكورولا أغلى , طبعا أخترت التيدا وما ندمتش
وأندم ازاي !!
التيدا في امريكا واخدة جايزة
"Inter-American Car of the Year 2007"
والكورولا هناك سحبوها لعيوب في الصناعة !!!
لسه في حد شايف إن الكورولا أحسن ؟؟
http://motokoto....s.com/1tiidaint.jpghttp://motokoto....s.com/1tiidaint.jpg
اسعار قطع الغيار اخبارها أيه ؟
طبعا احب بس احييك على طريقتك الجميلة فى المناقشة
العربية معانا من وهية زيرو وهية لسة من اسبوع مكملة 70 الف كيلو
دية عربية واحد صاحبى وتقريبا العربية بنسوقها وبنركبها يوميا وبنشد وبنجرى لان هو بطبيعتة سواقتة عصبية شوية
حضرتك بتقول العزل انا ماقولتش اى حاجة عن عزلها غير انى ماركبتش عربية وحسيت بفرق فى العزل انا بركب عربيتى ,ولانسر بومة ماكانش فية اختلاف وبتكلم عن عزل الضوضاء مش عزل الماتور عن العربية لانى قولت ان الماتور صوتة هادى جدا حتى مع الشد
بالنسبة لسحبها احنا ماجريناش بيها مع حد قبل كدة باستثناء معايا بس طبعا مش هينفع اقارن اصلا
والعربية كانت تجميعها حلو لحد 120 وكنا ماشيين قارصين اصلا من اول ماطلعنا العداد ماكنش بيمشى بسرعة عيبها انى مقاومتها للهواء ضعيفة ودة طبيعى جدا بسبب تصميمها
بالنسبة للتقفيل انا ماكلمتش علية خالص ,والفرش بتاعها بيتوسخ جدا من اقل حاجة وعايز واحد فاضى
والمشكلة انها نازلة باللون دة
بالنسبة للفرامل من سواقتى ليها حسيت انها مش قوية للدرجة الكافية يعنى على السرعات الواطية حلوة جدا بعد كدة بتاخد وقت لايقاف السيارة
احنا جربنا مع بعض ومشينا مع بعض لحد الوصول الى سرعة 100 كيلو وثبتنا السرعة على كدة ودوسنا فرامل انا وقفت قبلة مع ان التيل عندى فاضل فية نصة وهو كان عندة ماكملش 5000 كيلو
ومن عيوبها على فكرة بتاكل تيل كتير احنا مغيرين التيل تلات مرات فى 8 شهور بس طبعا مش هقدر احكم عليها لانة بيجرى كتير
حضرتك ممكن تجربها بنفسك اصلى دة مش كلامى لوحدى والله كل اللى فى العربية قلقوا من الثبات بتاعها وفضلنا ماشيين فى نص النفق لان الكلام دة كان يوم جمعة الساعة 7:30 الصبح فتقريبا ماكنش فية غيرنا حتى صاحب العربية نفسة كان معاة افيو وغيرها وكانت من عيوبها بردة الاستابيلتى,ولما جاب التيدا قال هو الاستابيلتى دة ورايا ورايا بس طبعا هية اثبت من الافيو
موضوع الشكل دة بقى ازواق مش اقدر اقول لحضرتك حاجة فية
النور والله دة الى حصل ولو عايز اصورهالك اصورهالك مابقاش غير فانوس الاستوب الخلفى العلوى هو بس اللى بينور
وعلى فكرة من العيوب بردة ان العربية دية مافيهاش فتحة شنطة من الداخل موجودة فقط مع السنتر
دة رائى واجماع مع زملائى مش رائى لوحدى غير كدة العربية تمام واعتمادية فعلا صاحبى الحمد لله ماعملش فيها حاجة وبقالها سنة غير بس تغير الفرامل وتربيط عفشة وطنابير وزيت الحاجات العادية يعنى
