الموضوع: التيدا هل تكتسح

اسعار قطع الغيار اخبارها أيه ؟

انا لسه شايف انى الكورولا احسن مع احترامى طبعا للتيدا واللى كنت ناوى اجيبها للمدام بس ما زلت احاول اقنع نفسى بيها من حيث الشكل الخارجى (اعادة البيع بس) وكمان حتة الكاسيت مش اصلى اللى فيه فراغ تحتيه ديه مش ظريفه وغير العدادات ذات الخلفيه البيضاء وبرده عدم وجود مخدع بين الكرسيين الاماميين وفيها اتنين اير باج فقط وسعرها 110 سيدان و 127 هاتش باك (مع انى مش مع المقارنه بينها وبين الكورولا بس حذكر لحضرتك بعض الكماليات البسيطه اللى متذكرها حاليا فى الكورولا(الكورولا هاى لاين 2009 9 ايرباج ومفتاح ذكى وجنوط وعدادات اوبتيترون وحساسات مطر ورشاشات للفوانيس واضاءه اوتو ماتيكيه ومراية تعتيم وجهاز سى دى 6 اكستشانجر 135 الف ) ولا اختلف معك انى التييدا خاماتها الداخليه فعلا ذات جوده عاليه وديه كانت اول ملاحظه ليا عندما قمت بعمل تيست دريف لمانيوال زى بتاعتى الكورولا مع احترامى ليك الفرق فى السحب وصوت الموتور والعزل والمناوره والشكل العام للتابلوه فى الكورولا وده راى شخصى يرضى رغباتى وطموحى فى ما اتمناه فى العربيه وممكن تقول زى ما حضرتك تفضلت انها احسن من الكورى ومش تنسى انها يابانى يعنى قمة التصنيع بس فيها احساس بعدم الراحه من المنظر الخارجى وده مش يفرق معايا خالص بس يفرق فى اعادة البيع لانى لما حبيع حبيع لواحد زى ما حضرتك تفضلت وقلت بيركب شكل وخلاص وبالتالى مش حلاقى ليها زبون ولو لاقيت السعر حيبقى غير مقنع وظالم ليها وليا فى نفس الوقتز

بالنسبه لموضوع انى العربيه واخده رقم واحد ده كان 2007 ومش عارف ترتيبها ايه دلوقى بس اللى احب ااقولهولك انى الالنترا فى بيست سمول كار واخده رقم تلاته معنى كده انى الالنترا هى هى نفس المواصفات اللى بتييجى مصر او هى احسن كعربيه كورى
مع احترامى ليك كل العربيات اللى خارج مصر تختلف كليا عن العربيات اللى بتجيلنا هنا من جميع الانواع وبمختلف الطرازات

وارجو تقبل كلامى بصدر رحب وكل التحيه لكل توكيلات العربيات التى تتمتع بمصداقيه مع عميلها.

انما موضوع سحب كورولا ده تعبت منه ومن الرد فيه لانى مقتنع تماما انه اخد اكبر من حجمه والدليل انه مازالت تويوتا تبيع فى مصر يمكن بنسبه ااقل انا لسه واحد زميلى فى المكتب جايب واحده اوتوماتيك اول امبارح وانا ما زلت ااقول السحب ده علامه فى تاريخ تويوتا ولكن يزيد الثقه فيها

ارجو تقبل كلامى بصدر رحب وادعيلى انى احاول اقتنع بشكل التييدا لاقناع المدام لانه اللى يهمنى عامل الامان فيها اكتر من الشكل نظرا لتواجد اولادى معاها لفتره طويله كنت عاوز اجيب لها الياريس بس للاسف مفيش منها 2010

المشاركة الأصلية كتبت بواسطة abou_ruqi

طبعا انتوا عارفين إن معايا تيدا بلس (اللي هي أعلى فئة)

وأحب أقول بدون أي تحيز والله على ما أقول شهيد أن عيبها -بالنسبة لمرحلة عمرية- معينة إنها مش شبابي يعني تصميمها مش هجومي ولا يوحي بقوة الموتور , وخلوا الشكل لأهل الشكل
وللأسف هما كثر , يعني تركب عربية اعتمادية شكلها عادي و الا تركب عربية تقلب بيك على 90 بس شكلها رياضي؟؟؟
والا تركب عربية بلا اي امان لا وسائد و لا فرامل ؟؟؟؟؟

طبعا غالبية السوق بيفضل اللي بتقلب واللي بدون آمان بس شكلها رياضي ,يبقى أنت أكيد في مصر

يبقى على العموم نقدر نقول إنها عربية مناسبة للشاري صاحب سن فوق الـ 30 ومش مناسبة لمن هم دون ذلك

ده بالنسبة للتصميم الخارجي

أما للداخلي فهي طبعا معروف (حتى عالميا) إنها الأوسع على الإطلاق في فئتها حتى تصنيف التيدا غير متفق عليه هل هي mid-size ولا subcompact لإنها صغيرة من ا لخارج كبيرة في الداخل وهو ده بالظبط طلبات رب العائلة , إنها تكون صغير لسهولة الركن وكبيرة تأخد العيال وحاجاتهم

