بجد مش عارف اقولك ايه يا استاذ أحمد
ده أنتى مفترى يا راجل (بجد أبداع)
بجد مش عارف اقولك ايه يا استاذ أحمد
ده أنتى مفترى يا راجل (بجد أبداع)
اولا أحب احييك على التقرير الاكثر من رائع زي ماعودتنا دايما يا أحمد باشا واحب اشكر المهندس الفاضل خالد فاروق
أنا كنت بس عاوز اعلق على كام حاجة بناء على زيارتي لتوكيل كيا أبورواش لأول مرة لصيانة 10,000 كم يوم الخميس اللي فات :
- أولا بنسبة لمهندست الإستقبال اللي استقبلتك أنا بيتهيألي إني عارفها عشان هي هي نفس المهندسة اللي استقبلتني برده عشان هي واحدة بس على حد علمي وهيا فعلا مش بالكفاءة الكافية لانها تكون في مكانها بمعنى انها أولا مستابلتني سألتني في حجز قلتلها أيوه قلتلي رقم الحجز بحدة كده شوية قاعدت ادور عليه شوية ولاتوه الحمد لله رحت قالتلي افتح الكبوت فتحت الكبوت وانا حاسس إني قدام المدرس بتاعي وانا عيل صغير وكان نفسي :khd: بس قلت يلا معلش المهم قالتلي دي خليجي قلتلها ليه بتقولي كده إنتي شايفة فيها حاجة يعني غير بتاعت الوكيل ولا مكتوب عليها خليجي قالتلي لأ قلتلها خلاص طب ماتسأليني بدل متقوليلي وانا أقولك المهم قلتلها وكيل راحت قالتلي طب فين الضمان زي ماتكون مكدباني برده رحت جايبه من التابلوه فلما شفته ساداأتني ودي حجة استفزتني شوية بس بصراحة بعديها بقت كويسا بس المفروض إنها كانت تبقى كويسة من الاول مش فعلا التعامل يبقى وحش لحد ماتتأكد إني وكيل ولا لأ
- تاني حاجة بقى وهي بتستلم العربية في الملاحظات قلتلها إني عندي شكوى من وجود حدفة بسيطة شمال تظهر احيانا فيريت مراجعة الزاوية وعدم ظبطها إلا بعد ابلاغي راحت قالتلي ماشي ورحت اخرت استلم العربية للساعة 2 علما إني حاجز الساعة 10 الصبح وكنت هناك 10 وربع وكانوا اللي في التليفون ساعتين تقريبا (وده حعلق عليها بعدين) وقالتلي إن تكلفة صيانة el-10000 كم 400 جنيه غير 25 جنيه غسيل للمتور أنا طلبته وكمان 90 جنيه لو الزاوية اتظبطت
- المهم اعدت مستني المهندس خالد لحد مظهر في مكتبه عشان فعلا كان نفسي اتعرف على الشخصية ده من زمان وهوا كان ذوق جدا معايا وطلب ال work order بتاع العربية ويوصا عليها كمان وعملي خصم على المصنعيات بدون طلب مني بس لما عرف إني من أعضاء نيل موتور شايفين الدلع وكمان الغسيل مجانا وظبت الزاوية كمان إذا لازم ولما اتكلمنا شوية في موضوع الحدفة الشمال دي شبه اتفقنا إنه يرجع إلي نوع الكاوتش مش أكتر وهوا قال لي إنه أول مجاب عرابيته ال سيراتو الشكل القادم رمى الكاوتش وجب نوع أنضف وانا إن شاء الله ناوي أعمل كده لما يبقى معايا شوية فلوس إن شاء الله :dzey:
فالاخر استلمت العربية الساعة 3 وربع وفعلا كان التوكيل زحمة جدا فهما يعني معذورين شوية بس مش للدرجة ده بس بجد كفاية معملت المهندس خالد وزوقه وخصمه هاهاهاهها
آسف للاطالة بس ياريت كل توكيل يبقى فيه حد زي المهندس خالد بجد عشان مستواه مايبقاش زي بقيت التوكيلات
موضوع مميز ورائع كالعاده يا أستاذ أحمد وعقبال صيانه ال100 ألف
اولا الف شكر على مجهودك الرائع هذا
واحب ان اضيف ان مركز الصيانه فى ركسى ايضا معاملتهم رائعه بالفعل
ومسئول عنه المهندس محمد مصطفى هو رجل محترم ايضا
بعكس حال الكثير من مراكز الصيانه
ممتااااز:36_1_40[1]:
ايييييييييييييييييييييييي ه الحلاوة دى .... الله أكبر ... موضوع زى الفل يا باشا .... التوكيل ده على فكرة يا جماعة محترم جدا بس لازم يزودوا عدد المراكز و إلا حد تانى يشارك eit فى توكيل كيا .... طبعا هم زى أى توكيل تانى همهم الربح فى المقام الأول .... علشان كدة لازم أجرب مركز صيانة تانى .... بالإضافة للتفرقة العنصرية بين الخليجى و الوكيل و هى حاجة غير مقبولة بالمرة .... حكاية غسيل العربية بالفوم دى انا مش هعملها تانى فى أى توكيل ... انا متصاحب على راجل زى الفل فى محطى البنزين اللى فى الحصرى بيغسل العربية فوم بس و ب 10 جنيه و بديله 5 جنيه فى ايده كمان و بيروقلى الموتور و بيغطى الكهربا و كل حاجة ... و لو فيه قطع غيار هتتغير فأنا مش هغير إلا اللى هيحتاج للتغيير و بس و اللى مكتوب فى الكتالوج و أكتر من كدة مش هعمل .... و هاخد قطع الغيار فى ايدى و انا رايح و تكون قطع أصلية برضه و كل حاجة .... اما بالنسبة للمعاملة فالطقم هناك منقسم لقسمين ... نص مقابلته حلوة و تفتح النفس و نص تانى كل همه يطلع الفلوس من جيبك و خلاص بس فى المجمل هو توكيل كويس و اللى أحلى منه الموضوع ده و اللى كاتب الموضوع
موضوع رائع زى ما عودتنا دايمآ
انا معاك ان أول فئة فى السيراتو ( اللى معايا ) فاضية زيادة عن اللزوم
عشان كده انا بنصح اى حد عايز جيب سيراتو اوتوماتيك بإنه يجيب الفئة اللى 109 الف
بس الحمد لله على كل شىء و أدينى بحاول أجمع فيها شوية حاجات
ممكن طلب من حضرتك
عايز رقم تليفون "الجندى" عشان أسأله على الفوجات و دراع النور
شكرآ مقدمآ