انا لسه شايف انى الكورولا احسن مع احترامى طبعا للتيدا واللى كنت ناوى اجيبها للمدام بس ما زلت احاول اقنع نفسى بيها من حيث الشكل الخارجى (اعادة البيع بس) وكمان حتة الكاسيت مش اصلى اللى فيه فراغ تحتيه ديه مش ظريفه وغير العدادات ذات الخلفيه البيضاء وبرده عدم وجود مخدع بين الكرسيين الاماميين وفيها اتنين اير باج فقط وسعرها 110 سيدان و 127 هاتش باك (مع انى مش مع المقارنه بينها وبين الكورولا بس حذكر لحضرتك بعض الكماليات البسيطه اللى متذكرها حاليا فى الكورولا(الكورولا هاى لاين 2009 9 ايرباج ومفتاح ذكى وجنوط وعدادات اوبتيترون وحساسات مطر ورشاشات للفوانيس واضاءه اوتو ماتيكيه ومراية تعتيم وجهاز سى دى 6 اكستشانجر 135 الف ) ولا اختلف معك انى التييدا خاماتها الداخليه فعلا ذات جوده عاليه وديه كانت اول ملاحظه ليا عندما قمت بعمل تيست دريف لمانيوال زى بتاعتى الكورولا مع احترامى ليك الفرق فى السحب وصوت الموتور والعزل والمناوره والشكل العام للتابلوه فى الكورولا وده راى شخصى يرضى رغباتى وطموحى فى ما اتمناه فى العربيه وممكن تقول زى ما حضرتك تفضلت انها احسن من الكورى ومش تنسى انها يابانى يعنى قمة التصنيع بس فيها احساس بعدم الراحه من المنظر الخارجى وده مش يفرق معايا خالص بس يفرق فى اعادة البيع لانى لما حبيع حبيع لواحد زى ما حضرتك تفضلت وقلت بيركب شكل وخلاص وبالتالى مش حلاقى ليها زبون ولو لاقيت السعر حيبقى غير مقنع وظالم ليها وليا فى نفس الوقتز
بالنسبه لموضوع انى العربيه واخده رقم واحد ده كان 2007 ومش عارف ترتيبها ايه دلوقى بس اللى احب ااقولهولك انى الالنترا فى بيست سمول كار واخده رقم تلاته معنى كده انى الالنترا هى هى نفس المواصفات اللى بتييجى مصر او هى احسن كعربيه كورى
مع احترامى ليك كل العربيات اللى خارج مصر تختلف كليا عن العربيات اللى بتجيلنا هنا من جميع الانواع وبمختلف الطرازات
وارجو تقبل كلامى بصدر رحب وكل التحيه لكل توكيلات العربيات التى تتمتع بمصداقيه مع عميلها.
انما موضوع سحب كورولا ده تعبت منه ومن الرد فيه لانى مقتنع تماما انه اخد اكبر من حجمه والدليل انه مازالت تويوتا تبيع فى مصر يمكن بنسبه ااقل انا لسه واحد زميلى فى المكتب جايب واحده اوتوماتيك اول امبارح وانا ما زلت ااقول السحب ده علامه فى تاريخ تويوتا ولكن يزيد الثقه فيها
ارجو تقبل كلامى بصدر رحب وادعيلى انى احاول اقتنع بشكل التييدا لاقناع المدام لانه اللى يهمنى عامل الامان فيها اكتر من الشكل نظرا لتواجد اولادى معاها لفتره طويله كنت عاوز اجيب لها الياريس بس للاسف مفيش منها 2010
يا جماعة انا كنت عاوز اضيف حاجة العربية مع واحد صحبي 2009 اوتو يا جماعة بجد العربية ثبتها مش كويس خالص مقارنة ب البرسونا الي معايا من ناحية الثبات بجد انا لما بركبها معاة بمجرد انك تعدي ال 140 بجد ثبتها بيقل و علي فكرة بالنسبة للمتور ال 118 دول gross مش net القدرة الحقيقية فقط 109 دي ال net وفي النهاية ايضا تعتبر من افضل السيارات في نفس فئتها و شكراا