العربية تقريبا فيها كل الأوبشنز المعروفة , يعني متحسش إن في حد عنده حاجة مش عندك , بل بالعكس في التيدا حاجات مش موجودة في غيرها زي مثلا إن الزجاج محمي من الأشعة تحت الحمراء الضارة , يعني لما تسافر بيها في الشمس العيال ما يتحرقوش ولا يسمروا حتى ولو كانت اشعة الشمس مباشرة

تكييف التيدا هل من منافس ؟؟؟؟

نيجي للخامات , بصراحة التيدا عقدتني في حاجة , ما فيش عربية في نفس الفئة أدخلها إلا وأحس إنها رخيصة بالمقارنة بالتيدا
الكيا بكل أنواعها
الهيونداي بكل أنواعها
التويوتا بكل أنواعها

بصراحة العربية الوحيدة اللي حاسيت إنها أحسن شوية من التيدا , هي الشيفورلية كروز

بدون أي حساسية و تعصب يا جماعة بجد ادخلوا التيدا بلس و شوفوا خامات الجلد و الفيبر اللي فيها !!!!

حقولكم حاجة أزيد

أفتحوا كابوت التيدا و كابوت التويوتا و اللانسر وشوفوا الفرق في خامات التصنيع الداخلية (اللي محدش بياخد باله منها ) فرق كبير بجد

أداء الموتور رائع , الموتور ألومنيوم على كاتينة صامت جدا عنيف جدا بيجيب بالأوتو 0 : 100 في 10 ثواني (عندي موضوع على كده) بيطلع 118 حصان عند 6000


يا جماعة الناس في أميريكا بتقارنها بالسيفيك و الكورولا إحنا هنا بنقارنها باليارس ؟؟؟

أدخلوا واقروا

nissan tiida - wikipedia, the free encyclopedia


لما كنت باشتريها (مكنتش متحيزلها خالص) قارنتها بالكورولا الجنوب أفريقي , بصراحة الفرق كبيرة قوي في الوسع والخامات وكمان الكورولا أغلى , طبعا أخترت التيدا وما ندمتش

وأندم ازاي !!
التيدا في امريكا واخدة جايزة
"inter-american car of the year 2007"
والكورولا هناك سحبوها لعيوب في الصناعة !!!


لسه في حد شايف إن الكورولا أحسن ؟؟

المشاركة الأصلية كتبت بواسطة احمد عزت

المرادى المقارنة بين السيارة التيدا هاتشباك وباقى السيارات فى نفس الفئة ؟؟؟؟؟
لماذا لاتكسب التيدا الهاتشباك المنافسة ؟؟؟؟
1:وسع داخلى اكثر من رائع للفئة دة مظبوط
2:فخامة من الداخل اكثر من رائعة وخامات تقفيل شوفوها بنفسكمم مظبوط
3:يابانية 100 فى 100 وكمان من نيسان مظبوط
4:موتور 1600 سى فى تى من المواتير الاقتصادية جدا مظبوط
5:عفشة اكثر من رائعة ولا بتهبط ولا بتعوم ولا بترزع ولا كل الكلام دة العفشه ناشفه وعن تجربه
6:وسائل الامان كلها موجودة يعنى الاساسى ايرباج واى بى اس واى بى دى ...ولو الكاملة يزودلك اير باج كمان مظبوط
7:قطع غيارها موجودة يمكن مش بكثرة لكن توكيلها كويس ودة نيسان يعنى مش ماركة غريبة مظبوط
8:اعادة البيع يمكن مش كويسة بس دة عربية معمرة يعنى ما تفكرش تبيع قبل 5 سنين مشفتش منها مستعمل
9:شكلها السيدان مش ظريف اوىوحشه جدا(وجهة نظر) والهاتش باك احلى بكتيريمكن السيراتو والانسر الشارك اجمد بس طبعا انا شايف انها احسن منهم اولا احسن من السيراتو كجودة وحاجات كتير واحسن من الشارك كااعادة بيع وارخص منها كمان ببتاع 15 ل 20 الف....
10:الشكل دة هيفضل كمان باقى 2010 و2011 يعنى راكب عربية يابانى كاملة امنة مريحة فخمة ذات اداء عالى واقتصادية ........
اسعارها بقى الفوا اوبشن 117 اوتو
الكاملة اوتو 127

المنافسين
السيراتو :تتميز بالشكل فقط لكن الجودة والاعتمادية اقل
الفلوانس :اسعار قطع غيار ناااااااااااااااار دة المراية ب 2500
الكورولا اغلى وبعدين التيدا كيبانى احسن
الانسر الشارك احلى فى رأى بس تخاف منها لقلة انتشارها وكمان اغلى بكتير

طبعا السيفيك والجيتا وكل الفئات دة اغلى بكتيييييير اوى

فهل بكل اللى قولتو دة ......ممكن تكون التيدا هية الجواد الرابح فى هذة الفئة فى هذا التوقيت

لو الشكل مش فارق معاك يبقى توكل علي الله